Friday, May 2, 2014

postheadericon شكرا بوتس :*

4:17 PM
قبل جم يوم وصلتني هالهديه من بوتس ..

 
 
والهدايا عباره عن مجموعه من مستحضراتهم ..
 
كلها من سوب اند غلوري الا منتج واحد من بوتانيكس ..
 
 
وهذي صور اوضح لهم :
 
(1)
المنتج اللي من بوتانيكس اهو:
مستحضر تقشير طبقة الجلد الميتMicrodermabrasion Polish
 
 
 يعزز من عملية تجديد الخلايا للحصول على إطلالة شبابية وبشرة أكثر نضارة.
 
(2)
 
اما من سوب اند غلوري ..
GLOW GETTER™
 
 بخاخ يضفي السُّمرة على الجسم والوجه وبدون الحاجة إلى الفرك، يفوح منه شذا عطر Pink™الأصلي لتنعمي بنسائم الشواطئ الرائعة على الفور.
 
(3)
 مُقشّر البشرة BREAKFAST SCRUB™:
 
 
 مزيج شديد الفاعلية مكون من الشوفان والسكر وملح البحر يعمل على إضفاء النعومة على البشرة أولًا ثم يقوم بتهدئتها وتلطيفها.
 
 
(4)
 
PEACHES AND CLEAN™ 3-IN-1 WASH-OFF DEEP PURIFYING CLEANSER
 
 
غسول لطيف على البشرة يتميز بفاعليته وقدرته على إزالة مستحضرات التجميل (حتى الماسكرا المقاومة للماء) ويعيد إلى البشرة نشاطها في دقيقتين.
 
(5)
 THE ULTIMELT™ DEEP PURIFYING HOT CLOTH CLEANSER
 
 
 
 
مستحضر تنظيف مُركّز للغاية يعمل على تهدئة البشرة وتجديد شبابها وحيويتها حيث يتغلغل بعمق للتنظيف – ذو تأثير يماثلتأثير الخضوع لجلسة سبا للتخلص من سموم البشرة.
 
 
 
•
 
 
•
 
 
 
•
 
 
 
THANX BOOTS :*
Labels: , , | 1 comments
Wednesday, March 19, 2014

postheadericon تجربتي لمجموعة اصباغ اظافر pink @HM

11:48 PM
 
هاللوو ..
 
قبل شهر ونص وزود بعد شفت هالمجموعه بابليكشن h&m  وعجبتني فكرة المجموعه ..
 
ونزل قبل اسبوعين او اكثر بس ماشريتهم الا السبت اللي فات ..
 
اهما نزلو مجموعتين هذي البينك وفيها درجات الوردي ومجموعه 2 بدرجات البيج اسمه النيود ..
 
والمجموعه عباره عن 5 اصباغ اظافر 4 لون +1 توب كوت ..
 
*تجربتي *


جربت كل الوان الا التوب كوت ..

وتجربتي كانت بطريقة الاومبري تدرجات لون يعني كل ظفر لون وعادة الالوان كلها تكون درجات للون واحد وموجوده هالطريقه من سنين مو يديده بس انا اول مره اجربها ..
وحطيت منه طبقتين ..
 
رايي :
 
كطريقه واايد حبيتها والعاده ماتم بالصبغ اكثر من يوم ومرات جم ساعه واغيره هذا تميت 3 ايام يومين بارادتي واليوم ال3 كنت بغيره بس مامداني ..
 
المهم :
كثبات يتم ومايتقشر بسرعه ..
كاللون الوانه اغلبها حلوه ماشاءالله ..
اما قوة ووضوح اللون زوينه مو خفيف حيل ماي مايوه ع قولتنا لا زوين بس حلاته طبقتين ..
وحسيته مو بسرعه ينشف :\
سعره رخيص ..
 
وعلى فكرة هذا رايي الاولي :)
 
سعره :
 
المجموعه كامله ب 2.900 دك ..
 
 
Labels: , | 1 comments
Monday, March 17, 2014

postheadericon غدانا في جوكلتنس ..

10:00 AM
هالبوست كل مابنزله يصير شي ان شاءالله هالمره تضبط ..
 
تجربتي له كانت بعيد الاضحى اللي فات ..
 
 
 
 
طلبنا كان ..
 
