شخبوطة كويتيه

Sunday, July 8, 2012

Je La La! Jewelry is Coming to Dubai!

4:49 PM

Kuwaiti Je La La! Jewelry Designer Lulwa Al-Terkait will be visiting Dubai to view her latest silver gold plated ear cuff collection on Sunday the 15th of july 2012.

Come join us for a cup of coffee or tea ,by booking your appointment now to see the collection and buy directly without the usual 2 weeks production wait! appointments are available from 3pm tp to 7pm,by contacting Je La La! Jewelry Sales Marketing Manager Dana Al-Nahas on 00965-99726981.

The quantaties are very limited.

hope to see you their!

Twitter @jelalajewellery

@LulwaAlterkait

Instagram @LulwaAlterkait

Website: www.Jelala.com coming soon!

Labels: beauty, fashion, دبي |

0 comments

Saturday, July 7, 2012

شامبو يصبغ الشعر !!

2:31 PM

مساعه كنت احوس بمنتدى كويتيات ولفت انتباهي هالعنوان

(شامبو يصبغ لك شعرك في 5 دقائق و يغنيك عن صبغ الشعر نهائيا و للابد في شهرين)

دشيت حسبالي يغير لون الشعر يعني شعري من غامج ادعم ولا اسود يصير اشقر خخ طلع لا يعيد لون الشعر طبيعي يعني الشيب يرد للون الاساسي .. << فكرته غريبه ..

مكوناته حسب ماهو مذكور بالموضوع :

متكون من مجموعة فيتامينات ..

طريقة استخدامه :

بسيطه مره بالاسبوع بالشور العادي (يبلل الشعر قليلا بالماء ثم ينشف بالفوطة شم نوزع محتوى كيس واحد من هذا الشامبو على الشعر مع الركيز على الشعر الابيض و نتركه 5 دقائق تم يغسل جيدا بالماء و الشامبو العادي ) * نقلا حرفيا من الموضوع ..

مادري ليش احس في لون !!

المهم سعره ب 10 ..

ولتفاصيل اكثر هذا رابط الموضوع الاصلي ..

Labels: beauty, فنتوقه |

0 comments

Tuesday, July 3, 2012

ريوقي اليوم من (heavenly bagels(

9:14 PM

بما انه اليوم مجبوره اكل وجبه وحده حبيت قبل ال٢ حبيت يكون ريوقي لذيذ ، البنات دلعوني وخلوني اختار المطعم اللي ابيه..

اخترت هالمطعم لقيته بطلبات وشكثر قريت تعليقات يمدحونه وخاطري اجربه من زمان..

طلبي كان :

هيلثي تشيكن ..

دجاج مشوي مع طماط وبصل وجبن ..

ماحبيته الصمون وايد ثقيل واحس مو فريش والدياي مافيه طعم وفجاءه طلع لي يلده بالصمونه ! دياي مشوي ويلد !!

بطاط حلوو اسمه جذي بس طعمه ماعجبني وشكله مايشوق :/

اكرمج الله بيرو ماقصرتي :*

وبس في بنات من اللي جربوه معاي كانوا طالبين انواع ٢ يمدحونها..(عليهم بالعافيه)

- Posted using BlogPress from my iPhone

Labels: اكل |

2 comments

Monday, July 2, 2012

كولكشن رمضان في corner83

7:53 PM

يعلن محل"كورنر ٨٣"عن توفير تشكيلة رمضان .

في يوم الثلاثاء ٣ /يوليو / ٢٠١٢ من الساعه ٥ الى ١٠..

عنوانهم :المباركية مجمع الصقران،بجانب بنك الخليج الفرع الرئيسي خلف حليب وهيل .

انستغرام:corner83

تويتر:corner83shop

tel:99035577

- Posted using BlogPress from my iPhone

Labels: fashion |

0 comments

Sunday, July 1, 2012

كولكشن عجبني ❤❤❤

3:51 PM

امس شفت هالكولكشن بفترينت محل اعتقد اسمه جود فاشن وانفتنت فيها ، واسعارها رخيصه (النفانيف بالعشرينات والفيست بالتعش )وموديلات فيها فكره وستايل.،

اكثر موديل عجبني واهو اللي لفت انتباهي..

غرامي الترتر ..

وهذا ال٢ نفس القصه من تحت اما من فوق كله هدب بس مو مبين عدل لانه اصوت وكنت اصور بسرعه.،

فيست هدب..

فيست ترتر مو وايد حبيته احس الهدب ارقى..

وهذا فوق البيعه ناعم بس عجبتني قصته ..

- Posted using BlogPress from my iPhone

Labels: fashion, محل |

5 comments

Saturday, June 30, 2012

Nestlé Toll House 3

3:03 PM

ماذكر جم بوست نزلته عن هالكافيه بس اللي اذكره اني جربته بقطر و بدبي و بنت عمي يابت لي نقصه من اللي بالكويت اكثر من مره..

يوم الخميس رحت له اخيرا رحت اقرب فرع لي اهو اللي بالمارينا ..

والكافيه شرح وفي طاولات متنوعه (قنفات،بار،كراسي عاديه،ميكس كراسي وقنفات) وهم اذا تبون تبسطون تتربعون بالقاع هم في مساحه خخ..

وانا توقعت اهو مخصص بالحلو ، يمكن لانه كل اروح له مخصوص عشان الكوكيز ..

بس طلع فيه وايد شغلات مثل الكريب والوافل وانواع متعدده من الكيك..

ومتوفر عندهم اليوقرت..

وبرد وسموذي..

وكريسبي ..

وكب كيك ..

وغرامي الكوكيز انواع واشكال بالفول السوداني ، بالككاو ، ميكس بينهم ، بانواع الككاو المشهوره مثل فيريرو روشيه وغيره ، ....الخ..

وهذا حبي ❤❤❤❤

وعندهم كوكيز امس يكون بنص السعر جربته مرتين وايد حلوو مو بايت ( انا لازم اسخن الكوكيز ماكله واهو بارد ماحب:/ )

والكوكيز عندهم احجام في الميني وفي العادي وفي الكبير اللي ينفع للهدايا لانه يرسمون عليه او يكتبون العباره اللي تبونها..

وحصيلتي الكوكيزيه..

وهم ماتوقعت انه عندهم اكل لماشفت الصمون قلت اوكي ..

بس استغربت انه عندهم فوتشيني ..

رايي:

ماذقت الصمونه لانها طلب اختي بس ذقت الفوتشيني زين ، اما الكوكيز فهذا عشقي الابدي..

الاسعار:

وعندهم خدمة توصيل بس لازم طلب مو اقل من ٥دك..

ت:ضاع :\

- Posted using BlogPress from my iPhone

Labels: اكل, الكويت |

1 comments

Friday, June 29, 2012

عرض (the coffee bean )

7:09 PM

قبل يومين مرينا الكافيه انا واختي الصغيره اهي خذت قهوه ووانا خذيت كيكه ..

عاد قالي اختاري اي كيكه ثانيه فري..

عاد اختي سالته هذا العرض اليوم بس قال لا ..

العرض:

كل يوم الساعه ٨ وعقب اذا شريت كيكه تاخذ ٢ ببلاش ..

- Posted using BlogPress from my iPhone

Labels: اكل, عروض |

2 comments

Thursday, June 28, 2012

جديد اصباغ اظافر h&m (matta top\ قلتر ملون(

3:45 PM

اليوم مريت h&m وفصفصته عدل وشفت ستاند الاظافر لقيت شغله يديده اول مره اشوفه عندهم بس اعرفها من زمان لانه متوفر بماركة ايسي وبكليرز بعد..

اهو التوب مات كوت ..

طريقته تحطين اي صبغ عادي وفوقه هذا المات بيصير مطفي ..

وميزته اريح عن تكود مليون صبغ واحد مطفي واحد عادي واستخدامه سهل..

سعره:١.٩٠٠..

رايي:

ماشريته بس جربت التستر وكان زين ولو ما عندي اللي من كليرز جان خذيته.

ولفت انتباهي هالصبغ ..

قلتر ملون ..

جربت التستر ماعجبني منثر مايبين :/

- Posted using BlogPress from my iPhone

Labels: beauty, اظافر |

2 comments

Wednesday, June 27, 2012

تجربتي لبعض او معظم منتجات (Boots Vitamin E)

7:10 PM

في بداية السنه خذينا (انا واختي ) مجموعه عنايه بالبشره من بوتس اسمها فيتامين e لاني قاريه عن فوائد هالفيتامين اضغط هنا..

اول مره اخترت الاساسيات (غسول -تونيك\تونر- مرطب)

وهالمجموعه تناسب كل انواع البشره حسب ماهو مذكور عليها ..

(1)

Boots Vitamin E Gentle Exfoliating Face Wash

الغسول ..

مدة صلاحيته :24 شهر ..

قوامه :اقرب للجل وفيه حبيبات ..

سعره تقريبا مو ذاكره بجم بالضبط بس جنه دينار وشي ..

رايي فيه :

اول استخدامه له انبهرت فيه مع البرد ايدي (راحتها) كانت جافه شوي معاه ترطبت بسرعه ماشاءالله ..

وعقب احس تعودت بشرتي عليه وصار زين مو وااو ..

وحبيت انه مدة صلاحيته طويله ..

(2)

Boots Vitamin E toner

تونر او التونيك ..

مدة صلاحيته :24..

قوامه سائل عادي..

سعره هم موذاكره بس جنه مثل الغسول ب1 وشي..

راايي :

زين مو وواو ماكنت استخدمه وايد كثر الغسول مع انه شي ضروري بس كان كله ضايع :\

(3)

Boots Vitamin E moisture lotion SPF15

مرطب بحمايه بنسبه 15 ..

قوامه لوشن خفيف غني .(فسروها خخ).

سعره هم نفس اللي قبله ..

رايي :

هذا المرطب حاز ع اعجاب عائلي اخوي جربه واعجبه واختي الكبيره بعد واللي كنت استخدم معاها اختي الوسطيه وشرت 2 بعد وماشاءالله خلصناهم كلهم ..

اهو الاحسن بهالمجموعه وع قولة اختي عادي نشتري مره 2 ..

نسبة الحمايه بسيطه بس العوض ولا القطيعه..

(4)

Boots Vitamin E 3 in 1 Facial Cleansing Wipes 25

بما انه الست اول جم اسبوع عجبني لدرجة انه خذيته معاي لما سافرت لان حبيته وحسيت ويهي فرق علي كترطيب ونعومه وفرق علي بشكل بسيط من ناحية النظاره والصفا ..

رحت خذيت الكلينكس للازمات وللدوام ..

واهو 3 في 1 (تنظيف , ترطيب , انتعاش)

رايي فيه :

اقل اقل من عادي بالنسبه لي كتنظيف ماحسيت ذاك الفرق حبيت الغسول اكثر , اما ترطيبه بسيط جدا صج يوخر حراشيفي بس مو بمستوى ترطيب اللوشن ,وبالنسبه انتعاش ماحسيت فيه كلش ..

واختي استخدمته مرتين او 3 وقب ويهها تحسست منه :\

واخيرا..

Boots Vitamin E Hand and Nail Cream

كريم للايد والاظافر ..

رايي :

اختي اهي اللي شرت هالمنتج ..

وجربته معاه مرتين او 3 ماحبيته مرطب الويه احسن منه واعتقد هذا راي اختي بعد ..

Labels: beauty |

1 comments

Mona Alarbash Abayas review

2:51 PM

مجموعة عبي من تصميم منى الاربش ..

Mona Alarbash

Twitter & Instagram @Alarbash_design

Tel:96687852

- Posted using BlogPress from my iPhone

Labels: fashion |

0 comments

Tuesday, June 26, 2012

موقع تبادل للكتب الجامعية

11:40 AM

أول موقع كويتي لتبادل الكتب الجامعية
Tabadul - The first Kuwaiti website for exchanging textbooks

(اضغط ع الصوره لمشاهدتها بشكل اوضح وقراءة التفاصيل)

لزيارة الموقع اضغط هنا ,,

حبيت الفكره (موفقين يارب)

Labels: الكويت, تكنولوجيا, سايت |

0 comments

Monday, June 25, 2012

Calonote اول برنامج عربي لقياس السعرات الحرارية بالايفون ..

2:17 PM

هل ترغب ببدأ حمية غذائية ولكنك تخشى من حرمانك من المأكولات المحببه لديك؟ هل تحلم بجسم رشيق مع بداية الصيف؟ مللت من النصائح الغذائية ومراجعات عيادات الحمية الغذائية من دون جدوى؟

برنامج كالونوت هو دليلك الغذائي للسعرات الحرارية في وجباتك اليومية المعتادة، يوفر لك كالونوت السعرات الحرارية لأكثر من ٨٥٠ صنف غذائي مقسمه على اقسام متعدده ومنها قسم المشروبات، الايس كريم، الشوكولاتة، وقسم المطاعم الذي يحتوي على المطاعم التالية: ماكدونالدز، كنتاكي، هارديز، شيك شاك، بينك بيري وغيرها

هذا وهناك ايضا العديد من المواضيع المفيدة المتعلقة بالصحة والتغذية من مقاسات الحصص العالمية وكيفية حرق السعرات الحرارية المكتسبة بالاضافة الى الاحتياجات اليومية للسعرات الحرارية وغيرها الكثير

مع برنامج كالونوت بستطاعتك تنظيم وجباتك اليومية والمحافظة على وزنك بخاصية حاسبة السعرات الحرارية التي من تتيح لك اجراء عملية الجمع الحسابية لكل الاصناف التي سبق وتناولتها لتتعرف على مقدار السعرات الحرارية التي اكتسبتها من وجبتك

** جميع المعلومات الغذائية المذكورة في برنامج كالونوت مدققه ومراجعه من قبل اخصائي التغذية العلاجية والرياضية : د.احمد الصالح.

سعره : $1.99

اللينك : اضغط هنا

- Posted using BlogPress from my iPhone

Labels: اكل, تكنولوجيا |

0 comments