شخبوطة كويتيه

Wednesday, September 22, 2010

Nail polish pens

12:09 AM

السلام عليكم ..

من زمان ماتكلمت عن الاظافر عندي وايد شغلات لهم بس ناطره اضبطهم وانزل بوستات عنهم ان شاءالله ..

وبجولتي المكوكيه بربوع قوقل لقيت هالصوره انصدمت منها خخ امبيه ايدي :\ مثلها ..

وصارلي فتره ادور صبغ لاظافر اللي يكون على شكل قلم ..

وماحصلت الا هذا بالسوق الصيني بدبي وجنه شايفه مثله بالكويت ..

وهذا شكله واهو مفتوح ماحبيت راسه احس صلب ع الظفر :\

وماعرف له عدل توني سويت الفن ا لسيرالي ع ظفري خخ صورته بس اخف تنظلوني :p

ووايد ماركات منزله نفس هالفكره اول وحده عرفتها وقاعده ادورها ابيه بمجمع او محل او حتى صالون مابي من النت لانه بجربها قبل لااشتريها اضمن ..

وهي سالي هانسن ..

راسه جنه قلم شيني احس وايد احسن من للي عندي حلو للرسم ع الاظافر او الفرنش..

وفي منه الوان وايد هني ..

وهذا صبغ العادي بس ع شكل قلم هم احس اسهل بالاستخدم ومكتوب بسرعه ينشف ..

وفي منه الوان وايد هني وهني ..

وتوني احوس بسايتهم حصلت ست فرنش مانيكير هم بشكل القلم وناسه ..

وهم في منه ا لوان وايد هني ..

والحلو بالسايت تقدرون تغيرون لون الصبغ وتشوفون شكله ع الظفر :)

جربتوا مثل هالنوعيه ؟؟ اذا اي من وين ؟؟

Labels: beauty, wish list, اظافر, تجربة |

46 comments

Monday, September 20, 2010

اليوم رحت مع رفيجتي صالون ليلي فالي اهو يديد توه مفتوح من شهرين وصغيرون لبنات كويتيات وعرفته من اعلانه بمنتدى كويتيات ومن تجارب البنات ومن صاحبته بالها وسيع وتجاوب ع كل استفساراتنا عن صالونها بالنت ..

ملاحظه ماصورت شي وكل الصور ماخذتها من اعلانهم ..

الرسبشن ..

صوب الواكس والشيره والمساج ..

واهني وحده من داخل ..

بار مال الاظافر..

واللي جربته عندهم شغلتين :

الاولى :

الواكس وعندهم انواع له اهما :

واكس اللؤلؤ للبشره المفرطة الحساسيه

واكس الكرستال مبيض للبشره

واكس الزيت الزيتون للبشره الجافه

واكس الاناناس لجميع انواع البشره

واول مره اجربه بصالون اول كنت استخدم الجاهز من الجمعيات بالبيت و النوع اللي احبه قطعوه :( وكنت اعرف للريولي بس ايدي لا :\

واليوم لما جربته صج فرق عن الوسائل التقليديه :(مميزاته)

1- انظف بحيث انه يشيل الشعر القصير بعد..

2- العوار وايد اقل يعني بالنسبه لي بسيط لايذكر..

3-اسرع واحس هالشغله تعتمد ع اللي تسوي لج :)

4- وبالنسبه للصالون ميزته انه ارخص من برا وانه في انواع له ..

والشغله ال2 اللي جربتها :

اهي الحنه من زمان متشوقه اجربها ..

في عندهم اكثر من طريقه لها ..

- جلسة حنه مع خلطة واهي ب5 الجلسه والكورس ب20يتضمن 5 جلسات..

-الحنه العاديه 3 بس حنه وبخار بدون خلطه او اي شي

-الحنه منكم بس يحطونها لكم 2.5

واللي جربت اول نوع وكان كالتالي :(منقول من صاحبة الصالون)

طريقة جلسة الحنه عندي تتكون من اربع مراحل :

1- صنفرة حق فروة الراس علشان افتح المسام وأوخر القشره وبعدها خلطة زيوت وصبار طبيعي على جذور الشعر

2- بعدها الحنه على فروة الراس وكل الشعر وتحت البخار من 45 – 30 دقيقه

3- غسيل الشعر بماء دافئ علشان ما اسكر المسامات اللي انفتحت من البخار

4- بعدها ماسك طبيعي (( خلطة )) تنحط على فروة الراس وباقي الشعر وتحت البخار مدة 15 دقيقه مهمته التقويه والترطيب واللمعه بعد الحنه بعدها غسيل الشعر بماء بارد علشان اسكر المسامات اللي انفتحت من البخار

رايي :

عجبني الواكس وايد ماشاءالله نتيجته حلوه وبسرعه خلصت , الحنه شعري احس فرش ونظيف بس يبيله اكثر من مره عشان احكم ..

حبيت اللي تشتغل اسمها ماريا اهي اللي سوت اللي الشغلتين حليوه ومحترمه و هم سوت لرفيجتي عكس ال2 اللي معاها كانت فاجه ..

عنوانه :

Labels: beauty, صالون |

24 comments

Sunday, September 19, 2010

Pizza Burger

9:23 PM

السلام عليكم ..

اليوم رسميا نزلوا الوجبه اليديده رسميا ..

ومن زمان خاطري اجربها من قبل لا تنزل الكويت ..

لانه اليوم ماتغديت و ريوقي كان فاشل فقلت اكافئ نفسي فيها مدام حدي يوعانه ..

ويا الطلب وصار شي غريب الحجي عطا خدامتنا الفاتوره ولما ودت له الفلوس قال خلاص خلاص خلاص وراح عقب 5 دقايق رد :\

شكلها من داخل ..

واهي مكونه من 6 قطع وداخلها برغر عاديه و قطع الببروني و صلصات و خس وجبن وطبعا الصمونه :)

وهني بشكل اوضح ..

واهي تطلبونها بطريقتين :

-يابيتزا بس وسعرها 3..

-او بيتزا مع 3 شبس و 3 كولا وسعرها 4 وشي..

رايي :

اذا بقارنها بالبيتزا العاديه طبعا البيتزا العاديه الذ..

واذا بقارنها بوجبات اللي جربتها من برجر (وابر, دياي رويال) الوجبات العاديه الذ..

ما حبيتها وايد اقل من عاديه وعيزت ادلل عليها ابي احد ياكل معاي خخخ احنا 6 اشخاص كنا وباجي قطعه احد يبيها :)

Labels: اكل, تجربة |

42 comments

Saturday, September 18, 2010

كافيه بلان :)

9:11 PM

السلام عليكم ..

اليوم اول مره بحياتي اذا ماخنتني ذاكرتي كالعاده خخ اتفطر بمطعم ..

ودي اجرب الفطور برا برمضان بس حلاته طلعه عائليه ..

المهم بما ان احنا صيام فمابقى مطعم ماكان ودنا ناكل فيه فرايدي-اشاز- رايس-مطعم بيتا يديد اخر شي استقرينا ع كافيه بلان ..

المنيو ..

المقبلات ..

المملحه عجبتني :)

شوربة عدس شكله موذاك الزود بس طعمها زين والحلو انه فيها بطاط وحامضه بس ماحس مثل شوربة العدس التقليديه لاطعمها غير ..

ومعاها هالمقبلات ..

وخبز ..

فتة حمص و حمص باللحمه ..

تبوله وشبس لاختي عجبتها التبوله :)

مشاوي مشكله اول مره اشوف مشاوي بخبز :\

ويخيرونكم اذا تبون معاها بطاط ودجز او عيش او حمص ومخلل ..

والمشاوي والتبوله خذيناهم تيك اوي ..

وهذا ضيافه منهم قهوتهم القرسون حلف ولزم انه نجربها خخ ماكو مانحب بطنا متروس الا غصب طيب تجربونها خخ واشوه طلع طعمها حلو مثل الماي وريحه ماي ورد حبيته :)

الفاتوره ..

وبالعافيه علينا :)

مكانه : بالافنيوز برا صوب النافوره ..

ورايي باختصار : الاكل زين بس ماعندهم كبة لبن :(

س: شنو احلى مطعم لبناني جربتوه؟؟واهم شي فيه كبه بلبن ..

Labels: اكل |

51 comments

Friday, September 17, 2010

Spin Spa

11:56 PM

السلام عليكم ..

هالسنه سنة تحقيق الامنيات والتجارب والمجازفات ..

شغله بلشت فيه لما كان عمري 15 قبل 7 سنين وشي هالسنه سويتها الحمدالله ..

واغلب الشغلات ع صعيد النفسي والجمالي ..

ويارب تحقق امنياتي ع صعيد الاجتماعي و الديني وبكل المجالات :)

وايد اشياء كنت بجربهم هالايام حصلتهم وجربتهم ..

منها هالشغله ..

اي هالمفراكة كنت اشوفها وبجربها احس شي ومفيده ..

لما رحت دبي خذيتها من السوق الصيني كاسرتها بعد خخخخ صح هالسنه صايره اكاسر بعد اول استحي ..

جنه ب25 درهم عقب المكاسر واهي موجوده بالكويت بس اغلى بشوي ارخص شي شفتها ب4 وشريتها من هناك لانه ابي اشتري اي شي المهم مارد فاضيه خخخ..

مالكم بالطويله << شعقب خخخخ ..

هذي الصوره رقمتها لكم عساس يصير اسهل واوضح بالشرح ..

هالاله فيها 5 روس وكل راس له فايده معينه :

1- هالراس انا اسميه مفراكة الدلع للجل شور واحسها ماتنظف عدل :\ عن العموم اللي مثل هالنوع اتكلم لانه هذي ماجربتها ..

2-للتنظيف (جربتها )..

3- مادري انحولت او نثولت وخليت هذي للبديكير وفركت فيها قاعة ريلي خخخ وقلت لاختي تونس ناعمه طلعت خامه مو صخره او شي صلب عقب قريت انها لشي 2 :\ بس عقب ماخربتها تنتفت خخخخ..

4- للبديكير كنت بجربها بس مالي خلق وعقب ماجربت رقم 3 احس ماستفدت شي ريولي صارت اخشن مادري ليش :\

5-للمساج ..(جربتها)

رايي :

عقب ماجربت الاغلب خخخ اول مره جربتها بالراسين رقم 2 , 5 وكانت تجربه فاشله بجداره :

1- تون امم يعني تطلع جس مزعج جنه قطو ذار او ياهل موذي :\

2- الاهم من بعيد تشتغل اوكي من استخدمها توقف ماتتحرك الليفه بس الحس موجود يعني تشتغل بس من بعيد:\

3- الاخيس 2 يوم اختربت خخخخخخخخخخخخخخخ مادري ليش يمكن دشها ماي بس مو معقوله يخربها الماي او الباتري بوطقه او بالاحرى اهي بكبرها بوطقة خخ..

4- مادري وين احطها بالحمام وانتوا بكرامه كنت ماخذتها مع القوطي البلاستك مالها :\ يعني صعبة التخزين..

بس فيها مزايا تستحق الذكر:

1-استخداماتها متعدده نظر لتوفر رووس عده معاها ..

2- سهلة وعملية بتغير الرووس ..

3- رخيصه ..

4- اقدر استخدمها اوالافضل استخدامه بشكل يدوي اقصد بدون لا اشغلها ,بما انها عصاة اسهل بالتفريك ..

*ملاحظة الصور منقولة من قوقل ..

Labels: beauty, تجربة, تكنولوجيا |

32 comments

Thursday, September 16, 2010

pachuca fondant au chocolat:)

10:30 PM

السلام عليكم ..

من زمان مانزلت بوست عن الاكل :) بس اليوم بقولكم عن شغله ذقتها قبل جم يوم..

وامس عيزت ادور صورتها بالنت مالقيتها لانه كنت بصور القوطي بس لقيت الخدامه قاطته بالزباله وانتوا بكرامه ومكتوت عليه مرق لا والاخت يكون بارتني تقول بتغسله لي خخخ ..

المهم وانا احوس اليوم بجمعية الفيحا لقيته جان اصوره ..

من زمان ادور هالسوالف اللي تكون جاهزه بس تتسخن ع ابو اضمن ومضبوطة ..

ورايي :

اهي اهي مو حلوه توقعته الذ و شكل الككاو واهو ذايب يشوق بس الطعم مقلب ماحبيتها حاولت اكلها ماقدرت طعم الككاو غريب جنه محزر مادري شلون اوصفه لكم لا و مناديه اختي الكبيره تجربها معاي هم ماعجبتها :\

سعره :

بجمعية الفيحا ب1.650 د.ك ..

وهم موجود بلولو هايبر بس ماثبت ع سعره ..

امم تعرفون مثل هالكيكه او مولتن بس طعمها حلو ؟؟

Labels: Molten, اكل, تجربة |

32 comments

Wednesday, September 15, 2010

dry shampoo :\

10:51 PM

السلام عليكم ..

امس كنت احوس بيوتي بار بشوف عينات الشامبو والبلسم اللي عطوني اياها اتناسب اي نوع شعر لقيت هالمنتج ..

dry shampoo = الشامبو الجاف ..

يعني يستخدم بدون ماي ع الشعر الناشف ..

وموجود باكثر من ماركه قبل جم سنه شفته ينباع بمنتدى بس مو ذاكره كان من اي ماركه :\

هذا اهو مال بيوتي بار.

والنبذه اللي عنه منقوله من سايتهم ..

إنّه شامبو جاف، خالٍ من مادة الطلق ويكافح آثار الشيخوخة. صُمِّمَ هذا المستحضر المميّز خصّيصاً ليمتصّ الإفرازات الدهنيّة الزائدة ورواسب منتجات العناية بالشعر والأوساخ بلطف وعناية فائقة.

مفعوله

يحافظ على تسريحة شعرك مدّة أطول، وينعشه بشكلٍ فوريٍّ بين الغسلة والأخرى. يعيد للشعر حيويته ويتركه نظيفاً وناعم الملمس يفوح بعطرٍ منعش.

ما الحاجة منه؟

• يساهم التخفيف من غسل الشعر في حمايته من الأضرار الناتجة عن تعرّضه للحرارة القويّة كما ومن بهتان اللون.

• إنّ 'دراي شامبو' أشبه بـ'عدّة استحمام متكاملة وضعت في عبوة'، إذ ينظّف الشعر بعمق كما لو تمّ غسله بالطريقة التقليديّة. بالتالي، فهو مناسبٌ للاستعمال في الأيّام التي تريدين تنظيف شعرك إنما تفتقرين فيها للوقت لخوض عملية الغسل والرغو والشطف مرة بعد مرة.

• هو الوسيلة المنشّطة المثاليّة التي تضع الانتعاش والحيوية في متناول يديك. أبقي 'دراي شامبو' في حقيبة اليد أو حقيبة الرياضة لإعادة الحيوية لشعرك قبل الخروج للاستمتاع بعد عناء يومٍ طويل في العمل.

• قد يكون تسريح الشعر المغسول للتو أمرٌ صعبٌ إن أردت القيام بتسريحات تتطلّب رفع الشعر، لذلك إستخدمي 'دراي شامبو' لإضفاء الحجم والرونق والملمس الناعم إلى شعرك، ما يُسهِّل عملية تصفيف الشعر النظيف.

الإرشادات: أميلي العبوة ورجّيها بلطف بالقرب من جذور الشعر لرشّ المنتج. دلّكيه بأطراف أصابعك حتىّ يتمّ امتصاصه، ثمّ سرّحي شعرك وصفّفيه كما ترغبين.

سعره : KD.9.900

موجود هني ..

وسويت سيرج بقوقل عنه وحصلت موضوعين عجبوني :

(1)

يحتوي الموضوع ع معلومات عنه وطريقة استخدامه وافضل 8 منتجات منه ..

الرابط ..

(2)

يحتوي الماء في بريطانيا على الجير وهو أحد الاملاح المعدنيه التي تسبب تقصف الشعر,ويوصي الخبراء بضرورة عدم غسل الشعر بالماء المحتوي على هذا الملح ,ولذا لاتغسل

البريطانيات شعوروهن اكثر من ثلاث مرات في الاسبوع ,ويزكي لهن خبراء العنايه بالشعر الشامبو الجاف الذي يعد بمثابة سلاح سري للحفاظ على نظارة الخصلات .جربي شامبو Magic Dry Shampoo

الذي يعمل على تكثيف الشعر وإنعاشه في الوقت ذاته.

المصدر ..

رايي :

كفكره مو وايد متقبلها بس احس يفيد باوقات معينه اللي مانقدر فيها نتسبح لظروف صحيه ,ولما كلش ماعندنا وقت , واتوقع يفيد وايد البنات اللي شعرهم دهني لانه مهم يتسبحون بسرعه يدهن :\

ومن ناحيه 2 مفيد للدوله بحيث انه بنوفر ماي خخخ..

في احد مجربه من قبل؟؟

**ملاحظه بيوتي بار مو سايتي ولا انا الوجه الاعلاني او الاعلامي مالهم بس جربتهم مره وعجبني منتج فضفته بس توضيح عساس مايصير عندكم لبس الله لو اهو مالي جان بدعت خخخ البضاعه اخلصه ع نفسي :)

Labels: beauty |

37 comments

Tuesday, September 14, 2010

كير كلينك :)

11:53 PM

السلام عليكم ..

اليوم بكلمك عن العياده اللي اروح لها من فتره اهي للجلديه وفي قسم للاسنان بس اللي رحت له الجلديه بس ..

جربت عندهم شغلتين :

1- الليزر 4 مرات << ويبيلي بعد لانه شعري خفيف بس مسويته زيادة الخير خيرين :\

2- تنظيف بشره ..

وكنت بسوي مساج بس اليوم اللي كنت حاجزته في عندي الساعه 3 بديكير ومنيكر واهو 5 والساعه 7 طبيب الاسنان ..

فكنسلته اهو لانه بالبديكير والمنيكير سولي مساج بس مافادني لانه كنت حدي متوتره احاتي طبيب الاسنان و ع ماخلصت ماكان في وقت اروح بعد ..

بالنسبه الاسعاره :

زينه الى معقوله في شغلات ارخص من اللي برا في شغلات لا ..

وبالنسبه لي عندي لهم خصم 20% من بطاقة بطاقتي فحللته خخخ ..

الستاف :

وايد حليوين يونسون ..

رايي :

الليزر امم مو وايد عاجبتني النتيجة وخاطري اجرب مكان 2 هالشهر بس مادري وين اروح مادحين لي بوشهري ..

اما تنظيف البشره بس اللي استفدت منه نعومه وترطيب لمدة تقريبا يومين , قارنته بسبا تايم فرق بينهم سبا جوه حلو تغير عن المعتاد ومريح فرق علي ويهي و مع جم شوته وكمشه خخ مساج ارتاح جسمي كله يعني باختصار دلع وريلاكس ..

وكاسعار سبا تايم كان 23 اما ال2 ب25 ماكو فرق بس مع بطاقتي صار تقريبا 20 لانه فيها خصم 20%..

Labels: beauty, تجربة, صحة |

22 comments

Monday, September 13, 2010

: ) beauty bar

8:26 PM

السلام عليكم ..

مثل ماقلت لكم امس كنت طالبه من بيوتي بار لانه كانوا مسوين عروض ..

(1)

البرتقالي : كريم حماية من الشمس و من علامات الشيوخه و يسد المسام ومو دهني .

سعره :كان ب10 و900 شريت ب 5و450 الحين صار ب3..

الاخضر: سنفره للويه منقيه للمسام : يوخر السموم ويحمي البشره ويرطبها ويشيل خلايا اليلد الميته وينعم البشره ويعطيها نضاره ولطيف ع البشره تقدرين تستخدمينه كل يوم ..

سعره: كان ب 13 صار ب6ونص الحين ب3 ..

(2)

الازرق :كريم لايد مرطب وفي حمايه من الشمس ويمنع ظهور الوان مو متناسقه وينعمها ويخليها صحيه اكثر وشبابيه ..

سعره :

سعره :كان ب9ونص ..صار ب5 و700 ..

الابيض: مرطب معدني لتوحيد لون البشره ويحد من احمرار البشره و ينعمها وفي حمايه 30 من الشمس .

سعره :كان ب15 وصار ب9 ..

(3)

العينات شامبو وبلسم و الابيض اكثر من شغله للبشره ..

والهديه صبغ اظافر من زويا اخترت هذا ..

كانوا ناسينه بس لما قلت لهم 2 يوم الصبح اهو عندي :) عاد اهم شي اهو ينسون اغراضي عادي اهو لا خخخ..

حسابي :28.150 KD شامل التوصيل (اهو ب1ونص)

مع الخصم صار :820.22

وهذا سايتهم :link

fb :link

وبس ماراح اشتري كريمات ولا اصباغ اظافر بس ابي صبغ اظافر اللي ع قلم :)

Labels: beauty, سايت, عروض, مشتريات |

26 comments

Sunday, September 12, 2010

Moad Body Shop :)

7:05 PM

السلام عليكم ..

اخر يوم برمضان رحت السوق توقعته زحمه ودزني وادزك بس اشوه طلع فاضي واحسن من الايام العادي طبعا هالحجي الصبح :)

وكنا رايحين الري كنت ابي سنفره ملونه تشوق شفتها بالنت ومدمد قالت موجوده بكشك هناك بس ماحصلتها :(

وفي هناك محل اغراض مثل سوالف سايت بيوتي بار قلت حلو اشوف الاغراض بالنظر واشمهم واجرب التستر واشتريهم من السايت خخخخ..

رحت المحل وشفت اللي ابيه وهم ما طلعت فاضيه ..

اكثر شي عجبني فيه الجيس راقي والبقع اللي فيه والكتابه مو طباعه عاديه لا مخمل ..

*مشترياتي*

خخ وصلنا لي المحاسب بدون لا اخمط شي بس واختي تحاسب , اختي ال2 نادتني مجربين لها عطر للشعر اهو اللي بالصوره وعجبتني ريحته واهو يعطي نعومه ولمعه وريحة ..

اللي تحب الحلاو بيعجبها :)

وفي منه عطر جسم ..

سعره ب4 وشي << حصلته ببوتس ارخص بس اشوه فرق دينار مو وايد خخخ..

(2)

مااحب القلتر واللمعه الهلوقيه بس بنفس الوقت احب القلو واني الق بشكل ناعم وذرب ..

هذا خذيته لانه كان ب19ونص وصار بخمسه :) خخ ولما جربته اشوه طلع زين اهو فايدته يرطب ولمعه وريحه ..

الريحه والترطيب عاديين مو وااو بس اللمعه اشوه بسيطه مو قويه مثل شكله واهو باللعبه ..

*مشتريات اختي *

اصباغ اظافر من زويا << هالهوس عائلي خخخخ ..

كانوا ب4 وشي صاروا ب3 ..

وكحل ومسكرة بوبا ..

*واللي ماعجبني بالمحل :

-ماكو تستر لا للصبغ ولا لسنفرات وغيره بس نشم :\

-بعض شغلاته اغلى من الباجي انا كنت ابي منتجات كيك تقولي برا 25 عندنا ب12 وشي وتقنعنين حاولت اكثر من مره اخر شي قلت لها تبين الصج محصلتهم بالنت ارخص :\

بس حسافه لما كنت بطلبهم من بيوتي بار ولا مخلصين :(

واحلا شي لما رديت ولا بيوتي بار مسوين عرض خصم 20% وصبغ اظافر زويا هديه اذا شاريه فوق ال5 طبعا ماخليت بخاطري وطلبت والعرض يخلص اليوم الساعه 12 بالليل :)

بيوتي بار:

fb :سايت

Labels: beauty, اظافر, محل, مشتريات |

28 comments

Nail polish pens

صالون ليلي فالي :)

Pizza Burger

كافيه بلان :)

Spin Spa

pachuca fondant au chocolat:)

dry shampoo :\

كير كلينك :)

: ) beauty bar

Moad Body Shop :)

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads