Monday, June 24, 2013

postheadericon افتتاح بوبوش بوتيك - bobosh boutique

1:13 AM
اول امس يالي بي سي دعوه للافتتاح اللي يعرفني يعرف اني ماحب ايفنتات البلوقر بس هذا كان غير اعرف صاحبة البوتيك تعرفت عليها بصالون كانت عازمتني ورحت وعزمتني مره 2 ع صالون 2 بس ماقدرت اروح بس راح اروح ان شاءالله وهالمره استحيت ماروح تستاهل من يتعنى لها خصوصا انها من اصحاب المشاريع النادرين اللي يخلون نكتب ونصور ع راحتنا مايطنقرون اذا كتبنا انه في سلبيات المهم كنت البلوقر الوحيده بالايفنت وكان بمثابة حفل كوكتيل في قروب من بنات وايد حبيت الاجواء ماشاءالله وتعرفت ع ناس متخصص بمختلف المجالات تصوير - هندسه ومصممات مثل انفال الصالح و تعرفت ع زباين البوتيك السبشل ..
 
وطبعا لازم احط لكم جم صوره ..
 
للامانه ماصورت وايد كنت لاهيه بالسوالف خخ ..
 
رويال بلو من ابرز الوان هالموسم ..
 
حبيت الوانها والرفلز ..
 
ناعمه وبالصج شكلها احلى ..
 
وفي عندها وايد قطع مستخدمه فيها خامات رجاليه ..
 
مثل الشماغ ومستخدمه اكثر من لون ودامجته بالترتر بتقولون وي شخباري قديم بقولكم اهي بدايته من 5 سنين تقريبا كانت فيه يعني هذا جنه ستاندر عنده << هذا كلامي مو كلامها خخ ..
 
 
وهذا البشت الصراحه انا ماحب البس شي اساس كان رجالي بس هالبشت شدني ولما شرحت لي فكرته حبيته اكثر ..
 
فكرته انه ينلبس بطريقتين الاولى كشروال وال2 قالت لي ينلبس بطريقه معينه بالايد مااعرف اشرحها بس اذا دزت لي صور الشو بنزله لكم ان شاءالله ..
 
 
هذا ع الموضه حبيت الخامات ..
 
هذا حلو للي ماتحب الدراريع وهالموديل احس يغطي عيوب الجسم ..
 
احب هالقصه واحب الخامه الطايحه ..
 
وعلى فكره اهي مو بس تصمم ملابس اهي تصمم اكسسورات وكل اكسسوار توفر منه قطعه بس ..
 
اغلب الصور فيها قطع من شغله بس انا صورت لكم 2 بشكل اوضح ..
 
 
هذا حبيت فكرته مو موديله تقول دمجت الفيروز مع مرجان ولولو لان بحكم انها معالجه بالطاقه تقول دمج هال3 شغلات يعطي طاقه ...
في وايد شغلات موجود بالبوتيك ..
 
وهذا صوره لجزء من الضيافه اللي كانت من 1minimany 
 
 
 
عنوانه :
 
الجابريه ق3أ - ش 5 بناية 73 الدور ال2 ..
بالعماره اللي فيها صالون الرموش الذهبيه ..
 
الانستغرام : boboshboutique
Labels: , , | 0 comments
Saturday, June 22, 2013

postheadericon ESQUIRES

1:20 AM

اليوم رحت اوتاد روحه ع السريع وبالنسبه لي هالمجمع بمثابة افنيو الجهرا خصوصا مؤخرا كل ما روح له في محل يديد ماشاءالله ..
 
من الشغلات اليديده فيه هالكافيه ..
 
اهو كافيه نيوزلندي اول مره يبطل بالكويت واول فرع خلص اهو فرع الجهرا وبيفتح 4 غيره 2 بالسالميه واحد بالمجمع يم البيرق والاخير يم اعتقد هيلتون المنقف ..
 
 في وايد شغلات وعلى فكره توه مابطل هذا افتتاح تجريبي وعقب يومين الافتتاح الرسمي ان شاءالله ..
 
صورت لكم جم صوره له ..
 
في وايد اكلت في شغلات جاهزه كسناك وفي معجنات ..
 
مثل الكرواسان والمافن ..
 صمون بمختلف الحشوات والاشكال يعني راب وتوست و وبيغل واعتقد في شابيتا والخ ..
 
وفي سلطات وكيك بعد ..
 وهذي ثلاجة المشروبات البارده ..
 
وهذا صوب الجاي عندهم متوفر ب9 نكهات ..
 بالاضافه انه القهوة بمختلف نكهاتها عندهم اورجانيك ..
 
ويوزعون وايد مشروبات كضيافه ..
 
 وهذا جانب من القعدات ..
 