سلطة الجرجير ..
وBBQ برغر ..
لازانيا..
عصير لرفيجتي..
وماي لي..
 
الاسعار ..
المولتن كان بفاتوره 2 وجنه كان ب7 دك لانه ميكس ..
 
رايي باختصار :
 
الخدمة : زينه ..
 
الاسعار : مناسبه ..
 
الاكل :مو ذاك الزود اقل من عادي ..
انا ذقت البرغر بس ولازانيا ماكليت السلطه لانه مااحب الجرجير ..
اكثر شي عجبنا الصلصه اللي مقدمينها مع البطاط والبرغر :\
 
وخيارات الاكل محدوده جدا جدا يعني 3 او 4 انواع سلطه 3 برغر وجم نوع مقبلات ..
 
المولتن زين  بس انصدمت من شكله بالبيت اتوقع من سبت الجيس كان عادي مو اللي مخصص للحلو يكون له قاعده عريضه !
 
 
عنوانه :
 
بغراند الافنيو ..
 
برج جاسم بمنطقة المرقاب ش السور
 
والفرع ال2 بجمعية الخالديه ..
 
الموقع الكتروني :  linK
 
الانستغرام : @chocolatenesskw
 
t
 
Chocolateness-Phone:- 22960606
 
 
تجاربي السابقه :
 
 
 
 
 
 
Labels: , | 0 comments
Sunday, March 16, 2014

postheadericon تجربتي لـ highlighter powder by h&m

10:00 AM
قبل اسبوعين تقريبا حطيت لكم  بالانستغرام اني شريته وعقبها نزلت لكم تجربتي الاوليه ..
 
هذي صورتها من السايت
 
 
 
وهذي اهي صور من تصوير اللي نزلتهم بالانستغرام ..
 
 
وقلت بسوي مقارنه بينها وبين ذا بالم وسوفت اند جنتل من ماك بس بالنظر مبين غير ..
 
اللي بالصوره من ذا بالم وال2 عقب الصوره انكسروا واحد بنفس الوقت وال2 عقب يومين تقريبا لما رديت استخدمه خخ بس استخدمها عادي ماضرني ولا ردني انها انكسرت ..
 
اتوقع اهو اقرب لجديد ذا بالم بس مو متاكده ماشفتها بالطبيعه ..
 
 
رايي :
 
اهي زوينه بس مو نفس اللي ابيها اهي احس فيها تج لون وردي انا احب ع ذهبي او برونز ..
 
انا احطها بذمه وضمير :) واستخدمتها مره وحده لتحت حواجبي كانت مو زود عند مدمع العين  هم زوينه بعد حللتها خخ ..
 
بس عادة احطها ع اعلى الوجنتين كانت زوينه ..
 
كثبات هم زوينه اخر مره بنهاية الدوام حطيت منها مره 2  بس اول مره استخدمتها بالبيت تمت ثابته يمكن لانه ماكنت باذله مجهود نفس الدوام :\
 
 
 
سعرها :
 
ب 2.500 دك ..
 
من h&M
Labels: , | 0 comments
Saturday, March 15, 2014

postheadericon تجربتي لـ laura mercier oil free flawless face kit

3:31 PM
 
كالعاده بوست قديم بس لازم انزله لانه قلبي متروس حده منهم ..
 
تقريبا باخر شهر 10 دشيت دبنهامز وبطلعتي مريت بالصدفه عند ماركة لورا مارسيه جان اشوف عنده علب كل علبه فيهم مجموعه من الاغراض واغلبهم فيهم برايمر ورفيجتي مادحتلي برايمرهم توبه امشي ع كلامها  خخ  من تمدح شي يكون مو حلو :\
 
ومندوبتهم نظامها بمشي شغلي وببيع بس ! كلش ماحبيت باخر البوست اشرح لكم ..
 
الست  يحتوي على :
1-تنتد مستوريزر :
 
يعني مرطب بلون اهي قالت فونديشن اهي اهي قصت علي:/ << اول جذبه1
2 شي ماقالت انه متوفر بلونين اللي اهما :
-نيود << وهذا للبشرات الفاتحه جدا << واهو الللي دبستني فيه ..
- وساند شي جذي << واهو الللي لنا << عرفت هالشي لما رحت ايفنتهم وهم كان فيلم :\ اخلص من الفيلم الاول وابلش لكم ال2 ..
2-برايمر :
 
وايد يمدحونه عشانه خذيت البوكس واهو موجود باغلب البوكسات ال٢ ..
 هم طلع منه انواع  وماقالت لي بس اعتقد البوكس يوفرون فيه هذا بس مو متاكده ..
3-كونسيلر:
 اهو من فوق في لونين ونوعهم كريمي واللي تحت لوس باودر.. << ماجربته الا مره وماقدر احكم ماحط كونسيلر الا نادر ..
4-فرشتين و اسفنجتين وجنطة..
<< هم ماجربت الفرش ولا الاسفنجة ..
سعره:
 ب٢٢.٥٠٠دك
 
رايي :
 
ماعجبني لا الكريم ولا البرايمر لا القوام ناسبني ولا لون ..
 
اللون يصير ممولح بايخ قمت اخلطه مع سي سي كريم من ماكس فاكتر اهو برونز واحط بودره عساس يناسبني << عباله ..
القوام توني جربته ع ايدي بدون برايمر الكريم اسهل بالفرد ع بشره وبالنسبه لفري اويل احس عقب جم ساعه ويهي يدهن عادي !!
 
المهم صادف عقب ماجربته ع طول عزموني ع ايفنت لورا مارسيه يفافافوم المارينا ورحت له ويارتني مارحت له انا رايحه له وقايله لهم بالايميل بس عشان اتاكد من منتجاتهم كنت حاسه فيها انه السالفه :\
 
كنت بروح ابجر من 4 اهو يبلش 4 لي 9 ..
 
قالي مايصير الخبيره بتي 4 ونص قلت له اوكي بشوف ..
 
قلت لرفيجتي نطلع عقب الدوام نتغدا ونمرهم قالت اوكي مريناهم ماذكر اذا مره او مرتين بس اذكر طلعت منهم 5 جريب النص والخبيره مايات :\ واللي تبيع استغفرالله دفشه ماحبيت اسلوبها مادري ليش مايختارون مندوبات زينين مو معقوله جذي شي يطفش ..
 
لما قلت لها عن تجربتي اهي اللي قالت لي عن الدرجة ال2 من الكريم :\ وقالت هاج بنعوضج وعطتني اياه وعقب قالت لي شوفي البرونز قلت لها انا مو يايه اشتري :\ اساسا كنت مفلسه :|
 
وعطيتها الكريم اشوه ماخذيته معاي جان كلبجوني عند الباب حسبالهم سروق خخ انا ورفيجتي حسبالنا هديه بس اشوه رديته ..
 
وزعلت وطنقرت و حطيت هالماركه بالبلاك لست :\
Labels: , , , | 1 comments
Monday, February 17, 2014

postheadericon تجربتي لـ Vaseline Spray & Go Moisturizer

10:00 AM
 
اول ماعرفتها ماكان متوفر بالكويت ويطلبونه من النت وبنهاية السنه العام دريت انه بمركز السلطان ورحت خذيت لي واحد ..
 
 
 
فكرته :
 
هو من شاركة فازلين لكن بدون تدبق وثقل فرق عن الفازلين الاصلي هذا سبري وخفيف ..
 
متوفر 3 انواع :
 
  (الاصفر ) Total Moisture
  (الادعم \ البني) Cocoa Radiant
  (الاخضر ) Aloe Fresh
 
تجربتي  + رايي..
 
خذيت الاصفر وجربته كذا مره 3 او 4 ماحبيته مااحس اني متدهنه ! بشرتي ترد ناشفه عقب ساعه او ساعتين ! جني راشه عليها ماي مو مرطب او جني مو مستخدمه شي ..
 
باختصار مااحس يفيد للي بشرتهم جافه او بالشتا (يبيله البرد ترطيب اقوى لانه ينشف البشره )وهم ماينفع بالصيف عقب السبوح ع طول  ..
 
لو ماعطيته اميمتي الله يطول بعمرها جان استخدمته بس مو عقب السبوح مثل ماقلت فوق لا عقب يوم من السباحه لانه اكون مستخدمه بعد السباحه مرطب قوي يتم مفعوله يوم او 2 ولثبيت وزيادته استخدم سبريه فازلين..
 
واللي عجبني فيه ريحته  بس ..
 
