Wednesday, September 5, 2012
10:02 PM
هالمحل كتبت لكم عنه قبل بس عن فروعه بدبي (هني) ،و اهو ماركة ماليزيه واللي شفته انه ارخص وتشكيلته اكبر واحلى من دبي كنت احبه بس الحين انا بحالة عشق ❤
موجود باغلب المجمعات بكوالالمبور ساعات بالمجمع يكون له اكثر من فرع واحد للجواتي وانتوا بكرامه اسمه vincci وفي للاكسسورات بس هم في تشكيله بسيطه فينسي اكسسوريز شي جذي اسمه ، وفي vincci + هذا احس اغلى من العادي وتشكيلتهم هم اقل ومو زود حبيت البي بدون +اكثر..
وهم ساعات يكون موجود بمحلات الكبيره اللي يسمونها ديبارمنت ستور اللي من طقة دبنهامز..
هذي صور من تشكيلته(من افرع مختلفه):
سبايكي
جوتي الملكة
عااااااااااجبني وخاطري فيه وكنت باخذ البرتقالي علبو عندي فلات فوشي بس ماحصلت مقاسي دورته ب٣ افرع ماكو اهي اهي خاطري فيه
غرامي الدانتيل ❤
هذي هم بخاطري حبيتها بس ماخذيتها كنت باخذها اخر يوم بس الله ماكتب
وفي منها اسود وبافرع في بيج بعد بس البيج بايخ
الوانها هاديه
في منها اكثر من لون
اللي ماحبيته بالمحل انه ساعات اشكره يقلد وكوبي بيست خصوصا هالموديلات مقلد YSL
موجود :
سلانجور : برميد ( جنه ماركة بمحل ماله محل خاص بهالمجمع)
كوالالمبور:
بفاليون انا اللي دشيته + بس جنه فيه ال٢ بعد..
سونجي في العادي وفي محل اكسسورات (فروعه بهالمجمع لويه ودثره)
سوقو ..
فرنهايت (هالفرع عطونا ديسكاونت ١٠%لانه احنا سياح)
ميجا مول جنه في+ والعادي
وهم klcc
هذول اللي اذكرهم..
- Posted using BlogPress from my iPhone
Labels:
6:28 PM
من محلات الحلاو اللي كانت بلستتي لسفرتي بماليزيا هالمحل كنت ابيه وصدفه لقيته جدامي وطبعا دشيته وخمطت ❤❤
ديكوره يونس
هالصوب مكان انتوا تعبون وتختارون وهم تذوقون ع كيفكم ، ماشاءالله اول مره اذوق حلاو فريش لزيز ❤❤
وحتى الحلاو المكسر/المنكسر يبيعونه بس طبعا عليه عرض ..
حبيت هالركن يونس
هالمكاين ذكرتني بطفولتي ورا المحاسب تكون ولازم كل ماامر الجمعيه اخذ علج ولا لعبه منهم ..
واللي يبيع وايد حليو واستقبل استفسارنا عن اذا المنتجات حلال او لا بصدر وسيع لانه مو كل المنتجات اللي يبيعها حلال فكان يقول اي شي يعجبكم سالوني عنه ، ترا هالصوب حلال ..
عنوانه:
مجمع برميد (بسن وي لاغون /سلانجور) اعتقد بالسرداب..
- Posted using BlogPress from my iPhone
Monday, September 3, 2012
9:39 PM
من المحلات البيوتيه اللي دشيتها وخمطت منها بماليزيا هالكشك :
وفي شغلات تشوق صورت لكم جم شغله منها مع مشترياتي :
شفتوا الثلاجه اللي تبين بالصوره فيها صابون ع اشكال اكل ( كب كيك ، كرات برد، وماكرون) وبالوان ونكهات مختلفه وفيها بعد صابون عادي:
وشور كب عجيبن كيوت ..
اصباغ الاظافر خذيت من اللي ب١٠ رنجت تشترون ٤ تحصلون ١ فري بس تشكيلتهم بسيطه وتحسفت اني خذيت منهم لقيت باماكن ٢ اصباغ ع ٣ رنجت وتاخذين ٢ يعطونج ال٣ ببلاش..
توقعون هذا شنو؟؟
زبدة ككاو lip blam ع شكل بوك وحجمه نتفه صغيرون..
وهذا شكل ٢ ع برد وهم صغيرون..
مشترياتي:
غير اصباغ الاظافر:
خذيت صابون ع كرات البرد هذي وحده منهم الباجي وزعتهم وخذيت ع كب كيك هم وزعتها:
وخذيت ماسك للريول نفس اللي هابين فيه اسبوع ويقشر الريل تقول يخليها ريول بيبي (نجرب ونشوف): ومعاه قلوس هديه:
عنوانه:
مجمع برميد (سلانجور)
وتحصلون بعض منتجاته اعتقد بصيدليه واستن ..
- Posted using BlogPress from my iPhone
Sunday, September 2, 2012
10:06 PM
من المحلات اللي كنت حاطتها بلستتي الشوبنغيه هالمحل اسمه نوز واهو متخصص بالجواتي وانتوا بكرامه والجناط واكسسورات وحبيته كل ما اشوفه بمجمع لازم ادشه :
الصور من افرع مختلفه يعني هالجنطه موجوده بمجمع برميد وماشفتها بالافرع ال٢:
باجي الصور مع الباب كلهم بمجمع ميجا مول ميدفالي ..
هذول خذيت منهم ٢ صوغات:
خذينا من هالجناط الحجمين بس كل وحده لون وحده لنا انا واختي وال٢ صوغه لاختي الكبيره:
هالجوتي حبيته نعوم بس كنت ابي الوان ٢ اساسيه مثل الكاميل او الابيض ..
وهذا جزء من مشترياتنا منه ماشاءالله:
المحل موجود :
برميد (سلانجور)..
كوالالمبور:
-سونجي اللي اهو و بي بي بلازا بنفس المجمع ( بالسرداب)
-ميدفالي ميجا مول..
-بافليون..
-سوريا klcc
هذا اللي اذكره ..
- Posted using BlogPress from my iPhone
Saturday, September 1, 2012
10:57 AM
كنا نتمشى بمجع برميد (بسلانجور) وشفنا هالمطعم !! انصدمت انا شايفته بالنت بس ماتوقعت اشوفه بالصج وخصوصا بماليزيا كونها بلد مسلم ..
عقب الصدمه قلت بصوره عند بابه كان في لويه فماقدرت اصور الا ع طرف بس مبين الديكور , وسويت سيرج عليه بالعربي ماكو شي بس بالانجليزي حصلت اسمه وتفاصيل عنه ..
هذي صوره له من النت ..
وهذي الصوره اللي صورتها ..
مكرم القاري وعفيه نفس ياكلون بهالمكان :\
Friday, August 31, 2012
10:19 PM
واي يما اختفى البوست :/ بس مدام نزل اللينك بتويتر بعيده :/
ابتداء من هالشهر وفرت صيدليه بوتس مجموعه من منتجات ماركه باري ام واهي متخصصه بالتجميل ومواكبه للموضه وباسعار مناسبه (حسب كلامهم لي اللحين ماشفتها)..
وهالمنتجات للعين (كحل ، ماسكارا،ايلانير ) وللشفاه ❤(حمر وقلوسات ومحدادات ) و للاظافر ❤❤❤❤..
- Posted using BlogPress from my iPhone
3:00 PM
امس الحمدالله الله سهل علينا وردينا بالسلامه من السفر , واختي الكبيره كانت مزهب لنا العشا ع سلامتنا ..
نوعين سلطات ماعرف اساميهم ..
و4 اطباق رئيسية :
ستيك مع المشروم.. (زين طعمه يعني 2 احلى طبق من اللي ذقتهم)
فته .. (عيبها فيها بديان مااحبه :\)
الملكيه شي جذي اسمها (عباره عن برغل ودياي وحشو وبالنص حاطه صلصه ) مو وايد عجبني ..
احلى طبق العيش الايراني , عيش ملون وفي لون وردي بعد خخ وعليه حشو و تحت العيش دياي بالكريمه ..
وهذا منيوها ..
( MY CHOICE )
للبوفيهات / مها الراشد
السلطات
فتة - الامبراطورية - الهندية - الناشوز - ذره بالكريمة - كشري - الفول الاخضر - الماستر - الحمراء - المشروم - اليونانية - قوس قزح - تبولة بالتفاح - فتوش - التونة - معكرونيه الفرح - البطاطا بالكريمة - روسية - ورق عنب بارد - بابا غنوج - سلطة كسكسي - مكس جاينيز - معكرونة بالفواكه - الاميره - بطاطا مهروسة - التفاح الاخضر مع الجوز - الجرجير بالمشروم - سلطة الحمص - شمندر بالذره مع اللبنه - فتوش لبناني - ربيان بالصلصه - هرم الباذنجان . ملاحظه جميع السلطات السعر الواحد 6 دينار
الاطباق الرئيسية
قوزي لحم - برياني دجاج - لحم - ربيان - عيش ايراني دجاج - كرواسون الدجاج بالكريمة - كفتة الباذنجان - جاينيز - نودلز - دجاج بالعسل - خضار بالكريمة - اعواد الدجاج بالمشروم - ستيك بالمشروم - معكرونية بشاميل - لازانيا - توست بالبشامل - مشروم بالبطاط الهنديه - كبب مشكله - كفته طبقات - دجاج بالباذنجان - عيش اشبنت بالبشاميل - فتة الباذنجان بالدجاج - افخاد الدجاج بالصلصة المكسيكية - جوانح بالصلصة الصينية - كرات البطاط - زهرة دجاج الاشبنت بالكريمة - مشويات مشكله - فوتوشيني سبانخ - زهرة مع الدجاج بالكريمة - قباقب بالصلصة الحمراء - مطبق زبيدي - فليه هامور بزبدة الليمون - مرق سمك هامور - دجاج محشي بالخلطة - قبوط - مرقوق - جريش - كشري - كوسا بشميل - دجاج مع البطاط المقرمش - ملاحظه جميع السخانات الكبيره 15 دينار والسخانات المقسومه 17 دينار
ملاحظة يوجد حافظات
ت :66622182
اكرمج الله ام سالم :*
- Posted using BlogPress from my iPhone
Sunday, August 19, 2012
4:14 PM
عيدكم مبارك ..
وتقبل الله طاعتكم ..
وعساكم من عواده ..
(هالبوست يقرقع بقلبي )بكل رمضان يتم عرض العديد من المسلسلات بس اللي تابعتهم 2..
(1)
اعتقد انه الاشهر والاقوى بهالسنه وخذا شهرته وقوته من اختياره لاقوى واصعب حقبة زمنية كويتيه الاغلب عاصرها واهي الغزو العراقي الغاشم , واهو يعتبر اول مسلسل (30 حلقة مو سهرة تلفزونية ) تعرض هالفتره وهم اهو اول مسلسل عنه بعد اعادة العلاقات مع العراق ..
الاغلب كان ينطره بيشوف شنو بيعرضون وشلون مسلسل عرض جزئين منه عن قصص حب بيعرض قصة عن الوطن قدروا نوعا ما يركزون ع حب الوطن بعرضه للمقاومة والشهداء والاسرى والمظاهرات وغيره , وكبداية المسلسل كان قوي لي اخر جم حلقة برد والاحداث غصب يمغطونها واخر حلقتين وايد استعانوا باليوتيوب بشكل (ماصخ) نص الحلقه تقريبا بمشاهد مصوره منه ! لشغلات ماتخدم المسلسل مثل فوز المنتخب بكاس الخليج والمسرحيه وغيره (رقعته لهم لما شفت انه المشهد اللي عقبه كان ب2000 قلت يمكن قصدهم عرض اهم الاحداث اللي صارت بالتسعينات ) وهم مشهد فيصل كان دعايه اشكره لتسهيلات ..
ملاحظة : انا موضد الاستعانه بمشاهد من اليوتيوب بس لازم تخدم المسلسل وماتاخذ نص الحلقه بالبداية كنت مستانسه انه استعانوا بمشهد مظاهرة الجابريه بس كثرت المشاهد مثل ماسلفت الذكر خربت اخر حلقتين ..
واكثر شي حبيته بالمسلسل ( فهد& سالم ) وحتى القفاص يونس ..
وفقدت صمود بهالجزء ..
(2)
مسلسل من تاليف هبه حماده يعني مجموعه من المشاهد مو شرط مترابطه واغلبها ذكريات يرويها لنا راوي بس هالمسلسل اعتمدت ع راوي واحد العاده اكثر من راوي تستعين فيه بمسلسلاتها , هالمره بدعت ببعض المشاهد قٌبل ع راس من الممثل و الممثله من طقت بعض فاطمة الصفي ويعقوب عبدالله يعني مو كالعاده ممثل شاب او ممثله شابه للمثل كبير او ممثله كبيره ! (يرقعونه حسبت امه \ابوها) غير شبه احضان :\
مسلسل مااحترمت فيه الشهر الفضيل ولا المشاهد المحافظ !
واختمتها بالحلقه الاخيره بمشهد غير مكتمل وبوعد المشاهد بجزء 2 !!
(3)
حبر العيون هالمسلسل ماتابعته عدل بس بالويك اند اشوف جم لقطه منه ..
بس بدعت فيه هيا عبدالسلام اتقنت الدور ماشاءالله ..
Subscribe to:
Posts (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
Hello world!1 year ago
-
-
لا تخبئ السعادة فهي قابلة للتبخر.6 years ago
-
حساب جديد معني بإدارة المنزل7 years ago
-
-
-
خطوة أولى نحو الثقافة7 years ago
-
بينكيو تكشف النقاب عن جهاز العرض TK8008 years ago
-
-
مع الخيل يا شقرا9 years ago
-
هل للحزن طقوس !؟9 years ago
-
عدنا إليكم من جديد9 years ago
-
AssASsIN'S CREED9 years ago
-
-
Summer cooling refreshing drink recipe9 years ago
-
فكرة10 years ago
-
I'll be Back Soon راجعين قريبا10 years ago
-
اعرف نفسك10 years ago
-
مشتاقه لقلب طفله .. مشتاقه لي10 years ago
-
VARIETY ON BONUS POKER ONLINE10 years ago
-
كاريكاتير مابعد أسعار النفط10 years ago
-
-
Salmon recipe10 years ago
-
Review: The Martian10 years ago
-
ضيفوني10 years ago
Ads
