Monday, April 3, 2017
السلام ..
 
كالعاده ولهانه ع بلوقي وعندي وايد سوالف بحاول انظم وقتي الصبح وانزل بوستات احب اذكر تجاربي هني كارشيف لي متى ماحتجت ارد له ..
 
اليوم تجربه بيوتي وهالشي هم فاقدته مع انه وايد احبه ..
 
امس جربت شي وايد حبيته ماشاءالله اهو ..
 
اهو :VITAMIN RECHARGE
PEDI IN A BOX DELUXE 4 STEP
 
منتج للعنايه بالقدم تقدرون تقولون بديكير منزلي ب 4 خطوات موزعه ع 4 منتجات كل منتج بمغلف  بنكهة الجريب فروت..
 
المغلف يكفي اكثر من شخص انا استخدمته مع اختي وماخلص ماشاءالله وهم كنت احط وايد مو اللي متجيعصه ..
 
ولو باستخدمه بروحي الباجي بفرغه بعلب للمرات اليايه ..
 
 
 وخطواته الاربع اهيا محتوياته :
 
  •  Sea Salt Soak - ملح لتنقيع الريل ..
  •  Sugar Scrub- سنفره ..
  •  Mud Masque- ماسك
  • Massage Cream- كريم ..
  •  
    ماياخذ من وقتج ثلث ساعه (20 دقيقه ) ..
     
    1-تنقيع الريل 5 بالماي + الملح  دقايق او كثر ماتبين ..
     2-السنفره تفرك سريع
    3-و الماسك من 3-5 دقايق  ..
    4- الكريم نفس السنفره مايحتاج وقت ..
     
    بالنسبه لقوامهم ..
    - الملح عادي ناعم مادققت فيه بس مو اللي صلب وكبير ..
    - السنفره اقرب للجل مع حبيبات وسط لا ناعم ولا خشنه ..
    - الماسك كريمي ..
    -الكريم خفيف ويرطب ومو ثقيل او دبغ ..
     
    سعره :
    3 دك ..
     
    وين حصلتها ؟؟
     
    وحصلتها بوتيكات تعرفون اماكن 2 توفرها ؟؟؟
     
    رايي :
    وايد حبيتها وبتكون هبتي اليديده كل اسبوع باستخدم واحد..
    نتيجه حلوه ماشاءالله لاحظتها من الخطوه ال2 والفرق اكثر من 70% ماشاءالله (كنتيجة نهائية ) انا ريلي بسرعه يبين فيها الجفاف والتشققات وهذا تبارك الرحمن خففهم حيييل يعني لو مسويه تفرك سريع بالاداه جان النتيجه بيرفكت ..
    استخدامه وايد سهل ماياخذ وقت ..
    حبيت بعد حجمه حلو للي مثلي تحب تنوع وتجرب وتكود ..
     
    وفي منه انواع 2 تفرق عنه بالنكه تنقال نكهه ! او بالخطوات ..
     
    في 3 خطوات بدون الملح وفي 6 خطوات زياده مزيل كالوس ع قولته يعني الجفاف والاماكن الصلبه يبيله + مرطب ..
     
    هذا سايتهم الاساسي : LINK
     
    Monday, March 27, 2017
    السلام ..

    المفروض انزل الجزء الاخير من معاناتي ..

    بس اهيا مستمره ..

    وهم هالفتره مو حابه اتكلم او افكر بهالموضوع وايد يتعبني ! وراده انتكس ...

    وفي استفسارات مزعجه حييييل  بانستغرام تطلع لي خاص و تعلق تحت كذا صور وبسناب برايفت صوت وكتابه لدرجة اتصلوا على اختي اوك تعبانه الله يشفيج بس الحنه ماحبها اوفر !!! تعالي بيتنا بعد  وهم ارد عليها انه مو حابه اتكلم واغلب المعلومات حطيتها ودكاتره بيفيدونها اكثر ماكو فايده ! واول وتالي من حاله لي حاله يفرق ومن عمر لي عمر يفرق ..

    من جذي ولاني مو حابه اتكلم الموضوع باعتبره مسكر واعتذر عن الرد عن اي شي يخصه كتبت اهم التفاصيل ..

    وعند منو عالجت ..

    د. مساعد العصفور اهو اللي شخص حالتي عقب سنتين ونص من معاناة ..
    د.باسل السميط اهو اللي سوا عمليتي الاولى المنظار (جراحه ) وتابع حالتي عقب ..
    د.جابر العلي سوالي منظار ال2 النفخه ..

    كلموهم اذا حابين خوش دكاتره بيفدونكم ان شاءالله ..


    وعناوينهم تحصلونهم بقوقل لانه راجعتهم قبل سنتين ونص جريب ال3 فماعندي كل التفاصيل عنهم ..

    السموحة..
    Sunday, November 20, 2016
    السلام ..
     
    قبل شهر بسناب وهني نزلت لكم هالبوست جولي شيك vs زارا
     
    وهو عن قطع زارا مقلدها جولي شيك ..
     
    وعساس ابري ذمتي بنزل هالبوست وهو نفس الرد على البوست الاول خصوصا عقب ماجربت جم قطعه منهم ..
     
    بسم الله نبلش..
     
    (1)
     
    اول قطعه جربتها هذي ..
     
     
    وقلت لكم اني طالبتها بالبوست اللي فات ..
     
    ووصلت ولبستها مرتين ..
     
    كخامه خفيفه وشويه الوان باهته بس زوينه تمشي الحال  وبلبس زينه..
     
    اللي عاجبتها تحصلها هني ..
     
    (2)
    هذي عاد كنت ميته عليه ..
     
     
    في من ريحة الحبايب ..
     
    طلبت طلبيه كامله عشانه :\
     
    نطرته يصير بالعروض الموقته = الفلاش سيل (بشرح لكم عقب شنو يعني فلاش سيل)
     
    واشوه مااستعيلت عليه ..
     
    انا عاجبني علبو انه خامة شانيل فتخيلته مع سكيني اسود وقلب لولو وجنظة وكعب اسود (يفضل شانيل موشرط اهيا بس اذا متوفره نحللها )
     
    لما وصل ولا خامة اقرب للستان ومطبوع عليه ستايل خامة شانيل !!!
     
    هم باللبس اشوه زينه :\
     
    اللي تبي تطلبه تحصله هني ..
     
    (3)
     
    هذا مادري اذا تبع زارا او لا ..
     
     
    بس هذا الشي الوحيد اللي اقول لااااااااااااااااااااااااااااااااااااااااااااااا تاخذونه ..
     
    صج الناس اذواق بس هذااااا ضيم ,,
     
    تخيلوا اول مابطلت الجيسه انصدمت ماعرفته اساسا قلت انا مو طالبه مايوه اسلامي !!
     
    عقب عرفته من الصوره اللي ع جيس !
     
    ضيم الخامه بيزو بيزو لا الخامه الردي النايلون !
     
     
    اللي تبي مايوه تاخذه لا تطلبه مقدم مالي هديه وفوق حبة راس بعد خخخ ودعوه من قلب .. اللي عندي اسود لو احمر جان منهاره خخخ ..
     
    كاهو هني
     
     
    * العروض المؤقته = الفلاش سيل*
     
    اممم هذي عروض يوميه تتغير كل جم ساعه ..
    لحظه اطلع لكم مواعيدها ..
     
    كل يوم فيه   تقريبا 3 عروض..
     
    عرض الساعه 7 مساء وعرض الساعه 10 بالليل وعرض الساعه 12 بعد منتصف الليل ..
     
    شنو فايدته اهي القطع تقريبا فوق 100 قطعه يصير عليها خصم ساعات يوصل فوق 50% يعني مره لقيت جاكيت كان 27 تقريبا صار ب7 !
     
    واغلب القطعه تصير ب2 و3 ..
     
    فتطلبين باقل الخساير يعني ب3 ويطلع مو حلو احسن من 10 !
     
    وكل وقت القطع تغير وكل قطعه في منها كميه محدده بالعرض ..
     
    في قطع تتكر وفي قطع لا !
     
    اسعار القطع حتى بالعرض مو ثابته كل عرض غير ..
     
    يعني القطعه ال2 اللي نفس اللي من زارا مره لقيتها ب2.700 دور الاسبوع بالعروض صارت ب3.900 دك ..
     
    طبعا العروض تكون موجوده قبلها بيوم بس اسعارها ماترخص الا لما يصير وقت العرض ..
     
     
    * الشحن*
     
    مجانا اذا فوق 30 دك ..
     
    بس اذا تبين الدفع عند الاستلام تدفعين مبلغ معين  اهو 3 دك  زياده سعر طلبيتج ..
     
    واذا وصل تدفعين اول كان 4 الحين ع حسب الجمارك ..
     
    *التسجيل *
    سهالات بس اتبعي الخطوات ..
     
    وبس ..
     
    كل اللي اعرفه قلته :)
    Sunday, November 6, 2016
     
    باخر شهر 10 نزل الفيلم الهندي بالسينما ..
     
    وانا اكثر شي احب بالسينما الافلام الهندي وافلام الرعب عقب الكوميديا ..
     
    الهنديه نحلل سعر التذكره الرعب اجوائه احلى بالسينما الكوميديا بكل مكان حلو سينما ولا بيت مافرقت ..
     
     
    ابطال الفيلم :
     
     
    Ranbir Kapoor
    باسمه بالفيلم ايان واهو و دميعه الفيلم ساعتين ونص اهو ساعتين يبجي خخ لدرجه اهو يبجي وانا ضحك عقب بجى اغلبنا ضحكنا ! المفروض دراما بس اوفر بجي ..
    هذا واهو غني لو حاكه الفقر جان ساعتين ونص بجي او لا الفقير من كثر ماسطرته الدنيا مايبجي تعود خخ مناعه ..
     Anushka Sharma
     
    اسمها بالفيلم اليزا خان واهيا اللي محليه الفيلم مع بودميعه بس ماعرفنا نهايتها !
     
      Aishwarya Rai Bachchan
     
    طولت يالله طلعت لدرجه حسبالنا داشين فيلم 2 !! احنا داشين علبو فيلمها يعني اهيا اللي بترتز باغلب الفيلم يمكن طلعت بنصه ودورهااا بسيط  لسمها صبا واهيا شاعره وهم طلع شاروخان ودوره انه طليقه يمكن طلع بمشهدين بس !
     
     
    Lisa Haydon
     
    اول ماشفتها قلت انجلينا جولي فرع بوليوود خخ ..
     
    دورها بسيط انها حبيبة ايان الاولى ..
     
     
    النوع:
    درامي, عاطفي
     
    كاتبين بكل سايتات انه دراما بس انا ضحكت فيه وايد خخ ..

    مدة الفيلم:
    152 دقيقة
    تقريبا ساعتين ونص ..
     
    قصته :
     
    بودميعه جرب الحب مع 3 بنات الاولى بنت مستهتره اتعرفون اللي شكل بس ماكو مخ وتحبه او بالاحرى ماتحبه تبيه عشان فلوسه اما ال2 فهي كانت صداقه وتحولت من طرفه لحب ! وال3 لما فقد حبه ال2 حاول يدور حب يديد معاها ..
     
    رايي :
     
    الفيلم ونيس بس النهايه كانت مفتوحه ماحب النهايات المفتوحه والفيلم احس لفوق 18 ..
     
    مو لمراهقين او يهال !

    Thursday, November 3, 2016
    تابع بوست المخمل ,,
     
    بس هالمره كولكشن من مانغو..
     
    ع فكره مانغو عنده شوبينغ اون لاين واذا كان الطلب فوق 20 دك يوصلونه ببلاش ..
    نبلش..
     
     
     (!)
     
    هالنفنوف اهو اللي بالصوره الاولى بعد ..
    Velvet dress
                           
     
     
     
     
     
     
     
     
     
     
     
     
    KWD25.900
    وفي منه لون 2 اهو النود ..
     
    (2)
     
     
     
     
    وهالبنطرون اهو اللي بالصوره ..
    Cropped velvet trousers              
    KWD35.90

    Colour:
    Maroon
     
     
     
    (3)
    Velvet blazer
                           
    KWD29.90

    Colour:
    Black
     
    (4)
     
    Velvet dress
                           
    KWD29.90

    Colour:
    Wine
     
     
     
    (5)
     
     
     
    Trims velvet jacket              
    KWD39.90
     
    (6)
     
     Velvet top
                           
    KWD9.90
     
     
    (7)
     
     
     
    Velvet blazer
                           
    KWD39.90

    Colour:
    Sky Blue
     
    وفي منه لون 2
     
     
    (8)
    وختامها اكسسوار ..
     
    شكلها باللبس,,
     
    Tassel velvet clutch
             KWD11.90
     
     
     
    باجي الكولكشن تحصلونه هني

     
     
    من ابرز هبات الشتا هالسنه راح يكون المخمل !
     
    عن نفسي هالخامه احبه هبه ولا لا البسها ..
     
    ومتالق بكل الوان العنابي والاخضر والحب الاسود والكحلي وهم بالوان الفاتحه مثل البيج والرودي حتى الاصفر حلو ..
     
    بنزلكم صور لشغلات عجبتني في سايت /
    vogacloset.com
     
    (1)
     
    لقينز اسود

    NLY Trend

    Velvet Leggings

    KWD 14,73
    Special Price: KWD 13,70 
    link              
     
    (2)
     
     
    عجيب ..

    Rare London

    Velvet Plunge Military Dress

    KWD 34,23
    Special Price: KWD 31,83
     
     
    (3) 
    اللون الاخضر يشوق بالمخمل ..

    New Look

    Velvet Bomber Jacket

    KWD 18,42
    Special Price: KWD 17,13
     
    link 
     
     
    (4)
     
    هم هالدرجه من البيج حلوه شرااااحه ..

    NLY Trend

    Velvet Suit Dress

    KWD 20,00
    Special Price: KWD 18,60
     
     
    (5)  
     
    مو بس بالستايل الكلاسيك هم بالسبورت بيكون موجود مثل هذا وفوق الجاكيت الاخضر ..

    PrettyLittleThing

    Harmanie Dusty Pink Velvet Hooded Dress - 6, Dusty Pink

    KWD 13,18
     
     
    (6)
     

    PrettyLittleThing

    Kaliah Emerald Green Velvet Twist Front Shift Dress - 4, Emerald Green

    KWD 14,76
     
    (7) 
     

    NLY Trend

    Velvet Trenchcoat

    KWD 14,73
    Special Price: KWD 13,70                
     
    link 
     
     
    الاكسسورات
     
    وهم راح يكون موجود بالجناط والاكسسورات والجواتي وانتوا بكرامه..
     
    (!)
     
     
     

    boohoo

    Saskia Embellished Velvet Headband - black

    KWD 2,64
     
     
     (2)
     
     

    Nly Shoes

    Velvet Pump

    KWD 23,69
    Special Price: KWD 22,03
     
    وفي منه اسود
     
     
      
     

    PrettyLittleThing

    Anahita Blush Crushed Velvet Creeper Trainers-8, Pink

    KWD 13,18
     
     
     
    باجي الشغلات تحصلونهم هني
    Monday, October 17, 2016
    كالعاده فقره بسناب تحولت لبوست ..
     
    الاغلب لاحظ انه جولي شيك ينزل قطع طبق الاصل من زارا ..
     
    وعشان اسهل لكم البحث واوفر وقتكم ..
     
    بحط لينك = رابط كل صوره تحتها ..
     
    بسم الله نبلش..
     
    (1)
    اول قطعه حيللل حابته ..
     
    سعرها بزار بحدود ال14 دك بجولي شيك
     
    K.D6.30K.D7.80 19% OFF
     
    والاسبوع اللي فات كان عليها خصم اقوى فصارت ب 2دك ..
     
    تحصلونها هني link
     
     
    حابتها لانها خامة شانيل اهي شتويه طبعا وحلوه مع سكيني اسود وكعب وقلوب لولو (قلب حب )
     
    (2)
     
     
    بزارا اعتقد ب12.900 دك بجولي شيك
    K.D8.40   هم الاسبوع اللي فات كان عليها خصم وصارت بحدود 2 او 3 ..
     
    link تحصلونها هني ..
     
    عمليه مع جينز او بنطرون اسود وحلوه للبنات الصغار تحت 25 سنه او اللي تحب البراتم مثلي ومثال ع ستايل اللي مالي خلق ..
     
    (3)
     
     
    سعرها بزارا 19.900 دك اما جولي شيك K.D6.60K.D8.40 21% OFF
    هم حبيتها وطلبتها عقب سنتين من مقاطعه جولي شيك لي وصلت اقولكم شلونها اذا اوك او لا !
     
    تحصلونها هني link
     
    (4)

     
     
    بزارا تقريبا 19 دك ب K.D7.20 
    ماحبيته جنه يهال متعافررين علي ..
     
    تحصلونها هني link
     
    (5)
    سعرها بزارا 11.900دك بجولي شيك K.D5.70K.D7.20 21% OFF
     
    تحصلونها هني link
     
     
    وبس شرايكم ؟؟
    Sunday, October 9, 2016
    هاللو ..
     
    هالسنتين هابه اشوف مسلسلات ..
     
    بس مو اي مسلسل اقدر اكمله ..
     
    عقب فتره ركود لقيت لي مسلسل ..
     
    اهو بنات العيله  غرامي هالنوع من المسلسلات  اللي تكون بطوله بناتيه - نسائية ..
     
     
     
    قصة المسلسل..
     
    عن بنات عايله بنات خالات تجمعهم مواقف مختلفه سعيده او حزينه .بدات القصه برساله لقتها خالتهم ملك فيها اعتراف وحده منهم لاحد عيال ملك انها حامل منه بزواج عرفي !! منو اهيا صاحبة الرساله ولمنو من عيال ملك من اول جم حلقه بيبين :) .
     
    واهو عباره عن 34 حلقه وانتاج 2012 ويقولون له في جزء 2 بس ماسوه ومتى يسونه ماقالوا !
     
    واهما 7 بنات العيله + في صديقاتهم وجناينهم..
     
    * ابطاله *
    الخاله ملك = ثناء دبسي:
    ماعندها بنات عندها 3 اولاد :
    -عصام : طليقته صبا (جيني اسبر) دكتور وطلقها عقب ماتغرب وتزوج من امريكيه وعندهم بنت ..
    -إياد أبو الشامات = احمد : متزوج ريتا (ديما قندلفت) محامية مسيحيه واهلها قاطوها عقب ماتزوجته لانه مسلم وعندهم ولد اسمه عبدالله ..
    - قيس الشيخ نجيب = وسيم : معد برامج سياسيه تنتقد اوضاع البلد وهالشي يعرض لتهديد من المسئولين واصحاب النفوذ وغير متزوج بس كانت تجمعه بعلاقه باحد ابطال المسلسل واهيا عليا (كندة علوش) واهيا صاحبة مجله ايفا اللي تشتغل فيها ساره واهما جيران ملك وعليا تزوجت من رجل مسن للتخلص من اضطهاد اخوها وابوها وعقب ترملت اهيا كاره للرجل وتهاجمه في مجلتها ..
    اخت عليا اسمها ايليا (تولين البكري) متزوجة وعندها 4 بنات وميته على انجاب الولد !
     
    اختها صباح (مها المصري ) وعندها 3 بنات :
    1- ديمة الجندي = هبة كاتبة مسلسلات  متزوجة وعنده ولد وتعاني من برود زوجها اتجاه مايعبر لها عن حبه بالطريقه اللي اهيا تبيها مثل ينسى عيد ميلادها يرد ينام ويحقرها ... الخ ..
    2- نسرين طافش= ساره اعلامية مذيعه برنامج اذاعي  وصحفية  :
    مخطوبه لرجل غني لايمانه انه اذا دخل الفقر من الباب بينط الحب من الشباك !!..
    3- كندة حنا = شهد دكتوره ومهتمه بالابراج الا مهوسه فيها بشكل غريب لدرجة يومها ومودها يتحكم فيه توقعات برجها !
     
    - نظلي الرواس = ميرفت بنت خالتهم اهلها مغتربين ماشفناهم بس في مشاهد لمكالمات بينها وبين امها ( غثييييييييييييييييييثه ) وريلها اغث اسمه فاروق(فادي صبيح) ونوعه واصل معارفه بكل البلد ع قولتهم واهيا مقتدره مادي فمنها الفلوس ومنه الواسطه !
     
    بنات وفاء :
    هم ماشفناه الا مشهد او 2 لا وذكريات بعد تتعافر مع ريلها اهيا منفصله عنه ومتزوجه 2 والريل هم تزوج 2 فالبنات كانوا متشتتين بينهم ليما كبروا وعاشوا بروحهم :
    - هويدا = ميرا او شجون مطربه وتعاني من مضايقة المعجبين توصل لي التهديد بالقتل !
    - قمر خلف =علا مضيفة طيران نظرا لمعاناتها واهيا صغيره ترفض الزواج ..
     
    - رنا صاحبة مركز تجميل وهم ماشفنا اهلها واهيا متزوجه من  مدحت (أحمد زاهر) مصري مطلق وعندها ولد ..
     
     
    هذي اهم الشخصيات بالاضافة الى باسم ياخور (موفق) وجورج و الدكتور هشام والدكتور خالد وكرم صديق وسيم وسالي ... الخ ..
     
    تلقونهم هني
     
     رايي:
    المسلسل زين واحداثه تشد والنهايه في بعضهم نهايته تكسر خاطر الا نهاية ميرفت ونهاية ساره ..
     
     

    Search

    Loading...

    About Me

    My Photo
    رورو الشخبوطه
    الكويت, قسم الاعلام:), Kuwait
    بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
    View my complete profile

    ايميل المدونة :)

    دايركت انستغرام 😁

    Followers

    Blog Archive

    انستغرام المدونة (roroalk)

    follow me

    My Blog List

    Ads