سعره :
 
ب3 وشي ..
Labels: | 2 comments
Sunday, February 16, 2014

postheadericon بيتفور mini and nice

10:00 AM
قبل فتره يابته زميلتي بالدوام وزعته علينا ..
 
 
 
هني بالجار ^^^
 
وهني شكله بالايد ..
 
انا خذيت وحده كليتها ماشاءالله تذوب بالحلج وشكله نتفه يشوق جان اقولها عادي اخذ 2 ولو مو الفشله جان حطيت الجار بحظني خخخ ..
 
وهذا مو بس رايي يت زميله 2 واستلمت الجار ماشاءالله تقول مااقدر اوقف خخ  قلت لها كلنا جذي ...
 
وعلى فكره اهو ميكس اكثر من نكهه لا تقولون شنو لاني مو ذاكره ..
 
 
ولقيت اكاونتها بالانستغرام اسمها ميني اند نايس ..
 
@miniandnice بس الحين سوته برايفت ..
 
اللي مستغربه منه كاتبه بالبايو الجار ب6 والاثنين ب12 ؟
 
للطلب :
عن طريق الواتساب وقبل يومين :
90964512
Labels: | 0 comments
Saturday, February 15, 2014

postheadericon كوكيز نستله مخصوص لمن تحب وباللي اهو يحب :P

10:00 AM
بما انه خلص عيد ميلادي اقدر اكتب عن الهدايا ع راحتي خخخ ..
 
في شغله احبها بالهدايا اذا بدز نقصه لاحد او صوغه او هدية عيد ميلاد او زواج غير انه تكون شغله يحبها الشخص انه تكون معده او مصنوعه خصيصا له ..
 
بس ماقط صارلي هالشي خخ الا بالكيك ..
 
المهم من الشغلات اللي هبيت فيه العام وتحمل هذه الميزه او الصفه ..
 
اهي كوكيزة نستله ..
 
جربته اكثر من مره ..
 
(1)
اول مره بشهر 5 العام هديه لرفيجتي عروس + فلوس  << وكان بفرع صليبخات ..
 
(2)
 
وماحطيتها بالانستغرام عشان ماحرق الفكره ع نفسي ولانه عجبتني وبسويها لعيد ميلاد رفيجتي << وهالمره مارحت كنا برمضان واتصلت عليهم وقلت لهم ابي نفس اللي حاطينها باكاونتك بالانستغرام 2 يوم اتصلوا ياكدون الطلب وصلوها لي بيتنا ..
 
(3)
المره ال3 اختي عجبتها الفكره فسوتها لعيد ميلادها وعيد ميلاد رفيجتها << وهذا فرع الافنيو ..
 
(4)
المره الرابعه هم اختي سوتها لرفيجتها بس هالمره يابولها ايها مو زود كلمتهم جان ايبون لها وحده اكبر واحلى ..

والكوكيز تكون شغله من مجموعة شغلات اقدمها كهديه و بالنسبه  لكوكيز اللي مكتوب عليها عيدكم مبارك مو طلبي صورتها بالكافيه دشوا اكاونتهم بتشوفون اشكال ورسومات واحجام مختلفه ..
 
نستله خدمتهم حلوه خصوصا اللي بالافنيو و كوكيزهم لذيذ ..
 
الاسعار :
 
الكوكيز اعتقد 8 وتوصيل للجهرا رخيص بنص جنه ولما وصلوه لدوامي كان بلاش ..
 
فروع نستله :
 
مارينا:25732046
ذا فلج:23909021
سما صليبخات:22219138
الافنيوز:22200669
 الليوان:65548380
منيوز:22250101
الفتوى:22941000 ext.19988 ا
لأشغال:25306000
 
الانستغرام : @nestlecafekw
 
 
 
تحديث :
هالبوست كان مجدول يعني مكتوب قبل عيد ميلادي قبل 11 - 2 ..

المهم بعيد ميلادي اختي سوت لي الكوكيز خخ ..

 
بعد عمري كنسلت موعد طبيب الاسنان وتعنت نستله وتمت ساعتين تنطره وعلها مافهم ولا في الوان عنده << فرع صليبخات ..

شكرا الجعده :*
Labels: , , , , | 1 comments
Friday, February 14, 2014

postheadericon the bagel bars @ غدانا

10:00 AM
 
انا هالتجربه اذكر كان عاجبني المطعم بس شنو تفاصيل التجربه ماذكر حتى ماصورت خليت رفيجتي تصور ...
 
طلبنا كان عباره عن نوعين بيغل ..
 
 
1- كلاسيك كلوب
دجاج،بيف بيكون،طماطم،خس تشايف كريم،بصل،مايونييز وبيغل السمسم ..
عدد السعرات الحراريه : 620 كلوري ..
سعرها :  
2.100 د.ك
 
2- بيف برغر
بيف برغر مع البصل ،جبنه الشيدر،خس ، الكاتشب ، على بيغل السمسم المحمص ..
عدد السعرات الحراريه : 700 كلوري ..
سعرها :  
2.400د.ك
 
المعلومات غاشتها من موقع طلبات بحط لكم اللينك باخر البوست ان شاءالله ..
 
واخترنا هالبطاط ..
مااعرف شسمها ..
 
رايي :
 
اللي اذكره البيغل ال2 زينين بس انا عجبني نوع ماذكر شنو ورفيجتي حبت النوع ال2 << كان شيرينغ ..
سالت رفيجتي تقول حبت الكلوب اكثر اذا جذي عيل انا عجبتني البرغر بس اهي تقول حبينا الكلوب اكثر المهم كانوا زينين ..<< دخت خخ هذي نتيجة تكود البوستات
 
والبطاطه عاديه ..
 
مكانه :
 
بغراند افنيو -فوق ..
 
رابط موقع طلبات  LINK
 
وناسه طلع يوصل بطلب بالدوام ان شاءالله ..
Labels: , | 0 comments
Thursday, February 13, 2014

postheadericon تجربتي لـ Lily & D

10:00 AM
هالتجربه هم معتقه خخ  صار لها تقريبا 6 اشهر اللي اذكره جربته باول 9 ..
 
كنت امر بفتره بالدوام اسمها للاستقرار  فحبيت ادلع عمري عساس انسى همومي الوظيفيه ..
 
فحجزت لعقب الدوام ع فكره اهو اخر سبا جربته واخترته بناء على مدح صديقتي الانستقراميه صوفي ..
 
 
وصلت ..
 
وهذي الصور عند السبا من داخل ..
 
وهذي لقطات من السبا ( الرسبشن- مكان البديكير والمنيكير والخ )
 
وفي مجموعه كبيره من اصباغ الاظافر مثل زويا و OPI .وشانيل .... الخ ..
 
وشغلهم مو بس اظافر لا عندهم واكس (شمع ) وعناية بالشعر اذا ماخاب ظني وعندهم خدم منازل بس مايون الربع الخالي قصدي الجهرا :\
 
المهم هذي الضيافه اخترت جاي اخضر ومعاه عطوني ككاو لذيذه ماشاءالله ذابت من حراراة الجاي عجبتني جان اقولهم ابي 2 يابتلي عقب تسالني تبين بعد قلت لا بتصير مصاخه بس يبي الصينيه بحظني خخخ اتغشمر اتغشمر ..
 
وهذي العده اللي استخدموها لي ( سنفره وماسك وهذا فاضي خخ مادري المهم وعده الخاص معقمه ومغلفه ومخدة الحاره احبها ع الجتوف ..
 
وعلى فكره ماخترت نوع الخدمه اهما شافوني واختارولي قالت لي ريولج اخترنا لها نسيت شسمه بس للنعومه لانها تحتاج اما ايدج فالعادي لانها ماتحتاج شي ..
 
ويابولي مبرد اللي يلمع الاظافر وكنت خايفه انا يخرب اظافري يضعفهم ويخليهم يتكسرون بسرعه بس اشوه ماخربهم  واللمعه تمت ماشاءالله فتره طويله يمكن اكثر من اسبوع ..
 
وهذي النتيجة ..
الاسعار :
 
الريول علاج الجفاف ب8 د.ك ..
 
والايد ب5 د.ك ..
 
رايي :
 
الستاف : عجييييييييييييييييييييييييييييييييييييييييييييييييييييييب ماشاءالله اول مره اروح سبا استانس واضحك جذي وايد داروني وحافوني حوف وونسوني ..
 
ع سبيل المثال موقف الككاو الللي قلته فوق ..
 
ريولي مثل ماتعرفون فيها مسمار لحم اخاف لما يجسونه واتم متشنجه اللي كانت تسويلي اظافر ايدي تحاول تلهيني تسولف معاي وتدلكني ..
 
ضحكتني تقولي اظافرج حلوه ماراح اقصه بس هالمره المره اليايه لا قلت اقصهم واييج تسوي روحها تبجي << امبيه تينن ماشاءالله ..
 
واللي تسوي ريولي مدحت براتمي خخخ ..
 
ولما بطلع يقولوني حبيناج كل تعالي لنا << والله انا الللي حبيتكم ..
 
وحسبولي رسمة الظفر ببلاش لانه بس ظفر ..
 
النتيجة : وايد حلوه وخصوصا الريل ماشاءالله نعومه ..
 
الاسعار :هم وايد زينه (ارخص سبا جربته وحبيته )
 
عنوانه :
 
مدينة الكويت - مجمع الغوالي جبال مجمع الراية ..
 
ت : 22441585
 
الانستغرام : @lilyandd
 
T
Labels: , , , , | 0 comments
Wednesday, February 12, 2014

postheadericon شوكودور - Chocodor

10:00 AM
من زمان مانزلت بوست جهراوي ..
 
هالمحل بطل بالجهرا من جم شهر ..
 
 واهو محل مخصص بالككاو ..
 
شكله من داخل ..
 
من المنتجات اللي يوفرها علب ككاو وصواني ككاو تنفع كهدايا ..
وخاصة الصورتين ع اليسار حبيته وديته لرفيجتين نقصه ..
 
ومن المنتجات ال2 شغلات تنباع بالكيلو او الحبه ..
 
مثل الماكرون واعتقد الحبه ب350 فلس << مو متاكده ..
 
روكي رود ينباع بالكيلو ..
ربع كيلو بدينارين ..
نص كيلو ب4 د.ك ..
كيلو ب8 ..
 
جربته اكثر من مره وكان زين مو وااو بس ماكو بديل :\
 
 
كرات الكريسبي او الكرون فليكس مادري شسمه اتقد نفس سعر روكي رود وطعمه عادي ذكروني اذا ماخانت ذاكرتي من زمان مجربته بحلو كرات المارس ..
 
وقطع الفراوله المغموسه بالككاو وجنه الوحده بربع مو ذاكره وكان طعمه عادي وبارد لانه بالثلاجه :\
 
عنوان المحل :
 
الجهرا مجمع اوتاد فوق ..
ت : 24566646
 
ويقال انه له فرع اخر بالفنطاس ..
 
 
Labels: , , | 0 comments
Tuesday, February 11, 2014

postheadericon thanx barkerista :*

10:00 AM
 
نسيت هالبوست في بداية السنه ولها المناسبه دزولي هالنقصه ..
 
بس عادي اليوم هم يصادف بداية سنه يديده بعمري :)
 
 
النقصه عباره عن ستاند متروس كيك بوب ب3 نكهات ككاو و رد فلفت و فانيليا وعلى اشكال خاصه بداية السنه الشيره ورجل الثلج وسانتا كلوز (بابا نويل ) ..
 
وايد حبيت النقصه  اكرمكم الله وكل عام وانتوا بخير ..
 
والاهم اميمتي حبته وتمت تاكل منه جم يوم عليها بالعافيه ..
 
t
 
 
 
الانستغرام :  @Bakerista
 
 
 
Whatsapp
65155099
 
 
 
Labels: , , | 0 comments
Monday, February 10, 2014

postheadericon تجربتي لكحل قولدن ليدي ..

10:00 AM
رفيجتي يابت لي هالكحل نقصه عقب ماسالتها عنه << قمت ماسال عن شي فشله خخ ..
 
عاد الهديه مثل الدين ولازم تنرد واشوه رديتها لها :)
 
 
 
هالكحل يصير صدفي اعتقد جذي يسمون لونه مو مات لا احبه لداخل العين بدال الابيض المات او البيج احس يحلي العين ..
 
واللي احبه اكثر منه من ايزدورا قلت لكم عنه هني postheadericon IsaDora Twist-up Metallic Eye Pen  << طبي وزين للي مايحبون مكياج الهنود ..
 
الاسعار :
 
قولدن ليدي ب1 بدينار ..
 
اما ايزدورا بحدود السته د.ك ..
 

Labels: , , | 1 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates