شخبوطة كويتيه

Friday, June 22, 2012

تنزيلات bath&body works

9:53 PM

قبل جم يوم وصلني ايميل عن تنزيلاتهم ..

وامس رحت له يعني عقب يومين من بدايتها..

هالمره التنزيلات مو شي مو مثل اللي فاتت كانت قويه عروض ع كلشي حتي الست هذا اغلب الشغلات ماعليها ..

وهم الخدمة كانت مو ذاك الزود من اللي يشتغلون بالمحل (الفلبن) اسلوبهم كان زفت خطر لا يطقني واللي تحقر واللي تاشر بدون نفس من بعيد !

عكس قبل التنزيلات اسال عن شغله خطر لا يشيلوني لا عندها ومايبقى ريحة ماترشها علي و بس باجي تفركني عقب تدهني خخ ..

بعرف التنزيلات ع الاغراض ولا ع معاشهم ع هالنفس الخايسه !!

مشترياتي:(صورت الشغلات اللي عليها سيل بس)

زبدة و شور جل من كولكشن تولايت

اسعارهم ؛

الزبدة كانت ب٥،٥ صارت ٢،٧٥٠ ..

(في ٢ الظاهر اختي وزعتها اهما ٢ لاختي الكبيره) وكانت تبي اللوشن بس ماحصلنا مخلص ..

وشور جل الحجم الصغير كان ب٢ وصار بنص..(خذيته عبط مو محتاجته)

الكبير جنه صار بدينار ونص ومااعرف جم سعره قبل ..

هذي نقصة لبيرو (بلوقر) بالعماله حطيت الصوره لاني حلفت انها نقصه (فهمتي بيرو مالي خلق اتعافر معاج يوم الاحد خخ) في شهود..

كان ب٤ صار ب٢..

يعني التوتل المفروض ٢٥ صار ١٢ اذا غلط طوفوا 😁

- Posted using BlogPress from my iPhone

Labels: beauty, عروض, مشتريات |

0 comments

جلكسي اس ٣ متوفر بالهاتف الاسباني

7:35 PM

هالتلفون ماشاءالله بسرعه يخلص ..

رحت اكثر من مره لزين ماحصلته كل مخلص (تعالي الظهر اروح ماكو ماوصل او خلص ، تعالي باجر اروح امس يبنا وطار!!)

بالغانم موجود بس حجز اختي حجزت من سايتهم عقب يوم او ٢ وصل لها ..

اليوم مريت الهاتف الاسباني استغربت انه موجود !! غريبه ليش مايعلنون عنه مدام مرغوب..

وسعره اعتقد ١٩٠ جنه فرق دينار عن زين والغانم يعني ولا شي والاهم انه ع طول تاخذ لا نطره ولا روحه ورده ولا حجز !

وبالعافيه ع اخيتي :*

- Posted using BlogPress from my iPhone

Labels: تكنولوجيا |

2 comments

Wednesday, June 20, 2012

Re: Je La La!s New ear cuff collection

2:56 PM

They Are Finally Here! Je La La!s first silver gold plated ear cuff collection that is!

Make your style even more Diva-liciouse, with the different designs of 18K gold plated silver earcuffs with rhinestones and flower corals..that scream its summer and i am rocking my dara3a.
Je La La! authentic jewelry is a business that was launched in 2009 by Lulwa Al-Terkait, , in order to give you only the finest Gold/silver, and diamond and rhinestone jewelry designs. whether it's funky, modern, classic, or cute!, je La La! is here to grant you your wishes and provide you with unique pieces of jewelry.

for more info:
call or whatsapp: 00965-97883866
twitter: @jelalajewellery
@Lulwaalterkait Instagram: @Lulwaalterkait
>

- Posted using BlogPress from my iPhone

Labels: fashion |

0 comments

Tuesday, June 19, 2012

Lush ليش؟؟

7:59 PM

الاغلب يعرف هالمحل واللي متخصص بمنتجات العناية بالبشرة والجسم والشعر (صابون ، سنفرات، كريمات...الخ) واللي يتابعوني يعرفون هوسي بهالسوالف..

بس هالمحل فيه عيبين :

الاول:

اسعار المبالغ فيها بالكويت مقارنة باسعاره بسايته الرسمي وبمحلاتهم برا يعني اللي عندهم ب٤ باوند بالكويت يصير ٤ دنانير يعني مجرد تغير العمله اما الرقم ثابت وكلنا نعرف انه الباوند نص يعني ٤ باوند =دينارين بس..

مره خذيت منه هديه سعرها تقريبا ٩ بالنت بالكويت تنباع ب١٨!!

العيب ال٢:

قاعدين ندفع الدبل تقريبا بدون لا نحصل مميزات تفرق عن اللي برا وتسوى وانه ندفع الفرق ..

اقصد التغليف اغلب منتجاتهم هذا تغليفها..

يلفونها بورقه عقب ماتكون مكشوفه قرن !

ولما بنستخدمه الورق مايكون عملي عشان نسكر مره ٢ لحمايتها من جونا الحلو..

مثلا هالصابونه اذا استخدمتها اسبوع زين دشيت الحمام وانتوا بكرامه حسبالي خلصتها بدون لا احس لانه حجمها صغر فجاءه !! اثر ذايبه و نصها بالقاع انقهرت ..كنت احبها..

هالديودنت ماجربته كلش بس كنت شاريته مع الصابونه السودا اللي فوق هم اخترب قبل لا استخدمه..

اما هالسنفره قصتها قصة هذي مغلفه بطريقه خاصه مو مثل المنتجات اللي تكلمت عنهم فوق ، تغليفها عباره عن قوطي بلاستيك وعليه ورقه ملزقه اذا بطلتيها ماتلزق مره ٢ ( مثل شكل قوطي الروب بس من تحت دائري)

طبعا تعقدت حسبالي سنفره عادي حاولت اطلعها بايدي مثل اي سنفره ماقدرت خفت ع اظافري وايد صلبه !! عقب لما طلعت من القوطي قلت اتفرك فيها مثل الصابونه وايد خشنه شلختني :/

ومره عطيت رفيجتي صابونة للشعر اعتقد ع حرفها هم ذابت!!

واللي اعرفه انه تغليفهم يكون هالطريقه للمحافظة ع البيئة حلو هالشي بس دوروا طريقه تحافظون فيها ع البيئة والمنتج بعد مثل اعادة تعبئة العلب مره ٢! ع اقل لدول الخليج بس احنا ندفع سعر مدوبل وجونا يختلف خلونا ندفع ع شي فرق وميزه ومنتج يتم ..

- Posted using BlogPress from my iPhone

Labels: beauty |

6 comments

Monday, June 18, 2012

غدانا من (مطبخ ام جراح - @6ba5_q8

7:33 PM

امس بمناسبه عيد ميلاد اختي طلبت لها غدا من ام جراح ، لانه حاليا لظروف صحي ونكسات مالها عدد ومجهولة السبب مااحبذ اروح المطاعم ..

والمطاعم الكويتيه السنعه اقصد الكويتيه نادره ..

طلبت بس ٣ اطباق ال٤ ماكان متوفر بالوقت اللي ابيه :(

اول طلب واهمهم :

مجبوس لحم ..

ل٣ اشخاص بس اهو يكفي قبيله ماشاءالله كميته وايد راهية واخترت معاه دقوس ترس تقريبا باديتين كبار ..

والاهم وصل حار لانه بسخانات ..

اعتقد سعره ب٩..

(٢)

محاشي مشكله ..

بطاط و لهانه و كوسة ..

سعره هم اعتقد ٨..

(٣)

ميني باشميل ..

الدرزن ب٧..

وحجمها مناسب مو نتفه وصحنها حلو خخ..

وصلصتها تتمقط يمي يمي ..

رايي:

الخدمة ١٠٠٪ماشاءالله ..

الطلب يا بالوقت بالضبط..

والاكل ماشاءالله زين وكميته واااااااايد راهيه ونظيف وفريش..

واهم شي عجب اختي الكبيره صاحبة العيد ميلاد..

كل عام وانتي بخير ام سمسم والعمر كله يارب..

للطلب:

التفاصيل بها الصورة ، ولازم قبلها بيوم..

بانستغرام في تفاصيل @6ba5_q8

وهم موجوده بتويتر بنفس الاسم @6ba5_q8

- Posted using BlogPress from my iPhone

Labels: اكل, مناسبة |

0 comments

Saturday, June 16, 2012

بينك ليموناده

12:28 PM

لما رحت لاونج سبا عطوني منيو المشروبات اخترت بينك ليموناده..

حبيته حامض وطعمه بالنسبه لي غريب انا مو حيل مع العصير حدي برتقال او فراوله ..

واول مره رحت لهم نزلت بوست عنه هني كنت طالبه عصير برتقال ..

وبهالمره التجربه فيها وايد شغلات يديده المساج للجتف والرقبه والراس والايد والريل والماي الملون وكرسي المساج ( مغيرين كراسيهم )

لاونج سبا موجود بمجمع الصالحيه..

- Posted using BlogPress from my iPhone

Labels: beauty, spa, اكل |

0 comments

Wednesday, June 13, 2012

لولاكي ٣

7:32 AM

تقدم مؤسسة Back Stage Group للإنتاج الفني و المسرحي و الدعاية و الإعلان مسرحية..

لولاكي ٣

و هي مسرحية إجتماعية ذات إطار كوميدي ، المسرحية من روائع الأدب الفرنسي للكاتب موليير و من أجواء الكاتب القدير محمد الرشود ..

اعتبارا من يوم الأحد 1-7-2012 على مسرح مركز تنمية المجتمع (بمنطقة الزهراء)

من بطولة :

عبدالرحمن العقل

أحمد الفرج

هبة الدري

محمد الحملي

فهد البناي

نورا العميري

مبارك المانع

مشاري المجيبل

ناصر الدوب

فرقة Back Stage Group

إعداد و إخراج :

محمد راشد الحملي

شباك الحجز مفتوح يوميا من 02:00 pm , إلى 11:00 pm

للحجز و الاستفسار : 66558980

>

- Posted using BlogPress from my iPhone

Labels: اعلان |

1 comments

Tuesday, June 12, 2012

تجربتي لكفيار الاظافر ١

6:52 PM

امس رحت سبا واختي سوت الكفيار شوقتني جان اقلدها ..

وهذا اهو اللي اخترناه ، بس اختي خذت معاه لون بنفسجي مثل البيس اللي بالست..

عيبه مو عملي بسرعه يطيح و ٢ يوم صار باهت وبايخ..

- Posted using BlogPress from my iPhone

Labels: beauty, spa, اظافر, فنتوقه |

4 comments

Sunday, June 10, 2012

انا من غيرك اضيع

9:18 PM

عقب عشرة عمر ٦ اشهر واسبوعين وبدون سابق انذار ضاع تقويم المتحرك الرتيرنر ..

تازمت نفسيا قلبتها مناحه والنفسيه اكس اهي اهي شسوي ضاع الساعه ١٢ !!

اليوم كلمت عياده يديده علي بساله اذا في مجال يسون لي واحد اليوم وبجم قالولي ١٥٠ جان يحوشني عقر بقر شنو ١٥٠ غاااالي شدعوه وتميت اقول غالي الله غالي حتى اللي تكلمني توهقت فيني خخ تقول ع راحتج ، كلمت عيادتي فرجينيا قلت ابي اسويه اليوم قلت بجم قالت ٤٠ لا وشي اعرفه ثقه ..

رحت سويته بس قالولي ماراح يخلص بسرعه جان احن عليهم وخلصوه ع ٨ ونص وكنت مارتهم الساعه ٤ وشي خذيت قياسات وكنت ابي تنظيف مره وحده مدام متعنيه نطرت ٢٠ ساعه قلت شكلكم مطولين باجر امركم وخذيت موعد ان شاءالله اسويه وافتك وعقبه التبيز ان شاءالله خطوه بخطوه نحوه ابتسامة شقاقيه😁

- Posted using BlogPress from my iPhone

Labels: beauty, صحة |

8 comments

ريوقي من مطعم (spago)

12:12 AM

جربناه بالدوام اكثر من مره هذي بعض تجاربي له :

اول مره صورته بس بكاميرتي المرحومه كنت طالبه صاج فلافل وماعجبني !

٢ تجربه :

كريسبي وهم ماحبيته يابس وناشف وماكو صلصه ! ماكو طعم

وبهالمره وحده من البنات كانت طالبه كلوب ومدحتها فجربناه بالمره ال٣؛

وعجبتني زينه طلبتها اكثر من مره ومره رفيجتي طلبت لي اياه وماكنت ادري انه في توست اسمر جان قلت لها تطلبلي الابيض لانه ماحبه الاسمر:

بس هذا حبيته واكثر من الكلوب الابيض بعد..

اذا لاحظتوا كبير والقطعه الوحده تشبع ماشاءالله والحلو فيه انه كل قطعه مغلفه بروح (انظف)

وطعمها احس مقارب لصمون امريكان بس هذا حار ..

وجربت سيزرهم طعمها زوين بس شي ٢ غير السيزر ..

واخر مره طلبي كان صاج لبنه:

ماحبيته لنفس سبب صاج الفلافل عينة الصاج نفسها مو ذاك الزود ..

وبالنسبه للخدمة :زينه بس حلاته نطلب مبجر ، لانه عقب ال٩ يتاخر مره لطعنا جريب الساعتين ..

ولما وصل كان ناقص الطلب صمونة ومو اي صمونة صمونه اللي عازمتنا #وعليه ..

فكلمته قالها الاحد بيبها لنا مع عصير برتقال والاحد اهي ماداومت وتمت تقريبا اسبوع لما اتصلنا عليه طلبنا وقالت له السالفه صج ياب لها الصمونه والعصير الفريش هدية .،

ت:١٨٠٨٠٦٠

- Posted using BlogPress from my iPhone

Labels: اكل |

0 comments

Thursday, June 7, 2012

نكهة يديده في wonderful

7:35 AM

هذي تعتبر تجربتي ال٢ له (التجربة الاولى هني)،قبل شهرين او ٣ نزلوا هالنوعيه :

ورحت له مره ما لقيت اللي يبيع وامس رحنا مره ٢ اختي بتجربه:

خذينه نص درزن ميكس (اغلبه ككاو ، رد ڤلڤت ، وفستق) وفي عندهم تيرميسوا ماخذيناه لانه مانحبه ..

النكهة اليديدة اهي الفستق لما سالت اللي يبيع متى نزلتوها قال قبل يومين :

كاهي زوم عليها ..

الاسعار؛

الحبه بدينار ، النص درزن ب٥ ، الدرزن ب١٠ ..

مكانهم جمعية اليرموك..

وعندهم توصيل لكل مناطق ببلاش الا الجهرا والاحمدي ب٣ والطلب مو اقل من ١٠..

ت:

94445922

55885595

رايي:

النكهة اليديدة زينه والكريمه طعمها جنه برد ، الرد ڤلفت امم اقل من عادية ، اما الككاو عادية ..

- Posted using BlogPress from my iPhone

Labels: اكل |

0 comments

Wednesday, June 6, 2012

قصتي مع التقويم :)

4:19 PM

من زمان كنت ناويه انزل بوست تقريبا من شهر ١١ لما شلته بس الكسل :/

وبما اني كسوله فالمفروض احط تقويم ولما كنت بالثانوية يعني ب٢٠٠٣ وشلت اول ضرس و الموعد ال٢ كان عرس بنت عمي فما رحت ، وتوالت الايام والاشهر والسنين وما راجعت طبيب الاسنان مره ٢ الا ب٢٠١٠ !

بس هالمره رحت خاص مالي خلق مواعيد وعبالة الحكومة ..

شفت اعلان عيادة فرجينا ورحت لها :

ودكتوري اهو د . خالد الكندري

وايد مرح وايده خفيفه ماشاءالله وشغله مضبوط ..

السبب اللي خلاني احط تقويم : ترتيب اسناني ..

مدة التقويم : سنة ونص تقريبا ..

ركبت الجهاز الدائم ب٢٩/٤/٢٠١٠ الى ٢٦ /١١/٢٠١١ ..

ام الجهاز المتحرك فمن يوم خلع الدائم لي ٢٦/مايو /٢٠١٢ البسه طول اليوم ماعدا وقت الاكل ، وعقب البسه طول عمري وقت النوم ..

والحلو فيه انه نوع المتطور اقصد المتحرك ..

هذا اهو كان شفاف :

اما بالنسبة للتكلفة ..

كلفني ١٢٠٠ ..

كل شهر ٥٠ ، واول موعد ٥٠ للاشعه والقياسات والسيور ..

عقب ١٠٠ للقواعد (٢موعد)..

وعقب ١٥٠ للتركيب الجهاز ..

و ٤٠ للتقويم المتحرك ..

وطبعا هالتكاليف غير شامله فتح الملف او خلع الاسنان ..

بالنسبة للالم :

اكثر شي عانيت منه السيور الاوليه اللي تكون مثبته باللثة واللي باخر جم شهر ومنوعه مره بالانياب كل نابين بسير اللي فوق مع اللي تحت فصدعت منهم او يننقطع بحلجي او يطير لما اركبه خصوصا اللي كان من الناب الي قاعدة ..

واما الجهاز ككل لا ماعورني عادي بس اول مره كليت صدعت وولي الحين مو متعوده اكل ع ضروسي اللي جدام ..

ميزة العيادة :

اسعارها زينه مره دفعت فلوس علبو علاج عصب بس الدكتور قال لاتكملين شلعي هالضرس حرام نفرط بالضروس الزينه ونعابل بالضرس التعبان وفلوس اللي دفعته ردت لي بس مو كاش خلوها لتكاليف الخلع ..

تقريبا كل شهرين يسون لي تنظيف ضروس ببلاش ( اللي لاحظته باجي العيادة مايسون هالشغله اختي ورفيجاتي حاطين بعيادات ٢ مايسون لهم هالشي )

وتقويم الشفاف لي الحين ماشفت احد غيري حاطه خخ ..

وتقويم ثابت دائم خفي ورا ضروسي ..

عيبها : وايد زحمة ماشاءالله فاذا طافني موعدي عادي يلطعوني شهر بس طبعا مع حنتي اخلي الموعد باجر !!

ومره باخر جم موعد تاخرت جم دقيقه لانه كان حزة صلاة مارضوا يدخلوني بس طبعا ماخليتهم !! تنحت وحنيت واستنفرت انا وامي فدخلوني بنات غيري مادخلوهم ..

- Posted using BlogPress from my iPhone

Labels: beauty, صحة |

6 comments

Monday, June 4, 2012

ماكو احد بيتوظف بجامعة الكويت !!

3:38 PM

اليوم قريت هالخبر بجريدة الراي بصفحة الجامعي ..

جامعه حكومية وبالكويت !! يعني اي جامعة ؟؟ الكويت مافيها الا جامعه ١ لا واستغفرالله من قرن بيكبرونها ماقدروا من البوق ..

المهم اذا الخبر صج يويلهم من الله انا قدمت بواسطة وماقبلوني !!

كانوا مقابلين ادارة شئون الطلبه جنه شي ماله شغل بتخصصي الاعلام ! ليش رفضوني يقولون ماتكتب بجريده !!! شكو ادارتكم بالجرايد ، وغير انه اقبلوني واكتب بالوسيط بعد استغفرالله عذر اقبح من ذنب ..

ومو بس انا عانيت هذي تعليقات ع الصوره عقب مانشرتها بالانستغرام :

- Posted using BlogPress from my iPhone

Labels: الكويت, شخبوطة تساؤل |

0 comments

Sunday, June 3, 2012

النوع المتطور من تقويم الاسنان بعيادة بيان

5:11 PM

حبيت فكرته شوقنب ارد احط تقويم بس اذا رخيص لانه توني خلصت من تقويمي ! يا انا يا ابتسامة هوليوود

- Posted using BlogPress from my iPhone

0 comments

Friday, June 1, 2012

هبة الشوارب -الشنبات - الشنب للبنات

3:58 PM

من فتره هبوا بالشوارب بالاكسسورات البناتيه كونها ترندي وكول مو معقوله بتكون نسائية لوحدة فوق ال٣٠ مو بس الاكسسورات هن بالهدوم وغيره ، المهم امس بكليرز الافنيوز شفت ستاند كامل عليها: