Monday, August 30, 2010
11:24 PM
السلام عليكم ..
ومريت بيت الصابون اللبناني ع ابو ابي اشوف خلطه عندهم عاد قالي انه عندهم عرض ..
انه اذا شريت هال3 شغلات :
(1)
سنفرة بالشوكولا ..
مكتوب ع المغطاة :
انها منعمه ومجدده ..
وع القوطي مكتوب :
- الخصائص:
تقشير طبيعي للجسم بالشوكولا المضاده للهرم منشط ومنعم غني بالمغنيزيوم المريح للاعصاب والهرم .يساعد ع ازالة الخلايا الميته والاوساخ .
-الاستعمال :
مرتين بالاسبوع قبل الحمام او المغطس , فرك الجسم به بحركة دائرية والتشديد ع المناطق الخشنة ويتم غسلة بالماء الفاتر .
*رايي :
امم من خلال استخدامي لها اكتشفت اني مااحب ريحة الككاو :\ اهي زينه مو ويع بس مو من الروايح المفضله عندي , اما النتيجة اللي حصلت عليه اول شي عيبها انها تزيت الجسم يعني لما اغسلها جني حاطه طبقة زيت ماحب جذي :( بس عادي يروح بالصابون و الحلو فيها تعطي نعومه حلوه للجسم ..
(2)
*الخطة الملكية بالشبه *
قبل لا اتحجى عنها لازم اوضح انه الخلطه الملكيه في منها نوعين هذي اللي بالشبه وال2 اعتقد بالكركم ..
اخترت هذي لانه تناسبني اكثر ال2 اعتقد كانت للكلف والحمدالله مافيني هالشي ..
مكتوب ع المغطاة مثل ماهو مبين عندكم :
لتبيض الاماكن الداكنه من الجلد وتوحيد لونه..
وع العلبه مكتوب :
-الخصائص:
خلطة ملكيه مبيضه ومنعمه للاماكن الداكنه من الجسم . تضب المسام فتنعم الجلد وتهدئ التحسس فيه , توحد لون البشره وتعطيها الاشراقة .لها مفعول مزيل للتعرق ولرائحة الجسم .
-الاستعمال :
مرتين في الاسبوع للوجة اوالجسم ,يرغى على الجلد ويترك لمدة 5 دقائق ثم يفرك بالليفة ويشطف بالماء الفاتر.
يستخدم مع الحمام البخار او الحمامات المغربيه .
رايي:
امم الصراحة مالتزمت بطريقة الاستخدام , بس عموما الزين يفرض نفسه بس نفسيا ماشفت اي تغير حتى لو بسيط هذا بالنسبه لجسمي لويهي مره استخدمتها او مرتين وقفت لانه اخاف استخدم اي شي لويهي بروح بسرعه يقب اهي اهي..
سعرها :
15 د.ك
(3)
*كريم للجسم بالبابونج*
مكتوب ع المغطاة :
مريح للاعصاب ومهدئ ..
اما العلبه فمكتوب عليها :
-الخصائص:
كريم للجسم بزيت الزيتون مرطب غني بالمواد المغذية والمهدئة كالبابونج , العسل والشوفان .
-الاستعمال :
يستعمل لترطيب الجسم خاصة بعد الحمام ..
*رايي :
كمرطب زين ويتم فتره طويله تقريبا يوم او اقل بشوي يعني لما تغسلون تحسون فيه , اميمتي عاجبتها ريحته اول كنت احط ميبو كل مادش تزفني خخخ..
سعره مو متاكده ي10 او 8 ..
لانه الاغراض ال3 طلعوا ب33 اذا ماخب ظني :\
وعطوني هالشغلات هديه :
اهماالصغار اللي جدام صابونتين وسنفرة ويه ..
مو ذاكره اسمهم الذاكره عندي ميح :\ بس الصابونه هذا من احلى الشغلات اللي جربته منهم حبيت وايد احس حلاتايدي مادري شلون اوصفها لكم وحدة لونها - صفتها احس بكتب فيها قصيده خخخ..
والسنفره توني استخدمه هم تخلي طبقة زيته خفيفه للويه بس تنفع للبشره الجافه مثلي اريح بدال لا احط مرطب :)
+
وبس جنه طولت خخ..
اي دايما انسى :
p.s : هذي تجربتي الشخصيه البحته عادي جدا امدح شي ومايولمكم لانه في وايد اختلافات ..
- طريقة الاستخدام..
-نوع البشره..
-تفاعل الجسم ..
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
34 comments:
بالعافية عليج
سنفرة شوكولا مادري شلون
تذكرت لما مرة طلعوا معجون كاكاو لوول
ثانكيو =)
وعليكم السلام
توني من قبل جم يوم ماصار لي اسبوع
رحت انا ومرت اخوي وخمينا وايد سوالف
لما الحين ما جربت شي بس سنفرة اللي
ع كاكاو ما حبيت ريحته ماادري
حسيته كاكاو خايس في احلى.
