Monday, December 17, 2012

التستر @LUSHKUWAIT

الاسبوع اللي فات نزلت لكم بوست عن مكياج لش هني ، والخميس صادف انه بطلع مع رفيجتي ومرينا 360 فرحنا نشوفه ..
 
واكثر شي لفت انتباهي بكورنر المكياج التستر طريقته وايد حلوه واول مره اشوفها بالكويت رفيجتي كانت قايلتلي عنها بس شايفتها بلندن مو هني ..
 
وطريقتهم انه كل منتج له فرش خاصه لكل زبونه استخدام واحد وتنقط (كيفج اذا بتصادرينها خخخ ) بس عجبتني الحركة وايد ماشاءالله انظف ..
 
وفي منها  فرش للماسكرا ..
 
 وفرش للحمر والايلاينر..
 هني شكلهم اوضح..
 الاسعار:
طبعا سالتهم ليش اسعارهم تختلف عن برا ؟ جان تقول الشركة اهي اللي تحدد الاسعار واهي بريطانيه << سبب مو مقنع المفروض يوحدون الاسعار بالخليج وطبعا يمشون على الارخص ومو بس الخليج المفروض بكل الافرع السعر ثابت..
 
شنو جربت منهم ؟؟
 
ومع انه خاطري بالحمر والماسكرا بس ماجربت الا الايلاينر وماحبيته عادي وجربت هالكريم ..
 
اسمه :
FEELING YOUNGER SKIN TINT
اهو كريم ينحط تحت العين او اي مكان في خطوط فيغطيها او يعبيها واهو علاجي على كلامها انه نتيجته تبين بعد 3 ايام ..
 
وطريقته حسب ماقالت (البائعه )
انه الخطوه الاخيره بالمكياج تحطينه كمسحة خفيفه بطرف صبعج ..
 
رايي الاولي فيه :
 
ماحبيته جربته ع ايدي بطرفها في خطوط ماغطها << بتقولون في فرق بين خطوط الايد والويه اقولكم جربت كريم بماليزيا طبي حسافه ماخذيته جربته لي ع نفس المكان عبى الخطوط ماشاءالله ..
والاهم هالكريم (تبع لش) في لعه فضيه حسيته بيكون بايخ علي حلاته لمعه ذهبي على بيج او برونز او بيج او اصفر انسب لون بشرتي ..

4 comments:

  1. اشوا سألتي عن الاسعار معناتها اذا سافرنا نشتري افضل بسعرهم برا بلا سعر مبالغ فيه
    الحمر والماسكرا حلوووين بس الكحل اختي جربت ذهبي غلتر حلو ثابت صراحه
    الكريم هذا ماعندي فكره عنه يعني اول مره اشوفه ودي اجربه احب اجرب وانطر النتيجه

    ReplyDelete
  2. داللي..

    حتى انا احب اجرب بس مااحب استخدم الوان تبهتني او تخليني مشوهبه مثل هالكريم وغارينيه..

    اي حتى دبي ارخص :( وبرا يقولون عندهم عروض قويه..
    حسافه ماجربت تستراتهم ..

    مشكوره..

    ReplyDelete
  3. شكله عمرج مو داشه ماك .. اهما اول من يحط فرش تستر

    ReplyDelete
  4. امبلى داشته من زمان ..

    عيل مدمنات ماك ليش ماعلقوا وقالوا انه موجوده فيه !!!

    ReplyDelete

دوركم تشخبطون :)