Saturday, October 5, 2013
هالمطعم رحت لها 3 او 4 مرات بس اول مره اجرب اقعد فيه العاده ياادش واطلع بدون لا اخذ شي ومره خذيت كوكيز لكن هالمره عوضت خخ ماشاءالله زين ماخذيت اللي يشتغلون معاي البيت ..
 
اول شي خل ارويكم الاجواء طبعا اهو مطعم مو يديد تقريبا صارله سنه فالاغلب يعرفه ..
 
انا حبيت اجوائه ريفيه بسيطه ..
 
 
 
وطريقة الطلب فيه مثل ستاربكس وكاريبو .. بس هذا جنه جمعيه تاخذ اللي تبيه معاك من الثلاجه وتودي عند الكشير تحاسب اذا تبي تاكل بالمطعم يسخنون لك الصمونه ويخلطون لك السلطه مادري اذا هالشي يصير للتيك اوي ولا لا ..
 
 
طلبنا ماشاءالله وايد شغلات حلو و شبس لاسبوع جدام خخ صج لي الحين ماكليت الكوكيز مع انه شاريته من 4 او 5 ايام ..
 
والشبس ماكلينا الا 1 لي الحين ..
 
خذينا سيزر بس ماحبيت انه الخس اللي فيه كويتي حلاته امريكي انطع للسيزر مو تفقق بس احب الخس الكويتي بسلطاتنا العاديه مو سيزر ..
 
وعموما طعمها زوين ..
 
وطلبنا صمونة برمزان اعتقد وهم كانت عاديه ..
 
اللي كان اجرام الحلو اهو مو شي يديد ولا غريب بس حبيناه :)
 
ولما بحاسب شفت الروكي رود جان اخذه بس ذاب قبل لا افتحه :( وعادي كليته خخ..
 
 
 
ماذكر الاسعار بالضبط بس التوتل طلع علينا 10 واعتقد 50 فلس :\
 
ماعطونا الفاتوره جان صورتها للبوست ..
 
عنوانهم ..
 
مدينة الكويت ( كويت داون تاون ) جبال الصالحية ...
 
بالانستغرام : @somedaykw
 
 
ومواعيد العمل ..
 
من 7 ص لي 11 م ..
 
 
 

0 comments:

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads