MAYBELLINE LIP SMOOTH COLOR BLOOM

منتج بيوتي يديد توني خلصته اول زبدة ككاو اخلصها بحياتي ماشاءالله ..

خذيتها من ماليزيا قبل هبتي بالمكياج ، وشريتها لانه من البيوتي احب زبدة الككاو تكون بلون ..

اهي متوفره بدرجتين :

1- .Peach blossom

لونهم كورال (مشمشي)

2-Pink blossom

وردي على فوشي (اهي لونها اغمج واوضح )

اهما لونهم جذي بس بالحط لونه غير يعتمد على لون الشفايف ،  وهالصوره من هالبلوق LINK واهي اللي شفت بوستها قبل لا اشتري وشجعتني اخذها..

ورايي فيها بعد الاستخدام :

- فيها نسبة حماية من الشمس 16 SPF..

-قوامها خفيف مو ثقيل مثل اغلب انواع زبدة الككاو اللي جربتهم قبل..

-لونهم حلو بالنسبة لي حبيت المشمشي اكثر (لونها طبيعي) والفوشي حبيته اكثر على اختي  لانها بيضا ماشاءالله (لونها اوضح من المشمشي)، وخلصت المشمشيه :)

-والترطيب زوين موو اوو لانه انا براطمي وايد جافه :(