خذيت من عندهم صابون وشغله جنها
صابونه بس مو صابونه تنحط ع الجسم
حبيته ريحته وان شاءالله بجربهم
والله يستر
يعطيج العافية
شكلي بروح اجرب و اشوف شو عندهم
تراني daloo.oo3atuae ^^
انا عندي سنفره كاكاو مالت بودي شوب
انا احب ريحه الكاكاو و عندي صابون بعد من ماركس :)
شوقتيني على سنفره الشبه
موجود بالكويت هالمحل و لا بس بالمعرض ؟
انا خبري اكو محل صابون بالافينيوز فيس تو فوق مادري تحت بالداعوس اللي يم بربري بس ناسيه اسمه :\
تسلم ايدج على هالمواضيع الحلوه
مشكوره :)
يعطيج العافية و ألف عافية أنا ما أواطن ريحة الكاكاو بالجسم بس يمدحون كريم الكاكاو لشد الجسم. هالمحل كل ما أبي أدشه أتردد لأن أحس اللي يشتغلون فيه نشبة و يعلقون بالبلعوم لين يخلونج تشترين غصب
شفييييييه صابون رقي زين :) بس ما اقول الا مثل ما قال العم بوصالح ( الروس نامت و العصاعص قامت ) من بعد صابونه العجيب قمنا ناخذ مال لبنان
الكويتي انفع يا بنت الناس :) بس
بطوفها لكم هالمره بس المره اليايه ترى شكاي
سين لام يعني سلام
** صباح الخير
جربي سنفرة الليمون مع الجنجر ريحتها وايد حلوة
اما الشبه طلعت قيم اوفر
يعطييج العافية
عاد اتصدقين السنفره تكرمين للحين بالحمام
هبيت جم مره استخدمتها وما استمريت كل عاده ام هبه!
يتراوالي انتهت لان مده صلاحيتهم سنه
شكله المنتجات حلوه
تسلمين رورو
تسلم ايدج على هالبوست الحلو
مشكوره :)
مشاركتنا تجربتك للمنتجات
تمنحنا فرصة للتعرف عليها قبل
المسارعة لشرائها
وفي
الحقيقة هو مجهود تشكرين عليه
لذلك سعدنا بالتنويه عن مدونتك عبر
صفحة
vimtoarabia
على موقع الفيس بوك
لمنح معجبي فيمتو متعة الاطلاع على جولاتك الممتعة والاستفادة من تجاربك
شكرا مرة اخرى :)
الهام بخور
محررة vimtoarabia
صباح الورد :)
كل اللي اخذتيهم ما جربتهم
بس لا يطوفج سنفرة الزنجبيل بالليمون عجييييبه نعومه و طراوه و هم الخلطه الملكيه بالكركم جنها صابون مغربي عجيبه و صابونة الويه اللي بالكركم عن تجربه هذول ربعي :)
و اللي ما يدلون بيت الصابون اللبناني فرعهم اللي بالافنيوز بداعوس يم بربري و روائع جنيف و السبا
عليج بالعافيه
يعني ماجرب عندهم الا الصابونه :P
هلا هدوله..
الله يعافيج يارب..
مو بس سنفرة ككاو فيه عندهم ماسك الككاو ..
وبالجمعيات هم في ماسك ككاو وشامبو وبلسم والخ ..
بس معجون ماشفته بشوفه ان شاءالله..
ولكم ..
هلا بطه..
خخ انا كنت ادور سوالف ع ككاو فجاءه يتلي هالهبه بعد فتره ان شاءالله بحط لكم ماسك الككاو وان شاءالله..
وريحتها مو ذاك الزود صاجه..
بالعافيه عليكم الاغراض شوقتيني اشوفهم خخخ..
مامنهم مضره ان شاءالله لانهم طبيعين ال2 شنو اسمها مو مكتوب عليها شي؟؟
الله يعافيج يارب..
مشكوره..
هلا دلوعه..
وان شاءالله يعجبج :)
حياج سويتي..
هلا رورو ..
عندي بعد ماسك الككاو جربتيه؟؟
من الجمعيه مو منهم ..
واهما عندهم بعد هالشغله بس ماخذيتها وشميها جود تعجبج وجان تبين مالتي ماتغلا عليج خخ..
اي موجود بالافنيوز وجنه بالبيرق بعد..
اي هذا اهو اذا ماخب ظني :)
ومرسي..
هلا ماجيك..
الله يسلمج يارب..
والعفو ولو..
حياج الله..
هلا حنونه..
لا ريحتها مو قويه بالجسم لانه اغسل عقبها بصابون ..
الله يعافيج يارب ..
مشكوره..
اي اغلبهم جذي ماحب هالحركات :\
هلا اخوي مشاكس..
جنه مجربته قبل :\
بشوف شنو فوايده واذا والمني بجربه مره 2 ان شاءالله..
خخخ عند منو؟؟
حياك الله ..
هلا ميمه..
صباح النور..
ان شاءالله بس فايدتها شنو؟؟
والشبه زينه للتعرق :)
اكثر من التفتيح..
ومشكوره..
هلا مدمد..
يعافيج يارب..
انا بعدهم باجيلهم جم شهر اتوقع انتي مثلي ..
حتى انا وخصوصا اذا شفت انه الشغله مالها اي نتيجه مرضيه..
ومشكوره..
هلا مزيونه..
الله يسلمج يارب..
وحياج الله..
هلا مرام..
الله يسلمج يارب..
والعفو ولو..
حياج الله..
هلا الهام..
مشكوره اسعدني هالشي :)
والله يعطيج العافيه يارب..
هلا طفله..
صباح النور والسرور..
عاش من شافج :)
شوقتيني عليهم ان شاءالله اجربهم :)
مشكوره :)
هلا ريحانه..
الله يعافيج يارب..
جربي اللي يوالمج مابي استاثم فيج هه..
وحياج الله..
shakil sh'3ilhom zain!!
البابونج هذا مال ولدي الصغير ..
يسمونه "ماي لوبه" .. ولا انا غلطان ؟
هلا سمر..
زين مو وااو..
وحياج الله..
هلا اخوي الساخر..
سالت امي تقول لا مو اهو ..
وحياك الله..
تسلمين وياحلو هالتجارب كثري منها
منكم نستفيد عزيزتي
وعسى الله يحليج وينور ويهج
^_*
هلا خاتون..
الله يسلمج وان شاءالله..
بعد عمري اجمعين يارب..
ومشكوره..