Thursday, April 14, 2011

postheadericon تجربتي لـFerro Cosmetics

4:09 PM
قبل فتره نزلت لكم بوست عن منتجات هالماركة (هني)

وقبل جم يوم سولفنا عنها بالدوام وطلع رفيجتي عندها بلاشر منهم ..

واليوم يابته وجربته ..


لونه برونز (حسافه ماصورت لكم من داخل)..

وكنت مزهبه عدتي قلوس ومقوي لاني باستخدمه كحمره وكصبغ اظافر..

الطريقه ..

تحطين شوي من البودرة على  بلته او صحن اي سطح يساعد على المزج وتاخذين الفرشه وتحطين فيه القلوس او الصبغ تدميجينه مع البودره وتصبغين او تحمرين فيها ..

النتيجة ..
رايي :

-حبيت الفكره احب انه شغله اقدر استخدمه  واستفيد منه باكثر من شي ..

-طريقتها سهله وومتعه ..

-عقب ماضبطت الصور اكتشفت انه هالبلاشر يستخدم كشدو او للبراتم اولخدود مو مكتوب الاظافر بس ضبط خخخ هالشي ياكد انه اي بودره او شدو منثور و سايب ينفع يستخدم بهالطريقه..
اذكر مره رفيجت اختي تمكيجني عشان بتضبط درجة حمره استخدمت شدو وصارت اوكي !
للي ماتحب القلوس تقدر تستخدم مع فازلين او حتى حمره طبيعيه وتضبطه <<< ماجربته :\

-وخفت لا يخترب بالماي بس اشوه مااخترب جنه صبغ عادي راح بالاسيتون ..

كنت بقول شي ونسيت :\

تذكرت نصيحة اللي بتستخدمه تكون مجهزه فرش خاصه غير مالت لقلوس او الصبغ ..

اسهل من عباله التنظيف مالت الصبغ مسحتها بكلينكس وغسلتها بماي وعقب مسحتها باستون وشوه تعدلت بس تغير لونها :(

عموما كل التفااصيل اللي اعرفها عن الماركة ذكرتها بالبوست ال1 ..
Labels: , | 4 comments
Tuesday, April 12, 2011

postheadericon Me Time Nail Spa

8:28 PM

بيوم 10 فبراير 2011 مرتني جايونه الدوام وعطتني اول هديه بعيد ميلادي :)

وايد استانست فيها وبشكلها حلو ماشاءالله ..


كان فيها اكثر من شغله ..

منهم هالكابون ..

انا كتبت عليه رورو خخخ ..

عاد رحت له هالشهر اجربه ..

وكانت مختارتلي ..

Luxe it منييكير وبديكير ..

مكان الانتظار ..

واحلى شي فيه هالتحفه حبيتها :)

تميت انطر لي عقب موعدي ب9 دقايق رحت للرسبشن اسالها متى دوري :\ انصدمت حسبالها بلشوا فيني :\ من اولها دايخين مبلشين بوحده غيري لما دروا خلوها ويولي خخ انصدمت :\

الاصباغ ..

جزء من المكان ..

اخترت هاللون من زويا اسمه gilda

مو ستايلي مو وايد احب لماعي كان ودي جرب شانيل بس ماشفت الا دجتين وماعجبوني ..
وهذا كنت بجربه على ظفر واقرر لانه حطيته بتويتر واختي قالت انه جنه مال سيلانيه رايحة عرس خخخ بس الاخت الفاضله مارضت تغيره خخ ..

النتيجة :
زين مش بطال << قصدي عن الوان ..

راايي..

مثل ماقلت وايد حبيت الهديه من الى اهي مو متوقعه واول هديه وشي احبه ومكان يديد وشكلها راقي وايد استانست لما شفتها ماقصرتي جايونه ايبها لبنتج :* ان شاءالله..

بس بقول رايي بالسبا اهو عادي مع انه غالي مو رخيص بس ماكو دلع ولا حظت شي اذا يايه بقفت فاوتشر مايدلعوني كثر اللي يايين عادي :\
الستاف اللي شفته اللي سولي 2 ومالت الاستقبال دايخين ..

عصبت عليهم خخ ..

مو بس جذي وايد يقرقون طول مايشتغلون هذره:\ صدعوني !

نتيجة الايد زينه واخيرأ جربت الاظافر راوند سكوير ...

اما الريول النتيجة ضيم مع انه قبل لا تبلش كانت ريولي زينه احسن من كل مره وهم زدت معالجة الجفاف اللي طلعت كريم اساسا عندي مثله :\

بديكير + معالجة جفاف = المفروض النتيجة ريول زبدة :\

اللي صار انه ريولي لو مسويته بالبيت جان احسن

قلت للي سوت لي :\

قالت اي عادي لازم تين نكست ويك ونكمل ؟؟

قلت نطرين عيل ,عسى ماشر شغلكم بالاقساط :\

كلمت اللي سوت ايدي قالت مره 2 انا اسويلج احسن من فلانه وبلا بلا بلا <<< قلت بلشنا ..

ماكنت بدفع الدينارين لانه مايستاهلون :\ بس قلت خذوهم مع جم دعوه خخ لانه كلمت مالت الاستقبال ماهمها بس تبي الفلوس :\

طبعا ماقدرت اسكت كتبت رايي لهم بالفيس بوك باختصار انه كرهت عمري :\

ردوا علي يبون يعرفون سالفه قلت لهم عاد مايندرا وصلهم او لا لانه ماشفت منهم اي رد عقب (هلحجي قبل اسبوع تقريبا) ..

واحلى شي انه موجود بالافينيوز..

اقين مشكوره جايونه وماقصرتي ..
Labels: , , , , | 16 comments
Monday, April 11, 2011

postheadericon Flora Park Hotel

10:31 PM
هالبوست كنت ناويه نزله اول مارديت من السفر يعني قبل اسبوعين بس لانه اكتشفت ني ماصورت كل شي والصور الباجي فاشله قلت الله يسلم عمو قوقل ..

 بحط لكم صور لشغلات جربتها بالفندق ..

اهو في مطعم وكافيه وسبا ..

احن جربنا لمطعم بس بوفيه الريوق ..


والمطعم يكون جبال الحوض..

والحوض له وايد شروط مثلا اللي اقل من 16 مايتسبح فيه بدون احد كبير يشرف عليه ومع انه فيه الاشراف من لفندق و وايد مضبوط ماشاءالله..

 شقتنا ..

كانت عباره عن غرفتين نوم +مطبخ + صالة +انتو بكرمة 3 حمامات ..

وفي نوعين شقق نوع نظام لقديم اهي شقتنا يكون المطبخ معزول جنه غرفه , وفي لنوع ال2 نظام امريكي المطبخ يكون مفتوح على الصالة مثل شقة بيت عمي ..

الصاله وفيها حمام وانتو بكرام صغيرون بس مراحض وحنفيه ..<< يفيد بالازمات :)


وغرفة نوم رئيسيه (اهي الماستر)..

وفيها نفس منزع صغير (غرفة ملابس) وطبعا حمام ..
 غرفة نوم العاديه والحلو انه الحمام داخلها ..
الاسعار ..

الليله اقامة مع ريوق بـ 895 درهم =67.500 د.ك

رايي :

الفندق زين  ونظيف وموقعه حلو جباله تقريبا الستي سنتر بس ماحبيت ريوقه حسيت اقل من عادي و لاحبيت سرير الاطفال :\
وحبيت طريقة شقتن كثر من شقة بيت عمي ضعت فيها خخخ ..
والمرا للي بالرسبشن اعتقد اسمها اسمهان وايد حليوه ..

وهم فيه ميزه انه ياخذونكم من المطار ويردونكم له مجانا وهم يودون يوميا الصبح:

- لدبي مول (بس روحة )..
 -والجميرا روحة وردة بس الردة الظهر ..

ولازم تعطونهم خبر قبلها بساعتين ..
Labels: , , | 10 comments
Sunday, April 10, 2011

postheadericon تطبيقي للصبغ الاظافر الماسي :)

12:18 PM
قبل فتره رفيجتي دزت لي بالواتس اب هالطريقه..

واهي صبغ اظافر بالالماس << فسق :\


قلت لها سهلات مايبيلها الماس القلتر يفي بالغرض ..

وزهبت عدتي ..

الادوات ..


- قلتر سلفر اللي اهو صبغ كارلا رقمه ممسوح نصه :\ بس جنه 319 ..

-الشفاف من سالي هانسن اسمه MAXIMUM GROWTH  اهو مقوي "علاجي" مو صبغ عادي ..

- لزقات ملوت الصبغ الفرنش يطلع ارتب جربته في وبدونه ..

والنتيجة ..
مقاربه لها مو 100 %..

بس حبيتها :)

اممممم وترا مو عملي بسرعه يخترب :(

شكرا شوشو وصوصو على التصبيغ و ريري على التصوير :)
Labels: , , | 25 comments
Saturday, April 9, 2011

postheadericon احلى صلصة سيزر جربتها :)

9:25 PM
اكثر سلطة احبها اهي السيزر ..

وسهله مايبيلها شي من جذي شريت صلصات وايد وجربتهم بس ماعجبني شي كثر هذي ..

من MF

في نوع 2 للدايت بس ماجربتها شكل هذي احلى ..

ومو بس اكلها مع السلطة ( الخس<< سلطة السيزر العاديه) لا مع الخيار والطماط ولشبس و البرغروالتركي ... الخ ..

وحتى اهلي حبوها ..

واحلى شي مكتوب عليه صلاطه خخخ ..

بس مااحصلها بكل مكان مره خذيتها من جمعية الشاميه مره من لولو هايبر ..

الصوره منقوله من سايتهم (اضغط هني) ويونس في قسم للوصفات ..


Labels: , , | 10 comments

postheadericon خيمة البخار HELP ?

1:55 PM
خاطري بوحده بس امي تقول لا ماراح تستخدمينها :\

اهي صاجه خخ بس ابي اجربها خصوصا عندي خلطات تحتاج بخار ..

فابي رايكم ..

اللي جربتها تسوى ولا لا ؟؟

وامنه مالي خلق احترق خو  الحساسيه ذابحتني وجلدي حساس جدا جدا :\

وشلون على التخزين سهل ولا لا ؟؟

 لانه اهلي ملوا من قشي نص البيت اغراضي :\
Labels: , , | 11 comments
Friday, April 8, 2011

postheadericon لازالة الوبر ..

11:38 PM
من زمان شرينا هالجهاز ..

والشهر اللي فات اختي جربته وتقول زين..


 فايدته يوخر الوبر عن الملابس ..
موجود بـ دايسو ..

وسعره :

جنه 600 فلس ..
Labels: | 7 comments
Thursday, April 7, 2011

postheadericon COOL NAILS

7:30 PM
قبل جم يوم رفيجتي يابت الون كول وجربتهم على اظافري ..


من Sinful Colors

من سالي هانسن ورقمه 29 ..




حبيت الاخضر والوردي مع انه فاقع ..

اما البرتقالي ماحبه كلش بس يونس معاهم :)
Labels: , | 14 comments
Wednesday, April 6, 2011

postheadericon 99

8:00 AM
قبل يومين طلبت ريوقي من هالمطعم ..


ببروني ..

سعرها:
2.950 د.ك
وطعمها زين بس متوقعتها هالكبر :\ و فيها زيت اكثر من لازم :\

صمونة فلافل ..
سعرها:
ب100 فلس ..
ماكليت الا نتفه وطعمه عادي جدا :\

وذقت ملفوف او ورق لعنب البنات طالبينه اقل من عادي بس اهما حبوه ..

والتوصيل بربع ..

ارقام التلفون :

22437588
22429665
22435599
Labels: | 16 comments
Tuesday, April 5, 2011

postheadericon خوووش هدية :)

9:18 PM
اليوم مدمد عطتني هالهدية ..

وايد حبيتها لانها مو متوقعه :) << اقصد من غير مناسبه ولا مدمد ماتقصر كل فتره متنقصتلي شي ..


حصالة ..
 دلاغ وبوك ..
 ملابس ..

ريحة خخ انا مختارتها ..

وايد حبيت لهدية ماقصرتي مدمد :*

ونردها لج بالافراح والليالي الملاح ..
Labels: , , | 10 comments
Monday, April 4, 2011

postheadericon Nail Selector (صبغي اظافرج الكترونيا )

11:20 PM
توني كنت ادور بقوقل عن صبغ من سالي هانسن بقولكم عنه ..

جان ادش احوس بسايتهم ولقيت هالصفحة ..

(ضغطي على الصورة تتكبر)

الصفحه شنو اهي ؟؟

امم اهي بختصار تجاربين لصبغ وانتي بيتكم ومجابلها جهازج بدون لا تتعنين للسوق وتتبتلشين بمندوبة عبيطه او دعله ..

شلون تجربينه ؟؟

اهو حاط خيارات ..

اللي اهي :
1- طول اظافرج.
2- شكلهم ..
3- لون يلدج (الجلد)..
4-اللون اللي تبينه ..
5-تحددين ذ عندج مشكله تعانين منها مثل(ماعندج وقت تصبغين ,اظافرج قصار... الخ )
واخر شي حاطين الوان من تضغطين على لون اوتامتيكي يتغير لون الاظافر وتشوفين النتيجة  شلون  شكله على ايدج ..
وهم يبين عندج اي نوع متوفر منه الدرجة اللي اخترتيها ..

حبيت انه :
-الماركة مو متوفره عندنا فيفيدج اذ بتوصين احد او تطلبين من النت ..
-وحتى لو توفرت حلو اجرب قبل لا روح السوق خصوصا اذا اللي معاي كله مستعيلين :\
والخ الخ :)

رابط الصفحة (هون)
Labels: , , | 4 comments

postheadericon كاريبو دايت ..

11:07 AM
قبل فتره دريت انه كاريبو منزل شغلات يديد للرجيم  (صمون وسلطات..)

وتقريبا قبل اسبوعين جربته..

اخترت سلطة البطاطا بالكريمة ..



سعرها :

اذا ماخاب ظني بدينار وشي جنه 1.750 :\

رايي:

جربتها مرتين اول مره زوينه ومره 2 لا :(
Labels: , | 8 comments
Sunday, April 3, 2011

postheadericon Zoya Mod Matte Collection 2011‏

9:48 PM
من زمان اخطط اذا بروح سبا اصبغ اظافري اي لون ؟؟

هالشهر محتاره بين الوردي من هالكولكشن (جديد زويا )..

و اهي كل الونها تشوق بس احب احط وردي واحمر بسبا وفي لون 3 احبه بقولكم عنه عقب ..


ماحب المات احس شتوي اكثر بس هذا الوانه تشوق اكثر واقدر اغير فيه اول يوم مات2 يوم يعيش خخ لا قصدي احط علي مقوي يصير عادي  ..

في وحده مجربتهم وحاطتهم ببلوقها ..


وان شاءالله حصلهم بالسبا اللي بروح له قريبا ان شاءالله ..

توقعوا شنو اللون ال2 اللي بخاطري فيه ؟؟

المصادر (هني و هني)
Labels: , , | 6 comments

postheadericon اقدم شريحة تلفون مرت علي @@

12:50 AM

قبل جم يوم اختي قالت لي عنها ؟؟

عن نفسي اول مره اشوفها :\
Labels: , | 10 comments
Saturday, April 2, 2011

postheadericon حلويات زلاطيمو ..

2:52 PM
شريته بناء على مدح رفيجتي ..

حصلته بـ :
مركز السلطان ..

وعبره عن حلويات شرقيه (لبقلاوه وخواتها), ومتوفر باكثر من حجم كبير و صغير وهم اكثر من نوع ..

النوع اللي اخترته اسمه المميزه ..

سعره ب 4 د.ك ..

حجمه صغير ..

رايي فيه..

 اول مافتحته حسيته فااضي كميته قليله :\ يعني يكفي شخصين 3 ان كثر او ناس مثلي ماتحب الاكل :\
ويبس وناشف :(

ماحبيته كلش..

سايته ..
Labels: , | 13 comments
Friday, April 1, 2011

postheadericon حليب & هيل

12:24 PM
هالكافيه جربته 3 مرات على التوالي :)

اممم باول 3عقب عطله عيد الوطني وعيد التحرير ..

حتى سميته كافيه الاسبوع ..


اول يوم:

طلبي كان تركي + بسبوسه ..

التركي يخيرونج اذا تبينها بخبز ايراني او صمون نسيت شنو نوعه ..

سعرها :1,700 د.ك


حبيتها الذ شي جربت عندهم وكررت طلبه ..

البسبوسه :
 سعرها ..
1.500

ماحبيتها ماجنها بسبوسه طعمها قرب للكيك :\ ماصخه ..

2 يوم ..

طلبي كان :
حلوم + كيكة جيرمن بس طلع مافي وطلبت بدالها كاكاو

نسيت صور الحلوم ..

بس ماحبيتها الخبز والحلوم يابسين :\

كيكة الكاكاو ..
 مذكر سعرها وماصورت الفاتوره :\

طعمها اقل من عادي :\

3 يوم ..

طلبت تريكي + سلطة ناتشوز مع دياي ..

التركي ماصورتها لانه موجوده من قبل مصورتها ..

السلطة :

اممممم جنه بدينارين وشي :\

وطعمها زين :)

عنوانهم :

مجمع الصقران - المباركية


55832121
 
FB:LINK
Labels: | 10 comments

postheadericon لكل وزن ثقيل مساحة ..

1:14 AM
مدونه يديده انشائتها صديقتنا شانيل الملقبه ب هههههههههه ..




وايد حبيت  فكرتها..

اللي هي باختصار مذكراتها بعالم الرشاقة والرجيم والصحة..

اللي يحب يحافظ على وزنه او يبلش رجيم اويحب سوالف الصحيه بيسمتع فيها ..

عن نفسي احب هالسولف فوايد اسمتعت فيها..

لزيارة المدونة (اضغط هنا)

موفقه خير اخيتي :)





Labels: , , | 10 comments
Subscribe to: Posts (Atom)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

انستغرام المدونة (roroalk)

follow me

follow me

My Blog List

Show All

Ads

Meenakon Design Templates