شخبوطة كويتيه

Friday, July 27, 2012

طبق اليوم : سلطة الفلافل

10:54 PM

احب الطباخ خصوصا برمضان وبالويك اند لانه اختي الكبيره تكون موجوده ..

واليوم سويت اكثر من طبق منهم سلطة الفلافل ..

الصلصة ماخذته من النت اما الباجي من كل صوب ..

الصلصة :

روب (علبه)

لبنه (علبه)

ثوم ( شويه)

عصير ليمونه كامله

السلطة :

فلافل نبيل ( فلافل مجمده جاهزه بالجمعيات ) تقدرون تستبدلونها بفلافل عاديه من المطعم..

خبز مقطع ومحمص

بطاط مقطع ومقلي

خس

طماط

خيار

الطريقه :

نخلط مكونات الصلصه.

نقصص السلطة (الخيار والطماط)كنت بحط خس بعد بس مالقيت عندنا وطبعا تقدرون تضيفون اي شي تحبونه ..(هذي الطبقه الاولى) وطبقه ال٢ البطاط والطبقة ال٣ خبز اما الاخيره الصلصة وفوقها الفلافل ونزينها بالمواد المتوفره انا زينتها بخبز محمص وسماق..

راينا :

زينه بس احس لو ضفت تتبيله لسلطة بتكون الذ وهذا رايي اختي الكبيره بعد بس اختلفنا بمكونات التتبيله اهي تقول اللي من كنور وانا اقول ليمون وزيت زيتون وخل وسماق (اذا سويته مره ٢ بضيف هالخلطة للسلطة وان شاءالله تضبط)

- Posted using BlogPress from my iPhone

Labels: اكل, مطبخ رورو :) |

فتة شاورما الدياي ، فتة الحب ❤

12:16 AM

هالوصفه دزته لي زميلتي بالدوام ام فواز خذيت منها طريقه الصلصة بس وغيرت شويه بالكميات اما الشورما اضافة مني (ابشركم باجي بس كرتون وتخلص مأونتي من الشاورما خخ)

الصلصه:اهي

نص ليمونه

روب قوطي كامل

١/٢ قفشة اكل زيت زيتون

وشوية ثوم بودر

قفشه ونص هرده

ملاحظة كل المقادير بالوصفه الاصليه دبل باستثناء الليمون كان قفشتين وخليته نص ليمونه)

شاورما دياي

خبز لبناني مقطع ومحمص

سماق للتزين

الطريقة :

نحمس الشورما ونقطع الخبز ونحمصه ونحطه بالغندور ونخلط الصلصة ونصبها عليهم و اخر شي نزينها بالسماق (ترا متعوب ع القلب خخ)

- Posted using BlogPress from my iPhone

Labels: اكل, مطبخ رورو :) |

Thursday, July 26, 2012

طبق اليوم : الصينية البرتقاليه

7:46 PM

قبل فتره @miss_ba6ooo6a نزلت صورة هالطبق مع مكوناته وطريقته بس اهي مسويته بشيش الطاووق انا مالقيته فاستبدلته بشاورما الدياي ..

وسميته الصينيه البرتقاليه لانه اكثر شي لفت انتباه اهلي لونه :

صينية بطاط الودجز البرتقاليه ..

المقادير

بطاط ودجز مقلي

شاورما دياي

كرنب مادري شسمه

ذره

جبن مبشور

الصلصة

الصلصة الفرنسية(تقريبا نصها)

٤قفاش مايونيز

٤ قفاش كاتشب

كريمه حمرا حسب الرغبه

-الطريقة

نقلي البطاط، ونحطه بالبايركس.

نحمس شورما دياي مع كرنب (بس نحمس الكرنب قبل عساس يذبل شوي عقب نحط معاه الشاورما)ونحطها بالبايركس .

ونخلط الصلصة مع بعض و نصبها فوق الحميسه.

واخر شي نحط ع ويه جبن ونحطها بالفرن

راينا:

انا اشوفها زينه مو وااو شويه حاليه بس فكرتها وطعمها بالنسبه لنا غريب مو معتاد ، واشوه الحمدالله اعجبت اهلي واختي الكبيره تقول لذيذه :)

- Posted using BlogPress from my iPhone

Labels: اكل, مطبخ رورو :) |

بريوش النقانق

9:43 AM

هذا الطبق ال2 اللي سويته امس ..

الوصفه ماخذتها من منتدى كويتيات هني .. بس شلت الشغلات اللي مااحبها مثل البصل والفلفل الاخضر والخردل , هم ماخليت كلها بالنقانق حطيت نصها بالشاورما لاختي الوسطيه..وبالانستغرام علموني شلون اخليها ماتحمش بزود باني ادهن الويه بيض او حليب وانه اشغل الفرن من تحت و انه اقدر استعين بالمكيروف كون كل المكونات مطبوخه و جاهزه للاكل ..
- Posted using BlogPress from my iPhone

Labels: اكل, مطبخ رورو :) |

Wednesday, July 25, 2012

كب كيك النقانق /كب كيك شاورما الدياي

7:47 PM

هالطبق من ارشيف البلوق كتبت بوست عنه هني يحتوي ع مقاديره وطريقته..

بس هالمره ماخليتهم كله نفس الحشوه نوعت شي دياي وشي خليت نقانق مع ملفوف ابيض (حشوة طبق ٢ استخدمتها بالطبقين اللي سويتهم اليوم )

- Posted using BlogPress from my iPhone

Labels: اكل, مطبخ رورو :) |

Monday, July 23, 2012

شعر البنات التركي ❤❤

12:31 AM

من ضمن الصوغات اللي يت لنا من تركيا هالشعر البنات اهو لامي بس انا واختي الصغيره جابلناه :)

اهو شعر بنات مغلف بطبقه خفيفه من الككاو الابيض ..

وطعمه حلو وخفيف ..

شكرا بنت عموو ❤

- Posted using BlogPress from my iPhone

Labels: اكل, هدية |

Sunday, July 22, 2012

اطباق اليوم (رول المرتديلا وكبة البيتزا )

12:24 AM

امس طلعت لي جم وصفه من النت (سهله وبسيطه )من ضمنهم رولات المرتديلا ..

اهي الصغار اللي فوق ..

المقادير :

توست بدون الاطراف

مرتديلا

جبن شرايح

بيض

بقسماط

جبن قلاص عشان نثبت الاطراف فيه ..

الطريقه :

نفرد التوست بالفراده

نحط على التوست شريحه مرتديلا وفوقها شريحه جبن ونلفها

ونغمسها بالببيض بعدين بالقسماط ونقليها

بيكون شكلها جذي بايخ , بس لما نقصها تصير مثل اللي فوق وايد احلى ..

وحلات معاها صلصات تغميس ع كتر انا حطيت كاتشب تقدرون تحطون خردل \ماينيز \ صلصة سيزر وغيره ..

والحشوه هم تقدرون تحطون بدال المرتديلا ’ ديج رومي (تيركي) , او اي حشوه ناعمه مثل المسحب او نقانق مبشوره الخ ..

وبالنسبه لكبة البيتزا طريقتها نزلتها لكم العام هني بس غيرت الحشوة لي حشوة البيتزا المعتاده اللي قلت لكم عنها ( صلصة بيتزا جاهز مع زينو والفطر من العلالي و جبن مبشور و نقانق) << فكرة الكبه بيتزا ماخذتها من بيرو..

link الوصفات ..

ورايي :

فيهم زينين مو وااووخصوصا كبة البيتزا لانه حطينها بالفرن مو قلي اتوقع لو قلي الذ ..

وشكرا اخيتي اللي ساعدتني بلف الرولات وسفلت فيني بعد خخ..

Labels: اكل, مطبخ رورو :) |

Thursday, July 19, 2012

مبارك عليكم الشهر

10:58 PM

مصدر الصورة

Labels: ديني, مناسبة |

4 comments

The confectioners shop

5:40 PM

اليوم كنا انا واختي الجوز مخططين لطلعه متروسه انجازات ولا شي منهم صار غير هالشي ! يالله الحمدالله العوض ولا القطيعه..

محلل متخصص بالفراوله المغموسه بالككاو ..

في وايد انواع مثل اللي بالككاو الابيض والدارك (الغامج) و الككاو العادي وكان فيه اكثر من نكهة مثل العاديه او مع كوكيز او مغلف بمكسرات او مع مارشيملوو ..

زووم هالنوعين ذقتهم حلووين ..

وهذا الغامج والابيض (بس ماخذينا منهم )

في اكثر من حجم ماثبت عليهم الصراحه بس شفت ٢ هذا واللي خذيناه..

اللي خذيناهم كلهم الككاو العادي مع الحليب..

البوكس فيه ١٢ حبه سعره ٨..

والحلو انه عندهم رقم للشكاوي :

عنوانه:

مركز التلال التجاري / الشويخ / طريق الجهرا ❤

ت ٩٧٧٣٦٤٤٥

- Posted using BlogPress from my iPhone

Labels: اكل, محل |

Wednesday, July 18, 2012

Bakerista

3:44 PM

قبل فتره نزلت لكم بوست عنها (لي شبكت بلاب توب انزل لكم رابط البوست ان شاءالله)

وكان خاطري اجربها واول مره اتهور وادز هديه (اكل ) شي انا مو جربته!

موجوده بانستغرام وبتويتر وفيس بوك ..

هذا اكاونتها بالانستغرام ..

-ماشاءالله شكل متقن والسعر مناسب او رخيص بعد بالنسبه لمشروع كويتي وان شاءالله يكون الطعم حلوو ..

Posted using BlogPress from my iPhone

Labels: اكل, فنتوقه, هدية |

Monday, July 16, 2012

ريوقنا من عصير تايم

8:21 PM

من جم شهر جربناه اكثر من مره واليوم ردينا طلبنا منه ريوقنا ..

هذا صورة طلب قديم انا كله اطلب منه صاج بس مره جربت عصير برتقال ..

وهذا طلبي اليوم :

العاده اطلب صاج حلوم كامل وجنه مره طلبت نقانق..

رايي :

قبل طعمه زين وحجمه راهي ، اليوم انصدمت صاير عييين (عجيين) واقرب للسلطة متروس خس وطماط والحلوم نتفه!!

ت:22555280

عنوانه :

بنيد القار شارع الاستقلال..

تويتر : @39erTime

- Posted using BlogPress from my iPhone

Labels: اكل |

Sunday, July 15, 2012

لاصقة طبية تمنع شعور الصائم بالعطش !!

8:48 AM

توني قريت هالخبر بجريدة السياسة :

هذي الزبده :

اللاصقة بحجم لاصقة الجروح الصغيرة توضع أسفل الظهر بموازاة الكلى وتمنع العطش ما بين خمس وثماني ساعات. لكن اللافت أنها لا تباع في الصيدليات, بل في الأسواق وتباع بجنيهين مصريين ..
وعليها جدل شرعي ..

انا خابره انه الحكمه من الصيام انه نحس بالعطش واليوع (نتحكم بغرائزنا ورغباتنا)

استغفرالله ماكو شغل !!

وهذا الخبر :

القاهرة- يو بي اي: قبل ايام قليلة من بدء شهر رمضان المبارك انتشرت في مصر لاصقة طبية تمنع عطش الصائمين وتروج لها شركة صينية, وقد أثارت جدلاً شرعيا بشأن صواب استخدامها. كشفت شبكة "محيط" عن ان اللاصقة ظهرت في الاسواق المصرية خلال اليومين الماضيين, وتصنعها إحدى الشركات الطبية الصينية المتخصصة بصناعة الأدوية الجنسية, وتوردها الى مصر عبر شركة استيراد محلية تروج للمنشطات الجنسية.
واللاصقة بحجم لاصقة الجروح الصغيرة توضع أسفل الظهر بموازاة الكلى وتمنع العطش ما بين خمس وثماني ساعات. لكن اللافت أنها لا تباع في الصيدليات, بل في الأسواق وتباع بجنيهين مصريين
وقال تاجر كبير للشبكة إن:" شركة استيراد كبرى مشهور عنها استيراد المنتجات الطبية الصينية استوردت اللاصقة وأدخلتها الجمارك على أنها لاصقة طبية عادية."
واضاف:" أن التجار الذين يبيعونها حصلوا على فتوى بعدم تحريمها لأنها لا تفرز مواد تدخل في نطاق الطعام أو الشراب, لذا وجدوا أن هذه الفتوى كفيلة بالسماح لهم للاتجار بها."
ولكن رئيس لجنة الفتوى السابق في الأزهر الشيخ عبدالحميد الأطرش اعتبر" استخدامها لا يجوز, بل وحرام أيضاً, لأنه يعد تحايلاً على الدين وعلى فريضة الصيام". واوضح ان "عدم الشعور بالعطش والجوع سيفقدان الصائم إحساسه بالفريضة وبالتالي عدم إحساسه بطاعة الله وتصبح الفريضة كعدمها".
واستطرد قائلا: "ثبت علمياً أن الإنسان عندما يجوع أو يعطش تميل نفسه إلى الهدوء والسكينة وتنطلق روحه إلى مرحلة من مراحل الصفاء وبخاصة إذا تابع الصوم بالعبادة وقيام الليل".
وكانت هيئة الشؤون الدينية التركية أفتت منذ سنوات عدة بجواز استخدام لاصقة تمنع الجوع وتفقد الشهية مستندة في ذلك إلى ان"إذا كان الصيام يساعد في الحفاظ على الجسم ورشاقته عبر تنظيم عملية التغذية فان لاصقة منع الجوع تؤدي الغرض نفسه من خلال تقليل إحساس الصائم بالجوع, وعليه فان استخدامها مباح".