وهذا طلبنا ..
 
تيركي بيغل..
 والصمونه الورديه هم بالتيركي ..
 وكيكة ككاو بس لي الحين ماذقتها ..
 
الاسعار :
 
مكتوب تونا بيغل ترا مخربطين ..
رايي :
 
ككل الطعم زين وحجم الصمون كبير ماشاءالله، الستاف حاب يخدم وماشاءالله مبدائيا الستاف عدده كبير اتوقع لانه اول فرع عقب بيوزعونهم ..
واسعاره مثل باجي الكفيهات بس تشكيلته اكبر ماشاءالله ..
وراح اجربه مره 2 و3 ورابعه ... الخ بعد :)
 
عنوانه :
 
مثل ماقلت فوق :
 
الجهرا - مجمع اوتاد تحت بالسرداب مكان كارفور قبل ..
 
 
Labels: , , , | 0 comments
Saturday, June 15, 2013

postheadericon Sara art

1:19 AM
ساره ارت فنانه احب شغلها شفته بالصج قبل لا اعرفها ولما عرفتها بالانستغرام حبيتها من اخلاقها العاليه ماشاءالله ..
 
توها من جم يوم بلشت مشروعها مبدائيا ترسم صوركم الشخصيه ع اكواب وتيشرتات (احب الشغل اليدوي )..
 
بس لانه توها بالبدايه اكاونتها التجاري بس حاطه فيه صور الاكواب ..
 
والشغل مرتب ماشاءالله واخليكم مع الصور ..
 
 
 
 
 
 
اسعارها للاكواب:
من 5 الى 7 د .ك للكوب ..
 
للطلب :
Connect me on kik : sara_art
 
الانستغرام : sara_art_
 
Labels: , | 1 comments
Friday, June 14, 2013

postheadericon ومبي

1:00 AM
من مطاعم الطفوله (فرع النزهه ) اول يدتي كله تطلب لنا منه عشا اهو او تب كنتاكي او فتوش جمعية الفيحا او فلفلة ..
 
احبه لانه احب يدتي واحب كلشي منها الله يرحمها يارب ..
 
وخبري فيه من سنين يمكن اخر مره كليت منه قبل 10 سنين ورفيجتي جربت وجبه يديده ومدحتها لي وذاك اليوم صادف انه ردين مع بعض عقب الدوام فمريناه نجرب الوجبه اللذيذه ..
 
انا اللي كنت اعرف عنها انها سبايسي بس لما رحت ولا طلعت بوري بالدياي مادري دياي بالبوري ..
المهم انها لذيذه وحبيتها بس خذيتها بدون الفلفل ..
 
واكرمج الله حبي :*
Labels: , , | 0 comments
Thursday, June 13, 2013

postheadericon Big Lens

10:00 AM
وايد بالانستغرام سالوني شلون اخلي الخلفيه مو واضحه بصوري ع قولتي اخليها مغبشه :\
 
الاجابه اهي استخدام برانامج اسمه Big Lens
 
احبه وايد سهل استخدامه وتاثيراتها حلوه تحلي الصوره بيصريلي 4 اشهر استخدمه وماقدر استغني عنه وخلاني بعد استغني عن برامج 2 للتاثيرات ..
 
سعره: انا نزلته من الاب ستور ببلاش ..
 
تبون تعرفون معلومات اكثر عنه ضغطوا هني
 
Labels: | 0 comments
Wednesday, June 12, 2013

postheadericon RoseBay Store

11:16 PM
من الاكاونتات التجاريه اللي شدتني بالانستغرام هالاكاونت واهو متخصص بصناعة اليدوية للاكسسورات  وخاصة الكولار (القلبه )
 
ويستخدمون له وايد مواد (دانتيل -هدب- ريش- خرز - لولو ... الخ )
 
احترت شختار واعرض لكم عساس يكون عندكم فكره عن شغلهم مالقيت احسن من الصور الشامله اكثر من قطعه والباجي باكاونتهم بحطه بختام البوست ان شاءالله ..
 
 

 
 
هذا موكولار قلب عادي بس عجبني حيل ..
 
الاسعار :
والحلو فيه انه تحت كل صوره كاتبين السعر ..
 
وماثبت على كل الاسعار بس اللي شفتهم تقريبا من 12 لي 22 د.ك ..
 
للطلب :
whatsapp: 66504215
 
للمشاهدة المجموعه كامله زوروا صفحتهم بالانستغرام : @rosebay_store
 
 
Labels: , | 0 comments

postheadericon ريوقي من isandwich

3:00 PM
الاسبوع اللي فات كنت وحيده بالدوام فعشان ما امل قزرتها يوتيوب وتجارب يديده ، ومن الشغلات اللي جربتها  هالمطعم ..
 
طلبت سيزر راب و سلطة الناتشوز..
 
 سلطة الناتشوز
مكوناتها ذره وخس واعتقد ملفوف مو متاكده وبطاط ديتوس وصلصه ..
 
 
 
سعرها :
1.600 د ك ..
 
 رايي فيها :
عاديه بس الصلصه شويه مو تارسين كل القوطي جيكو ع صوره موجوده ورا وهم موجوده بالصوره اللي فوق مبينه انه مو تارسينها ..
 
* راب سيزر *
سعرها :
 
1.650 د.ك ..
 
رايي فيها :
 
ككل زينه بس اللي ماحبيته فيها انه الخبز مو الراب اللي متعوده عليه طعمه جنه خبز صاج ..
 
التوصيل :
مدته : ساعه الا ربع تقريبا ..
وسعره : 200 فلس ..
 
رايي فيه ..
 
الاكل نظيف واسعاره مناسبه  و عادي اطلب مره 2 بس اجرب شغلات يديده ..
 
للطلب :
Delivery - 22498466
Sun-Thurs 7am to 5pm
Fri-Sat 12pm to 10pm
الانستغرام : isandwichq8 
 
Labels: , | 0 comments
Tuesday, June 11, 2013

postheadericon جديد بودي شوب : بي بي كريم من مجموعة فيتامين e

10:00 AM
شفته بمجلة سيدتي الصبح وعجبتني فكرته فصورته للانستغرام ...
 
 
 والعصر صادف مريت الافنيو فرحت بودي شوب اجيك اذا موجود ولا لا واشوه حصلته ..
 

loading... Now Loading...
حسب ماهو مذكور بالخبر  فايدته ترطيب ١٢ساعه ويصحح عيوب البشره ويحميها من الاضرار اليوميه..

وفلما وصلت وحصلته جربته بس ع ايدي لانه اوردي ع ويهي حاطه بي بي كريم بس من شركة 2 المهم ..
 
وصورت لكم تجربتي ..
هذي صورته كقوام شكله جنه كريم اساس ..
 
وماصورته عقب ماتدهنت لانه مايبن شي خخ ..
 
سعره:
 ب5 ..
 
رايي فيه :
 
كترطيب و نعومه زين مبدائيا تدهنت فيه العصر والحين الساعه وحده الصبح احس بفرق بين ايدين بالشكل والملمس فرق بسيط طبعا ..
 
بس كلون و تغطيه يمكن التغطيه خفيفه جدا جدا جدا واللون مثل ماقلت انا واختي الجوز جربناه كل وحده فينا لونها غير بس 2 لاحظنا مايبن لونه علينا ..
 
وكقوام هم زين ماذكر انه غثني بالفرد وهم خفيف ع البشره ..
 
ومثل ماقلت هذي تجربتي المبدائيه للتستر وعلى ايدي ..
 
*مصدر الخبر مجلة سيدتي عدد ٨/يونيو /٢٠١٣م
 
Labels: , , | 0 comments
Monday, June 10, 2013

postheadericon تنزيلات فكتوريا سيكرت ..

11:14 PM
قبل جم يوم من الانستغرام دريت انه فكتوريا سيكرت مسوي سيل وعرفت هالشي من اكاونت زميلتي البيوتيه الانستغراميه sofiashe @   ..
 
اليوم مريته وعجبني فصورت لكم جم شغله منه ع طاير ..
 
 
عجبوني المضاعد خصوصا اول 2 ع اليسار ..
 
الاسعار :
كان ب21 صار ب10 ..
الضعيف اكثر من واحد مع بعض عجبني واحد منهم  بس المجموعه سعرها كان 17.750 صار ب8.750 ..
 
النظارات هم في مجموعه مشموله بالسيل هذي كانت بالثلاثينات تحديد 36 صارت بالتعش تقريبا 18  ..
 
 * المكياج *
 
هالطقم عجبني مع انه مادققت بمحتوياته عدل بس احس شامل كان 14.750 د صار ب 7.500 د...
 هذا شكله يشووووووووووووووووووووووق شفته باكاونت sofiashe  توقعته صغير بس طلع بحجم المجله العادي اذا مو اكبر بعد ..
 من داخل ..
 سعره كان ب20.500 صار ب10.250 ..
 
وهذا طقم كل طقم في بلاش وصبغ وحمره وحجمهم ميني ومتوفر بلونين كورال و الوردي ..
 
 
سعر الطقم كان 8.250 صار 6 ..
 
واطقم قلوسات ..
 
سعره كان ..
ماذكر بس جنه 10 وصار 5 وشي مو متاكده ..
 
 
سعره كان 9.500 صار ب7 ..
 
واطقم العطور ..
 
 
اللي شفت اسعارهم :
الجنطه السودا اللي بالنص كان ب 14 صار ب7 ..
الورديه عاد نسيت اي وحده خخ كانت ب14 ونص صارت ب10 ونص << ترا مصوره اغلب التاغ مو معتمده ع ذاكرتي ..
 
هذا ماقريت شنو بس اعتقد البودي ميست كان ب 4.500 صار بدينارين وربع ..
هالصور من فرع الافنيو اللي بسطرت سبلاش ..
 
وفي شغلات وايد ماصورتها ..
 
والتنزيلات مستمره لي 30 \6 ان شاءالله..
Labels: , , | 0 comments
Sunday, June 9, 2013

postheadericon جديد مكياجي : عطور بنكهات لذيذة :)

12:19 AM
صج صج صج ولهانه ع بلوقي صار لي جم يوم احاول انزل بوست والنت متنح :(عندي شكثر سوااااالف الحمدالله ضبط اليوم من الفرحه يمكن انزل 10 بوستات خخ..
 
وقبل جم يوم دزولي مكياجي ايميل باجدد منتجاتهم اللي اهي 3 عطور للصيف واهي بنكهات لذيذه كلنا نحب ناكلها واللي يسون الرجيم يقدرون يكتفون بشمها خخ ..
 
حبيت هالمقطع من الايميل اللي دزولي اياه مكياجي عنه (يعني العباره التاليه منقوله حرفيا ) :
" كلّ فتاة تحبّ تناول الحلويات أحياناً، لكن قضمة صغيرة تقابلها عادة إحساس بالذنب. ألن يكون من الرائع أن تاكلي الشوكولا والكرميل من دون تناول شيء في الحقيقة؟ لقد نجحت مكياجي بذلك مع ابتكار مجموعة مغرية من العطور تجعل هذه الأمنية حقيقة. "
 
وبما اني مااحب انزل اي شي ببلوقي خصوصا الاكل والعطور لازم اجربهم يوم الخميس مريت محل مكياجي وخليتهم يطلعونهم لي اشمهم بس ماقلت لهم اني بلوقر ..
 
المهم كان اول يوم لوصول لمجموعه يعني انا اللي فتحتها خخ ..
 
هذا اهما العطور ..
 
مثل ماقلت لكم اهما 3 نكهات :
 
عطر شوكولا: يتميز هذا العطر بتركيبة مبهجة تتألف من البندق والكريما والكاكاو من بين أمور أخرى. ويعتبر عطر شوكولا في هذه المجموعة عطراً مغرياً ومسكراً على حدّ سواء.
عطر فانيلا: تتألف تركيبته من عطر ناعم يبعث على السرور مستخرج من عطر الفانيلا الرائج جداً والتي تعززها روائح فريدة من زيت البرغموت والبرتقال السيسيلي والكرميلة.  
عطر سُكّر: غني، دسم ومثير للحواس، هي العبارات التي تتبادر إلى الذهن عند وصف عطر "سُكر" في هذه المجموعة. تتألف تركيبته من رائحة الكرميلة والقرفة الحلوة التي تضفي بعداً عميقاً على نكهة هذه المجموعة.
 
والعطر اللي صورته اهو عطر عادي حجمه 50 مل  وهم تتوفر من نفس الريحه مجموعه من المنتجات اهي مع اسعاره :
قنينة العطر: 59 درهماً
معطّر الجسم: 39 درهماً
مرطّب الجسم: 35 درهماً
جل الاستحمام: 29 درهماً
لوشن الجسم: 45 درهماً
مزيل العرق: 29 درهماً
طقم الهدية Bath & Body Gift Set Large: 115 درهم
طقم الهدية Bath & Body Gift Set Extra Large: 195 درهم
 
طبعا كل المعلومات عن الاسعار والمنتجات منقوله من ايميلهم بس طبعا ضبطت البوست بترتيبي الخاص وصغته ع هواي ومو بس جذي الصور من تصوير + يبت لكم هالمعلومه من المحل ..
 
انه هالعطور سعر العطر ب4.500 د.ك بس عندهم بشهر يونيو (6) عرض خاص عليه اذا شريتي 3 عطور بيكونون بسعر عطرين يعني 9 د.ك ..
 
 
وهالعرض بيستمر لي 30 - 6 ان شاءالله ..
 
رايي :
امم اللي يحب هالسوالف ضروري يمر اقرب محل مكياجي ويشمه ..
 
من افرع مكياجي بالكويت :
 
اللي اعرف باوتاد الجهرا ..
وهم في بالمهلب والفنار << خبري فيهم من زمان وجمه بالمهلب والكوت << مو متاكده ..


 
بالانستغرام : @Mikyajy1

 
t

والسايت :LINK
Labels: , | 0 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates