Tuesday, April 26, 2011
8:28 PM
قبل فتره تقريبا اشهر نزل لانفان كولكشن لـ H&M
وانا احوس بسايت صيني لقيت جم قطعه من الكولكشن مقلدينها ..
(1)
التقليد ..
زوووم ..
وانصدمت انه مخلص :\
(2)
تيشيرت ..
واهي احلى شي بالمجموعة ..
لانفان ..
التقليد ..
زوووم
طبعا في فرق خاصة الطول ..
ياحليلهم الصينين تخصصهم تقليد :\
Labels:
Monday, April 25, 2011
11:36 PM
امس رحت مع رفيجتي هالمحل ..
واهو متخصص بالبسبوسه ..
حزتها شحن كامرتي مخلص فخليتها تصور بدالي وماقصرت :)
المحل عنونو جم لقطة منه ..
وذقت نوعين من الميني بسبوسة:
اللي بالكاكاو..
بالزعفران << رفيجتي تحبها ..
وطلبنا منه درزن ونص ..
ونص درزن مولتن ..
ماثبت على الاسعار بس التوتل 10 د.ك ..
رايي:
البسبوسه : خفيفه ومو حاليه ..
المولتن : الحلو فيه انه الكاكاو اكثر من الكيك وغريب من ناحية العينه (العجينه) جنها المخصصة للبسبوسة مو المولتن المعتاد..
عنوانهم :
الشعب البحري - ق8 -ش ابن الخطيب -بناية العزيزية ..
ت :55881180
FB:LINK
11:49 AM
من زمان قريت عنها بالنت ودشت خاطري ابي اجربها ..
دورتها مالقيتها بس عقب مدمد يابت لي اياه مو وحده 2 ..
هالبنت كل تحرجني بكرمها ..
المهم اللي قريته انه تفتح باسبوع ..
بس اللي شفته بعد استعمال اكثر من اسبوع انه تصفيه بسيطه وتنور << استخدمتها لايدي يعني مو ذاك التفتيح خو انا ابيها توخر جلاحة الشمس مو تغير لوني الصجي ..
واهم شي ماتجفف لايد مثل صابونه استخدمته قبلها ايدي قبت حساسيه منها :(
وفي منها لوشن اذا لقيت بجربه مع الصابونه ال2 ان شاءالله ..
حصلتها مدمد بسرداب الشايع - المباركيه ..
شكرا مدمد :*
Sunday, April 24, 2011
7:27 PM
قبل فتره جايونه نزلت بوست عنه ..
وحبيت فكرة اني اسوي السلطة على كيفي لاني وااااااااااااااااااايد عسره بالاكل ماكل بصل ولا خضره بقدونس وجرجير وبروكلي وخواتهم ولابديان ولا ثوم ولازهره والخ الخ !!
اللي اكله ويستخدم بالسلطة خيار وطماط وخس وبطاط وذرة وجزر جنه بس !
وحلاته منيوهم طويل طولي خخخ..
طلبت فتوش والصلصات بروحه ..
:(
سيزر اختيار رفيجتي ..
اسعاره :
فتوشي 1.750 د.ك (بس اسمه سو طلبك خخ خوش ترجمه)
سيزر1.950 د.ك
رايي :
ماعجبني فتوشي ناقصه دبس رمان احس وسماق يعني اللي بيطلب لازم يعطيها لمقادير مضبوطة !! وعيبها مقطع بحجم كبير وايد ..
ماكليت الا شويه ورزيت ويهي عند رفيجتي خخ سيزرها لذيذه حبيتها والدياي حلو ويتقطع بسرعه ..
على فكرة طلبها جاهز مو مثلي ..
ورفيجتي ال3 طلبت سلطة الجرجير جان تقول الحجيه شتبون فيها عطينها المقادير وضبطت اشوه ..
بس حبيته اكله نظيف وتقديمه للاكل حلو وناوين نجربه مره 2 يمكن باجر من كثر ماحبيناه :) والاكل راهي وسعره مناسب ..
عنوانه :
بنيد القار -خط فحيحيل ..
55335304
55339304
55338304
Saturday, April 23, 2011
6:35 PM
قبل جم يوم شفت اعلانهم بجريدة الوطن ..
واليوم اتصلت طلبته ..
واخترت نوعين (بالتوفي - شوكولا)
طلع حجمه عنونو(صغير)يالله على هبة المني خخ بس طوالي ..
والتوفي ماكان مسكر عدل فنكت :(
رايي:
اكثر شي حبيت فيه غرشته :)
مادري مو ذاك الزود التوفي الذ والطبقه اللي تحت ماحبيتها واللي فوق ماشفتها سايحه مع اللي بالنص لانه وصلتني حاره :(
ووايد حالي ايب الحارج ..
Friday, April 22, 2011
10:06 PM
من زمان سامعه عنه واليوم وانا ااحوس بامازون لقيته ..
وفي منه اكثر من ماركة بس هذا اوضح واحد لقيته ..
اسمه :
Black Light Reactive Neon Nail Polish
اهو صبغ يشب بالظلمه ..
متوفر ب3 الوان ..
برتقالي ..
اخضر ..
ومسك الختام الوردي ..
يونس لحركات العبط و وبالحزه اللي يتسطلون ويطفون فيها الكهربا وللدقات وتخريع اليهال خخخ..
تهقون متوفر بالكويت ؟
وفي منه مكياج بس للحفلات التكريه وللبنات المهبل خخخ..
Thursday, April 21, 2011
3:35 PM
بعيد ميلادي كوكتيل يبتلي هالهديه ..
اهي فيشل بس لاني مجربته (هني وهني)وكانت عاجبتني النتيجة بس اختي حبطتني انه مافرقت عليها :\ وهم جربت مكان 2 شفت نتيجة احسن ولانه بعد مااحب اكرر تجاربي فقلت بغير من فيشل لي سنفرة للجسم ..
كلمتهم ورضوا اشوه ..
بيني وبينكم كنت متعقده من اللي شفته خخ من بعض الاماكن قلت عسى مايسون لي مساج فناقر ..
رحت له اليوم ..
وكان في نوعين سنفره اخترت :
سنفرة ملح الزنجبيل واللايم للنضارة والاشراق ..
مدتها ساعه ..
اول شي سنفرت قاعة ريلي وعقب انسدحت وغطتني وماتكشف ال الجزء اللي بتفركه اول شي تفركة بليفه جنها مشط وعقب بالسنفره ولما خلصت من جسمي سوت لي مثل الميني فيشل لويهي وعقب غسلت جسمي وطلعت دهنتني بلوشن ولما خلصت عطوني جاي وتفاح اخضر وكمادات حاره على جتفي وظهري..
وهي المفروض كل 3 اسابيع تكررينها..
رايي:
احب معاملتهم واللي سوت لي وايد حليوه , وشغلهم زين بس احس هالجلسه ناقصها بخار ..
واحب مكانهم كجو + انه بالافينيو :)
شكرا كوكتيل :*
Wednesday, April 20, 2011
11:10 PM
قبل فتره رحت سيفورا ابي كريم اساسا وبودرة و بيس ..
خذيتهم مع حمايه وفرشة و حمره وقلوس ومحدد و ماسك وزبدة كاكاو ... الخ :\
ومن حصيلتي كان هالصبغ ..
شكله على الاظافر :
سعره :
بالكويت 3 بالنت ب5 دولار بالكويتي =1.380 :\ يعني يبعون دبل السعر :s
رايي :
بالنسبه لي اهو احلى صبغ اظافر سلفر جربته , بس عيبه حجمه نتفه جنه عينه :\ وان شاءالله احصل صبغ ذهبي سنع جربت اللي بسيفورا ماعجبني خفيف :\
3:34 PM
صارلي جم يوم ابي مولتن جربت 4 اماكن واخيرا اليوم ضبط ..
استغربت انه لي الحين مابطلوا محلهم :\
بس الطلب وصل بسرعه وحار :)
هللقطة الخنفشاريه توني اشوفها :\
مالتي :)
اهو عباره عن درزن ..
سعره:
ب 10 ..
والتوصيل ببلاش :)
رايي ..
زين خاطري اجربه من زمان ورفيجاتي حبوه , وحبيت انه حار بس اهو ثقيل وحده كافي ..
رقمهم ..
99906890
FB : Link
Monday, April 18, 2011
9:51 PM
قبل فتره طويله شريت مجموعة من منتجات كلينك واستخدمتهم على فترات متقطعه ..
بس اول فتره استمرت تقريبا شهر ..
من مجموعة Redness Solutions ..
خذيت ..
(1)
الغسول..
اسمه :Clinique Redness Solutions Soothing Cleanser
كان زين مو وااو وقوامة كريمي..
(2)
تونر - تونيك ..
اسمه : Mild Clarifying Lotion
ماحبيته حار على البشره احس يحرق ويهي :\
(3)
كريم الحماية ..
اسمه : Redness Solutions Daily Protective Base Spf 15
-نسبه حمايته شويه بس مش بطااله ..
-قوامة صعب ينفرد على البشره مع انه استخدمه عقب مرطب بس مو من المجموعة بعد شوي بكلمكم عنه ان شاءالله..
-فيه لون اخضر لانه معروف الاخضر يغطي ويخفي البقع الحمره ولون الاحمر بالبشره , وكل مااحطه يقولون لي ويهج حلو :)
(4)
كريم الليل ..
اسمه :Clinique Redness Solutions Daily Relief Cream
عادي جدا موذاك الزود :\ وهم كنت استخدمه عقب المرطب ..
خطوات الاستخدام :
كانت (غسول-تونر-مرطب -لصبح كريم حماية \ بالليل كريم الليل)..
منتجات 2 ..
(1)
الكريم المرطب ..
مو متاكده من الصوره بس اذكر شكله كان جذي ..
اهو حلو مثل الجل كنت احطه واحس بانتعاش بااااارد يونس , بس بسرعه تمتصه البشره لدرجة لما بحط حمايه يبيلي عضلات عشان اتدهن فيها لانه مثل ماقلت لكم عنها فوق قوامه الكريمي غثيث :\
اختي جربته معاي وحبته واهو اول شي خلصناه :)
وخذت منه مره 2 بس الظاهر مغيرينه او احنا مخربطين لانه مو مثل العلبه في وايد جنه المهم ما ناسبها :\..
(2)
كريم العين ..
اسمه :All About Eyes
ترطيبه حلو بس مااحس فرقت علي هالاتي :\
(3)
سنفره..
7day scrub cream
هذي ماشريتها عطوني اياها هدية ..
زوينه خفيفه بس لانه بشري حساسه مايصير استخدمها الا مره بالاسبوع ..
الاسعار ..
اذكر التوتل شي و70 تقريبا 76 ..
يعني اسعارها مناسبه ..
رايي ككل :
-اكثر شي حبيته بهالماركة الهدايا عطوني حمره وبلاشر وشدو وماسكرا حريت اختي جان يعطونها وحده بعد خخ وسنفره وفرشه وجنطة مكياج هذا اللي اذكره :)
وهم عطوني تنظيف بشره بس مارحت لهم عادي روح الحين عقب سنتين ولا يشوتوني :\ خخخ..(ميزه 1)
-عموما زينه المنتجات بس شويه عباله لانه وايد خطوات بس اول شهر كنت اقعد مبجر عشان استخدمهم :)
- مدة صلاحيته طويلة سنتين كلهم ماعدا كريم العين جنه (ميزة 2)
اللي ضحكني كنت بشتري كريم للمسام شريت كل هذول لما قلت ابيه قالوا مخلص خخ ولي الحين ماشريته :\ جربتوه يسوى ؟؟
Sunday, April 17, 2011
10:55 PM
مساعه يابت لنا امي هالنقصة من خالتي ..
اهي تقول فطاير :\
بس احنا سمينها قراميش ..
كا هالصوره عقب ماكلينا ..
فيها 4 انواع ..
-2 موالح (زعتر ,سمسم).
-2 حلو (دارسين , ال2 جنه شكر)
شوفوها شلون خفيفه ..
رايي ..
اهو عادي بس تونس خفيف وتقرمش ..
مااعرف تفاصيل لطلب بس محطوط رقمها ..
ام احمد ..
99199149
Saturday, April 16, 2011
5:49 PM
اليوم رحنا هالفيلم اختي تبي فيلم رعب ..
خل اقولكم فصته ..
صلوا على النبي ..
زور بن زرزور اللي عمره ماجذب او حلف مادري قال زور ذبح بقه وترس 7 جدور وخله الشحوم واللحوم وسط الصواني مادري الجدور تدور ,,
لي ياننا وياكم خيرن لفانا وخلاكم و شرنا تعدنا وتعداكم ..
جنه خلصت المقدمة :\
بنت حبت حطاب اسمه بيتر بس اهلها بيزوجونها هنري لانه اغنى !! فجاءه يطلع الذيب ويذبحوهم وايي مال الكنيسه ويقول(انا امكم بحميكم خخ لا تغشمر) هذا مستذئب ومنكم وفيكم مو ذيب عادي ,يا هل ترا منو اهو الذيب ؟!؟!؟
رايي:
الفيلم كلش مايخرع , وطبعا من اسمه وشكله في تقليد لليلى والذيب هم بيطلع المشهد الشهير اللي بالقصه , بس حبيت التشويق اللي فيه ..
امم اعطيه 2.5 من 5 ..
Friday, April 15, 2011
8:20 PM
صايره مااحب بلوقي :(
بس بقولكم عن كاكاو جربته اليوم ..
Scogetten
yoghurt-strewberry
شكله من داخل..
توقعته لوح من شوكلاه طلع قطع وتوني اثبت على العلبه مكتوب :\
وين حصلته ؟؟
بدي تو دي -دبي , بس اتوقع موجود بالكويت ..
بجم ؟
5.50 درهم ..
رايي..
زين واعتبره التوب تو عقب الكاكاوه الحمره اللي بماكنتوش ..
Subscribe to:
Posts (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
Hello world!1 year ago
-
-
لا تخبئ السعادة فهي قابلة للتبخر.6 years ago
-
حساب جديد معني بإدارة المنزل7 years ago
-
-
-
خطوة أولى نحو الثقافة7 years ago
-
بينكيو تكشف النقاب عن جهاز العرض TK8008 years ago
-
-
مع الخيل يا شقرا9 years ago
-
هل للحزن طقوس !؟9 years ago
-
عدنا إليكم من جديد9 years ago
-
AssASsIN'S CREED9 years ago
-
-
Summer cooling refreshing drink recipe9 years ago
-
فكرة10 years ago
-
I'll be Back Soon راجعين قريبا10 years ago
-
اعرف نفسك10 years ago
-
مشتاقه لقلب طفله .. مشتاقه لي10 years ago
-
VARIETY ON BONUS POKER ONLINE10 years ago
-
كاريكاتير مابعد أسعار النفط10 years ago
-
-
Salmon recipe10 years ago
-
Review: The Martian10 years ago
-
ضيفوني10 years ago
Ads