مصدر الخبر ..

مصدر الصوره..

Labels: ديني, شخبوطة, صحة |

Saturday, July 14, 2012

بسبوسه من حلا وقهوة

6:52 PM

يوم الخميس اختي الكبيره دزت لنا صورة بسبوسه شغل وحده وعجبتنا واتصلت تطلب منها قالت لها اليوم وقفت الطلبات فطلبنا لليمعه العصر ..

درزن بسبوسه مع مطارة قهوة ..

والبسبوسه متوفره ب٤ انواع من الحشوات :(ككاو وكاستر وكاراميل و قشطة)

الشغل مرتب كلشي حاطته بالبوكس حتى الكلينكس..

للطلب:

سعره : ١٢ والتوصيل مجانا .،

رايي:

بالنسبه للبسبوسه مو ذاك الزود اقل من عادي، بس القهوه تمت حاره فتره واختي تقول زينه عن نفسي مااشرب قهوة فماذقتها، وبالنسبه للخدمة تاخر التوصيل نص ساعه تقريبا بس عادي مدام ببلاش خخ امزح ، و اما المعامله اختي تمدح اسلوب المره اللي ردت ع التلفون.،

واكرمج الله اخيتي ام سمسم :*

- Posted using BlogPress from my iPhone

Labels: اكل |

Friday, July 13, 2012

الهبة اليديدة .. سبايكي (بهزار)

4:13 AM

توني كنت اتصفح جريدة الاعلانات ولفت انتباهي هالاعلان ..

العنوان منقول من اعلانهم ..

فروعه:

الجهرا/المنار مول ..

العقيله /مجمع البيرق..

الفروانية /بالعربيد بلازا ..

ومااحب السبايكي:/

- Posted using BlogPress from my iPhone

Labels: fashion |

Wednesday, July 11, 2012

"ديــــوان..... وعاد الزمـــــان"

11:02 PM

Diwaan Expo

"ديــــوان..... وعاد الزمـــــان"

المقدمه:

"ديوان" هو برنامج تأسس لدعم الطاقات الشبابيه و المشاريع الصغيره و المتوسطه بالكامل. و ذلك من خلال الإنتقال إلى مستوى أكثر إتساعاً من أجل تطوير المشروع الصغير إلى مشروع ناجح في عصر التقدم و التنميه محلياً كبدايه، و على المدى البعيد، إلى منطقة الخليج عموماً لخدمة المجتمع و مشاركة باقي المشاريع للأنضمام لسلسلة المشاريع الكويتيه العالية الجوده، كما أن هدف "ديوان" هو تنوير الطريق للشباب الكويتي و تقديم ما عنده بطريقه مهنيه إحترافيه للشركات الكبرى، علاوه على ذلك، فإن مهمتنا أن نفكر جيداً و بعمق بالوسائل الممكنه لتحويل أحلام الشباب في مجال تنظيم المشاريع إلى واقع عملي.

أخيراً و ليس آخراً، نحن نتطلع لجعل مصطلح (معرض) أعلى مستوى مما هو متعارف عليه محلياً، لتعود بالنفع على المشاركين و منحهم الحريه الماليه، و تجربة النمو و التطوير و الإرضاء التام، و التي تعكسها خدماتنا و يمكن الإعتماد عليها أكثر من ما يجعلها منطقه ترفيهيه.

الهدف:

هدفنا هو العثور على الموقع المناسب لتلائم أكبر عدد من المشاركين الموهوبين المعتمدين، و التي سوف تعود بالنفع على الشباب ككل، و توجيه رجال الأعمال نحو التقدم و الإزدهار و رفع روح المبادره بين المبدعين. و من جانبنا، نحن المسؤولون عن خلق جو من المحتمل أن يُطْلِبْ مِن قِبَلْ الشركات الصغيره التي تسعى إلى التطور و التوسع. و سوف يأخذ دور التسويق الزياده في فرص الأعمال الإبداعيه التي تخدم جميع الصناعات و القطاعات.

من نحن؟

مجموعه من الشباب الكويتي الطموح نسعى جاهدين لتسليط الضوء على مواهب الشباب المبدعه و توفير الدعم الكافي و التحفيز لهم، و من هذا المنطلق فقد وضعنا هذا البرنامج ( ديوان لتنظيم المعارض و المؤتمرات و المعسكرات) الذي يتألف من فريق وطني كويتي بارز يساعد الشركات الصغيره من خلال الخطوات الصغيره التي تسمح لهم بنشر إبداعاتهم المتميزه. و هذا كله يبدأ و ينتهي من خلال فكر العقول الكويتيه و الجهود المبذوله، مع الأخذ في الإعتبار الولاء و العطاء لوطننا الكويت.

رسالة من أبناء الكويت - مشروع ديوان

link

Making of Diwaan's TV Commercial خلف الكواليس

link

Diwaan Teaser Commercial ترقبوا ديوان

link

Diwaan's Preparations التجهيزات الأولية لمعرض ديوان

link

المؤتمر الصحفي لإطلاق الحملة التسويقية لمعرض ديوان

link

For booth reservations:

60034834 - 97115155

For more information about Diwaan Expo,

Please contact us on our HOTLINE: 90905062

--

Website: www.Diwaan.com

Twitter: @DiwaanKWT

P.O. Box: 26469 Safat, Code No. 13125

Fax: (+965) 25337090

Tel: (+965) 90905062 / 94962225

- Posted using BlogPress from my iPhone

Labels: معرض |

Tuesday, July 10, 2012

: Zoogha's Ramadan Collection

6:03 PM

جزء من التشكيلة :

التشكيله مختاره من استراليا .،

تويتر +انستغرام : ZooghaQ8

tel:50171508 ( واتساب)

http://Zooghaq8.com/

-

Posted using BlogPress from my iPhone

Labels: fashion |

ريوقنا من BANEETZA

11:19 AM

الاسبوع اللي فات وزعوا علينا هالاعلان بالدوام وامس واليوم ريوقنا كله منه ..

بانيتزا : هي اكله من شرق اوربا عباره عن عجينه محشوه بخليط من المكونات المختلفه ، ملفوفه بشكل حلزوني ومخبوزه بالفرن ..

هذا منيوهم (نقلته من اكاونتهم بتويتر)

ومتوفره باكثر من نوع (موضحه بالمنيو مع المقادير)..

(اضغط ع صور لمشاهدة المنيو بشكل اوضح )

وصل طلبنا حار وفريش ..

كنت طالبه انا وبيرو والطلب كان شيرينق بس الكميه راهيه تكفي اكثر من 2..

طلبنا كان :

حلوم ..

سعره دينار ..

وبيتزا ..

حبيت انه كل نوع معاه مقبلات او صلصه , الحلوم معاه مخلل اما البيتزا معاها كاتشب ..

سعرها دينار وربع..

واليوم ذقت الجبن بس ماصورتها ..

وبطاط (حبيته )

سعره : 500

وخذينا حلو ..

هذا يصير مثل البراوني جنه اسمه نوتيلا كيك ..

سعرها :دينار..

وهذا نوتيلا بيس ..

نفس بودينق ككاو مع بسكوت وفوقه كريمه ..

ب750 ..

والتوصيل بربع ..

رايي :

الاكل : مثل ماقالت لكم وصل حار وفريش ونظيف ،توقعته بيكون ثقيل بس اشوه طلع لا ، والاغلب حب البيتزا من جذي طلبناه اليوم بعد..
نسيت اقول انه السويت عادي موذاك الزود ..

الخدمه : حبيتها اللي رد ع تلفون ع قولة ابوي صدره وسيع يجاوب ع الاستفسارات اجابه وافيه , التوصيل كان سريع ..

ماشاءالله ..

link

FB

@Baneetza بتويتر والانستغرام نفس الاسم ..

ت : 22451145

- Posted using BlogPress from my iPhone

Labels: اكل |

Monday, July 9, 2012

الخصله المضيئة..

3:35 PM

امس كنت بمركز السلطان - سوق شرق ولما كنت بحاسب شفت هالخصله ..

ولما دققت فيها ولا مكتوب ..

انه في مفتاح on /off ومبين من الصوره انه تشب ليت ..

وفي منه الوان مادققت شنو اهما ؟بس شفتها وصورتها اللي اذكر كان غير الازرق في بنفسجي بس مادري اذا في الوان غيرهم ولا لا.،

ونسيت اشوف جم سعرهم.،

حلوه لليهال مايضيعون بالظلمة خخ..

- Posted using BlogPress from my iPhone

Labels: beauty, فنتوقه |

بيتزا التارت

7:50 AM

غرامي البيتزا ومن رمضان وانا اهبه اسويها بطريقه سهله الحشوه ثابته بس تختلف القاعده يعني مره بخبز ايراني ومره بقطايف ومره بسكوت و مره بيف باستري بس مانزلت عنها وهالمره بالتارت وهالفكره شفتها ببلوق وانستجرام النوري لمشاهدة بوستها اضغط هنا اهي مسوتها بحشوات غير ونوعين حلو ومالح ..

المقادير؛

-نقانق..

-تارت(المالح) متوفر بمركز السلطان صوب الصمون..

-صلصة البيتزا من العلالي بالزيتون..

-جبن مبشور ..

نسيت ارش ارغانو وطبعا تقدرون تضيفون ماشروم ، زيتون ، فلفل ، بصل .. الخ..

**قبل الفرن**

طريقته مايبيله شي خو كلشي زاهب خخ دهنتها بالصلصه عقب حطيت النقانق وفوقه الجبن وخليتها بالفرن بس عشان الجبن يسيح .،

**النتيجة**

رايي:

التارت لو اطرى او اترف بيكون الذ بس فكرته وشكله حلووين ، والحشوه احبها ❤❤❤

- Posted using BlogPress from my iPhone

Labels: اكل, مطبخ رورو :) |

6 comments

Sunday, July 8, 2012

ريوقنا اليوم من فطاير فلامنغو

9:00 PM

اليوم بعد مشاورات اخترنا هالمطعم ..

طلبنا كان ..

صفايح مشكل :

سبانخ ، جبن، لبنه وفلافل ، لحم ، بيتزا ، زعتر هذا اللي اذكره ..

متوفر بحجمين :

ب٥ دك وفيه ٣٠ قطعه.

وفيه ب١٠ وماعندي فكره جم قطعه فيه..

رايي:

الحلو بهالنوع من الفطاير انها خفيفه بس مو وااو مع انه وصل لنا الطلب حار بس حسيت يبيله شويه تحميش !

وكنت طالبه مع بطاط شكله قديم قلنا عادي نغض البصر بس اللي خلاني اوقف انه فيه شعره واي لا استغفرالله ع طول قطيناه بالخمام بس البنات ماشاءالله كملوا كلوا الفطاير لانها نظيفه مو مثل البطاط!

(اذا مو مبينه ضغطوا ع صوره بتتكبر)

وعلى التوصيل في رسوم نص دينار مع هذا السايق رن ويسكر !

ت: ٢٢٦٦٨٨٥٥

- Posted using BlogPress from my iPhone

Labels: اكل |

نكهات رمضانيه جديده في me bath ..

6:19 PM

قبل فتره نزلت لكم بوست عن منتجات هالماركة اضغط هنا واهي انشهرت بشكلها ع برد (الايس كريم)

وحاليا موفرين نكهتين يدد بطابع شرقي مخصص لشهر رمضان الله يبلغنا اياه وياكم يارب..

لقراءة التفاصيل بشكل اوضح اضغط ع صوره تتكبر ..

عنوانهم :

شرق , ش احمد الجابر , برج العربيه الدور الاول ..

Labels: beauty, اعلان |