شخبوطة كويتيه

Friday, July 15, 2011

مطعم لذيذ

12:13 AM

هاليوم كان مخصص للشوبينق فلما رحنا هلمطعم كنا حدنا تعابه ويوااعه ..

طاولتنا..

المنيو..

عصير بنت عمي اعتقد كان كوكتيل..

شبس..

فتوش..

سباغتي..

معكرونة خضار..

خبز ..

حمص باللحمه

مشويات مشكله ..

شاوينها كثر من لازم طعم الحرق مبين :\

عنوانه ورقم التلفون ومواعيد العمل :

الاسعار:

نسيت اصور لفاتوره وماذكر جم كان بالضبط بس جنه بحدود ال1300 بات شي جذي يعني تقريبا 12 دينار..

رايي:

خخخ اهو كطلعه كانت من امتع الطلعات حدنا فصلنا فيه , وضحكنا ضحك اللي دمعنا من سبت تعليقاتنا ع الاكل كان عادي الى اقل من عادي بس والله من اليوع شطبنا ع اغلب الاطباق ..

Labels: اكل, تايلند, سفر |

1 comments

Wednesday, July 13, 2011

Mr SUBS

9:05 PM

من زمان خااااااااااااطري اجربه تقريبا من 3 سنين وهالايام عندي شغل بالجابريه فمريته ..

واخترت لي وجبه نسيت شسمه:\ اهي همبرغر لحم ..

مع بطاط الكور بدال العادي..

وسايقنا اختار الوجبه اللي فيها ماشروم وبطاط عادي لا وعزمني ع بطاطه خخخ بس كنت طافحة ..

كليت بالسياره واهو كله عقب ماوصلنا البيت مو مرتزه بالمطعم مع سايقنا خخ حلات شكلي :\

الاسعار :

الوجبتين 3 وخرده جنه 600 ..

رايي فيه:

وايد حبيت الصمونه وخاطري بوحده الحين ..

Labels: اكل |

16 comments

Art Touch Studio

7:12 PM

عندي وايد بوستات بس باجلهم شوي ..

اسرع سريع بوست خفيف من جعبتي الايميليه ..

هو مشروع كويتي عمر هذا المشروع سنه..

بعض النماذج من تصويرهم ..

تصوير الاطفال..

القرقيعان..

وفي تصوير للكبار بشكل كول يونس ..

وتصوير الاعلانات..

اسعارهم..

والي يميزهم بالاضافه لتصويرهم انهم :

ومو بس صور هم عندهم طباعة لكروت وعلى اغراض مختلفه..

لمشاهدة مجموعة اكبر من صورهم زوروا صفحتهم بالفيس بوك (هني )

عنوانهم :

السالميه شارع سالم المبارك مجمع جاليري ٢٠٠٠

تليفون :٩٧٣٠٦٠٩٩

مواقيت عملهم موجوده بالصوره الاولى..

Labels: اعلان |

1 comments

Tuesday, July 12, 2011

Platinum Fashion Mall

7:53 PM

اليوم بكلمكم عن اكثر مجمع حبيته بانكوك ..

حت له مرتين لانه بجايلي دور ونص ماشفتهم :)

اهو مجمع مكون من 6 ادوار , واكثر 2500 محل (محلاته صغار) .

يفتح يوميا من الساعه 9 صباح الى 8 مساء ..

منظر عام ..

مصدر الصورة (هون)

البضايع المتوفره فيه:

متنوعه بس اغلبها ملابس نسائية وبالمرتبه ال2 ملابس الاطفال واخر شي الملابس الرجاليه ..

وايد حبيت الهدوم اللي فيها هما نفس ستايل سايت نفنوفي واحلى منه بس عيبه مافي مقاسات كله فري سايز :( ومااعتقد عندهم غرف قياس وحتى اخوي كان بيجرب تيشرت ونفست عليه اللي تبيع وعصبت وماخلته يقايس:\

وفي جم محل جواتي وانتوا بكرامه لقيت عندهم شغلات حلوه بس هم عيبه مقاستهم ..

وفي وايد بالنص كشكات بيوتي مكياج , كريمات ,صبغ اظافر ..

وجنه بالدور السادس لقيت محل حلو للبيوتي خذيت منه ليفه باشكال ع فيول ودبدوب وداخلها صابونه..

وفي دور اغلب محلات اكسسورات العاديه وللتلفونات..

الاسعار :

تقريبا من 100 بات اقل من دينار الى 1000 بات وشي << هذا اللي سمتهم , بس الاغلب رخيص عن نفسي ماشريت شي اكثر من 500 بات اقل من 5 دنانير كويتي ..

وفي محلات اذا شريت قطعتين يسون لج خصم ..

في عيبين:

الاول :المطعم الحلال اللي فيه اهو اساسا عباره جزء صغير من مطعم عادي (مو حلال)واللي متوفر فيه عيش ودياي بس شكله مايشوق واللي ردنا اكثر انه مو متاكدين انه حلال 100% مع انه في لوحة بس الشكل والريحة ماتشجع بالمره..

الثاني :اغلب الوقت زحمه :\

طبعا هذا غير عيب انه ماكو مقاسات ولا غرف قياس :\

موقعه الكتروني :(Link)

الصور بالسايت لوعه بالصج وايد احلى :)

Labels: beauty, fashion, تايلند, سفر |

0 comments

Monday, July 11, 2011

(The Sweet Treat Boutique (Chocolate Box

11:46 PM

عندي بوستات وايد بس طوال ومالي خلق :\

هالبوست تقزوره ..

قبل جم شهر شفت هالبوكس ببلوق kawaii lover (هني) ودورته باكثر من فرع بوتس ماحصلته الا بيوم ميلادي المجيد بالافنيوز فشرت لي اختي الوسطيه..

يشوق ..

محتوياته :

هو من نكهتين الادعم (البني) شوكلاته , والازرق توفي ..

-في 2 غسول للجسم (من كل نكهة حبة)

-في كريمين (نفس نكهات الغسول)

-وصابونه..

-وبودره جنه للبانيو ..

-واسفنجة بشكل كيكة ..

سعره :

جنه 4ونص ..

رايي :

كشكل وايد حلو ويشوق , بس كااستخدام ماحبيته وايد حسيته عادي مو مثل اللي ابي وخصوصا الكريم ماحب اتدهن بكريم بسرعه يختفي ومايبين اني متدهنه , احب للي يكون خفيف بسرعه تمتصه البشره بنفس لوقت يطون غني وترطيبه عالي..

وماحبيت الريحة اهي مو ويع بس مو اللي احبهاماحب ريحة الكاكاو , زوينه ..

واللي حبيته غير شكله , حجمه وايد مناسب ويفيد للسفر ..

واحس حلو كهدية للبنات الصغار مو حق ناس تحب ومهوسة بالبيوتي مثلي :\

شكرا اخيتي :*

Labels: beauty, هدية |

1 comments

وردة ع الاظافر ..

1:26 AM

امس كنت احوس بمواضيع عن الاظافر ولقيت وايد دزاينات حلوه بس اكثر واحد حبيته وحسيته فنتق ..

هذا..

اهو بسيط ونعوم وبنفس االوقت احس عيبه انه مو عملي بس هم خاطري اسويه..

الرك وين احصل مثل هالورده :(

المصدر (هني)

Labels: beauty, wish list, اظافر |

6 comments

Sunday, July 10, 2011

فل تايلندي

2:08 PM

في يوم من الايام كنا بالطريج وشفنه هالصبي يبع وردهم بشكل قلوب..

قام يطل ويسويلي حركات كسر خاطري ولما شافني اصور ارتز جان اصوره..

وهذا اللي خذيته منه ولبسته ع طول ..

مادري اهو رمز لشنو بس الظاهر والله اعلم يتباركون فيه :\

Labels: تايلند, سفر |

3 comments

Siam Park 2

1:47 AM

نكمل الجزء ال2 من سيام بارك (لمشاهدة لجزء الاول اضغط هنا)..

هالمره بنروح صوب المدينة المائية..

استناست لم شفت هالعلامه بس مارحت له لانه مو يايبه ثوبي وكنت لابسه بنطرون :\

حلو لون هالصوره ..

حوض الامواج..

زوووووم..

هالمكان كيفت عليه خخخ

بس لازم لما تقربون من الحوض تفصخون جوتيكم وانتوا بكرامه انا سويت ازمه نفسيه للمنقذ وكنت بجلطه وانا احوس بجوتيي يم حوض الامواج خخ..

نكمل جولتنا..

هالزحلاقيه تشوق ..

واحنا نحوس دشينا بدعوس ولقينا هالعلامه مو واضحة:\

محل مساج ..

وفي ب10 بات = 90 فلس تستشرون شعركم و بالاحرى تجففونه..

وفي ب20 بات =180فلس كرسي مساج..

وهم في مايوهات :

الاسلامي ب3200 بات=28.8940 KWD استغليته شدعوه ..
طلع اجار 200 بات =1.80588 KWD والتامين 300 =27.0881 KWD ويع @@

الغدا

وله وقت محدد يخلص تقريبا الساعه 2 ..

واهو بوفيه جم لقطة منه..

طبعا ماقربنا صوب اللحوم وقزرناها بالاكل الهندي ..

وعندهم بين المدينة المائية والعاديه سوق :)

حبيته اهو اللي قلت لكم لقيت فيها تيشرتات ارخص من نايت بازار ونعل بيت وانتوا بكرامه ارخص من شارع العرب و سوق الاحد..

وكليت عسكريم ..

وقبل لا اطلع لعبت ب الجندول ..

واهو صوب الالعاب العاديه مو المائية ..

واخوي خلاني اقعد جدام يقولي مايحوشج ماي سألت الحجي قالي صح توكلت ع الله وصدقتهم واللي صار العكس تسبحتتتتتتتتتتتتتتتتتت خخ ..

رايي :

حبيت المدينه اهي الامتع والاحلى والارخص مقارنة بباجي الاماكن الترفيهيه اللي شفته ببانكوك..

الموقع الالكتروني (هني)

ملاحظة الصور اللي مكتوب عليها شخبوطة تصويري اما االلي عليها سوسو تصوير بنت عمي ..

Labels: تايلند, سفر |

2 comments

مطعم لذيذ

Mr SUBS

Art Touch Studio

Platinum Fashion Mall

(The Sweet Treat Boutique (Chocolate Box

وردة ع الاظافر ..

فل تايلندي

Siam Park 2

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads