تجربتي للصبغ Gabrini اللي يشب بالظلمة (neon) ..

قبل جم يوم نزلت لكم بوست عن الماركة التركية  للمكياج Gabrini (هني)  ومن الشغلات اللي ذكرتها بالبوست السابق انواع اصباغ الاظافر عندهم منها الصبغ اللي يشب بالظلمه وخذيت لي واحد للتجربه ..

واهو متوفر ب8 الوان هذي صورة للمجموعه كامله ..

 

 

وهذي تجربتي باختصار بالصوره  ..

 

اخترت اللون المحومر اسمه N08 ..

 

سعره :

 

800 فلس ..

 

ومتوفر بسيتي ستارز ..

 

رايي :

احتجت احط طبقتين عشان يكون اللون اغنى واحلى وماحبيت انه مانشف بسرعه واخترب بعد :( والاهم انه ماشب :\ خذيت الغرشة وحطيته تحت االليت مباشره لمدة طويله تقريبا ساع وعقب رحت لغرفة ظلمه وصورت وكانت هذي النتيجة الصوره السوده :\

 

يمكن احلى شي فيه لونه بس ..

 

 

وللتذكير افرع سيتي ستارز ..

 

الجهرا واحد من المجمعات اللي جبال جمعية الجهرا القديمة ..

الفروانية :بسرداب مجمع الهدى ش حبيب يم مجمع المغاتير وجبال الجمعية

حولي : ش تونس ، برشا مول يم دوار صادق

العقيلة : سرداب مجمع الدرة ق4 يم البيرق ..

الري الدائري الرابع صوب المشاتل وبسطرت دريم مول ولولو هايبر وماكس .. الخ وبسرداب سيتي ستارز مول