Sunday, September 29, 2013
ماشاءالله هالمصممه ماعمري تعاملت معاه اللي بين وبينها جم تعليق بسيط بالانستغرام ..
 
بس يعجبني شغلها ماشاءالله اناقة + احتشام ..
 
ووايد واايد قلدوها بس الاصل يبقى ع قولتهم ..
 
مع هذا يعجبني فيها انه ماتزعل اذا احد خذ تصميمها تقول عليه بالعافيه << رقي بالاخلاق والتصيميم << بعد بنت الفيحا خخ << يما ترا مدحتكم اذا وحده قرت البوست من خواتي خل تقولها ..
 
المهم امس نزلت كولكشن يديد ..
 
اكثر قطعه حبيتها وعادي اروح واتعنى عشانها هذي لدرجة قلت لامي عنها قالت شلون ايبها لج ؟ قلت بالفيحا تقول اي قطعه قلت اشوف لج ابيج من 8 ص عند بابهم خخ خاطري فيها ..
 
اللي بتاخذها عليها بالعافيه بس ها نتلابس خخخ ..
 

 
 
وهذا باجي الكولكشن ..
 
 
 
 
التفاصيل :
 
:00965-66903966
:Heba.bodahoum@gmail.com           
 

 الانستغرام : @heba_bodahoum

تحديث :
كولكشن العيد بتعرضه بيتهم ..

بيوم السبت والاحد 5-6 اكتوبر ..
العنوان الفيحا ق 4 ش49 م 8 ..
احب البي بي كريم وجربت وايد انوع :
 
كتبت لكم عن  تجاربي لـ2 منهم ..
 
 
و جم نوع شفتهم بس ماشدوني :
- وفلورمار بس نزلت عنه بالانستغرام ..
 
ملاحظة : الانواع اللي مذكور فوق اهي عناوين البوستات اذا حابه تقرين البوست ضغطي ع كلمة بتنقلج للموضوع الاصلي .

  واللي ماتعرف شنو البي بي كرين هالبوست بيفيدها اضغط هنا

واليوم بتكلم عن اخر تجربه لي مع البي بي كريم  واهو من ماركة Eveline واهي ماركة طبيه ..
بالسايت في وايد انواع بس بالكويت ماحصلت غير هذا واسمه Mattifying BB Cream
 
واهو متوفر بالونين :
- فاتح (لايت )
- متوسط (ميديوم )
 
ومخصص للبشره المختلطة الى الدهنيه ..
 
وفوايده حسب ماهو مذكور عليه 8 في 1 :
 
1-long-lastingly  ..
2-يغطي المسام ..
3- يغطي اللون الاحمر بالبشره ويخفف العيوب ..
4- ترطيب مكثف 24 ساعه  ..
5- ينعم وينور ..
6- يخفف أعراض التعب
7- SPF 15 يحمي ضد UVA / UVB
8- evens skin tone اتوقع قصدهم يوحد اللون ..
 
رايي :
كلون اهو اغمج من بشرتي بس انا احب الغامج :)
كترطيب ماكو عادي استخدم قبله مرطب ..
كتغطيه بالنسبه لي وايد زينه يعني اقدر اقول اهو اقوى تغطيه مقارنة بالبي بي كريم ال2 اللي جربتهم ..
 
سعره :
 
الاصلي ب8 بس انا خذيته ب5 لانه عليه عرض ايام معرض العطور ..
 
وين حصلته :
 
عند الوكيل في معرض العطور ومالقيته بمكان 2 غيره ..
 
عندي كتالوج قديم في رقم الوكيل اذا حابين اضيفه لكم ..
 


 
 
Monday, September 23, 2013
بالويك اند وتحديدا يوم اليمعه رحنا تريقنا بكافية بزه ..
 
ماتوقعت انه مبطل لانه هاليوم المجمع يكون مسكر الصبح ومايبطلون الا الكافيهات اللي تحت واهو بالدور ال2 فتوقعت حتى الباب الرئيسي للمجمع مسكر,,
 
بس اشوه طلع مبطل ..
 
 
 
تمينا ننطر لما يبطل..
 
وقعدنا ع وحده من الطاولات اللي برا ..
 
لما درينا انه في كباين جان نسال اذا في مجال نغير واشوه حصلنا لنا وحده فاضيه ..
 
 
 
وهذا طلبنا ريوق دسمان + سلطة بزه ..
 
رايي :
 
الاكل زين هذا مستواه مثل باجي الافرع ال2 >> لانه انسالت عن هالشي بالانستغرام ..
 
بالنسبه للمكان حلو ماشاءالله وحبيت انه موفرين الكباين ..
 
عنوانه :
الجهرا -مجمع اوتاد فوق ..
 
Twitter @cafebazza
 
الانستغرام : @cafebazza
Sunday, September 8, 2013
هالمطعم يابت لنا من وحده بالدوام (مغيره الاداره من جذي اشوف وايد فناتق ادارتي القديمه محد ايب غيري خخ داثرين او يسالوني يقولون مايعرفون ) المهم ذوقتنا الميني كور بان الكيك كان بنوتيلا وفي نوع 2 باللبنه ..
 
وجيكنا ع اكاونتهم وعجبنا وطلبنا منهم اول مره  هالحجي الاسبوع اللي طاف وصل طلبنا غلط كلمناهم وغيروه وايد حبيت اسلوبهم وكلموا زميلتي يتعذرون منها ..
 
اليوم لانه عجبني قلت لرفيجتي عنه ..
 
شغلاته غريبه بان كيك  و وافلز مو بس حلو هم في كموالح حبيت الفكره احب اجرب الشغلات الغريبه وهالسوالف اول مره اشوفها بالكويت ..
 
المهم طلبنا ..
 
مو انا مكلمته رفيجتي اللي كلمت كنت ابي اجرب بان كيك التيركي بس مو الميني الكور لا العادي بس ياب لنا هذا سالتها قالج ميني تقول ماثبت ..
 
هذا جربته قبل بالتيركي ماحبيته لانه فيه ماسترد :\ بس مع النوتيلا  لذيذ مع اني ماحب النوتيلا  ..
 
 
وهالطبق عباره عن درز من الميني بولز بان كيك يبونه بنكهتين من اختياركم ومعاهم صلصتين حسب الحشوات المختاره ..
 
سعره : 2 د.ك ..
 
 
وهذا وافلز الحلوم ..
 
حجمه باليد ..
 
سعره :1.700 د .ك ..
 
 
وحبات فلافل رفيجتي خاطرها فيهم ..
بعلبه 6 حبات مع طحينيه  ب150 فلس بس ..
 
رايي :
 
حبيت الخدمه ماشاءالله وايد يهتمون بالزبون وهالشي لمسته بتجربتنا الاولى ..
الاكل يوصل حار والمكونات فريش ونفس ماقلت ماشاءالله غريب ومميز مو مثل الدارج ..
الاسعار وايد مناسبه ماشاءالله ..
تجربه تكرر وتكرر وتكرر ان شاءالله لانه في وايد فناتق عندهم خاطري اجربها ..
 
 اكاونتهم بالانستغرام : @tartinekw
 
t
 
عنوانهم :
 
Mubarakia,behind Thouq shop
 
للتوصيل :
 
, for delivery call 22418171or wtsapp 97283570 , we are open from Sun-Thur ,7am - 4pm 
 
 
 
هالحمر يت لي صوغه من شروف رفيجتي اهما عباره عن ست في 3 حمر ..
 
بس اللي بتكلم عنها اليومه هالحمره ..
 
 
 
اسمها : Cherie Bow
رقمها : 356 ..   
 
تقريبا هذي اقرب صوره لقيتها ب google  لونها وتبين قوامها ..
 
 
 
لونها : تقريبا ع البيج - لحمي مادري شيسمونه بالضبط مااعرف وايد بالالوان خخ وخفيف مو وايد غني.
 
قوامها:
 خفيف اسميه زبده ..
 
رايي :
 
انا ماحب الحمر البيج بس هذي عشقتها (قلب حب ينبض ديور ديور خخ ) لمعتها وايد راقيه مو قليتر او شيمر لا جنها زبده رطبه ..
 
واهي من الشغلات اللي سالوني عنها ومدحتها علي رفيجتي وانا اثق بذوقها حبي ..
 
وبالنسبه للسعر ماعندي فكره لانه مثل ماقلت لكم فوق انها هديه ..
 
شكرا شروفه ماقصرتي دايما تحرجيني بكرمج :*
 
قبل اسبوعين تقريبا بنيه من بنات الدوام مدحت لنا ككاو و2 يوم يابت لنا منه تذوقنا ماشاءالله عجيب ماقاومت ع طول طلبت منه ..
 
اللي جربته منهم اول مره كان بنكهة sea salt ولون علبته اصفر (قدساوي ) جنه في نكهتين لونهم اصفر ..
..
 
ولانه عجبني خذيت منه 2 وع كلام صاحبة المشروع اهو التوب عندهم ماشاءالله  وخذيت نوع 2 بالكوكيز علبو بجرب شي يديد ..
 
الاسعار :
- سي سولت ب 3.500 د.ك ..
-الكوكيز  ب2.500 د.ك ..
-التوصيل ب3 د.ك ..
 
رايي :
 
النكهتين تقريبا نفس الطعم ..
 
بس حبيته :) لذيذ وخفيف وبسرعه يذوب << وهذا مو رايي بروح رايي اغلب اللي جربوه ماشاءالله ..
 
اللي ماحبيته سعر التوصيل يمكن لانه مع شركة ! بس وايد 3 دنانيير ع توصيل بين منطقتين كلهم بالعاصمه لو للجهرا اوكي عادي هذي اسعار التوصيل ..
 
اكاونتهم بالانستغرام : choco_bites 
 
للطلب :
 
To order call 60691884
 
 
 
 
Tuesday, September 3, 2013
انا كسلانه ادري :\ مادري شفيني ماسوي شي ..
 
هالبوست المفروض انزله الاسبوع اللي فات ..
 
المهم مريت محل مكياجي وشفت خصومات حلوه وتسوى ماشاءالله وعلى اغلب الشغلات..
 
 
وصورت لكم جزء منها ..
 
غرامي الشغلات اللي ع براتم اغلب اللي متابعين بالانستغرام يعرفون هالشي ..
 
ال2 اللي فوق اهما ست واحد لونه احمر وال2 وردي مكون من محدد وقلوس وحمره ومثبت وشغله بعد نسيت شنو اهي :\
اسعارهم قبل الخصم جنه ب13 وعقب الخصم صاروا 6 وشي ..
الطقم اللي تحت اللي ع يسار كتب لكم عنه هني ستايند - STAINED  ..
سعره كان ب 9.900 د صار ب6.900 د ك..
 
طقم قلوسات مااعرف جم كان بس صار 4.500 ..
 
حلوين كهدايا ..
 
وفي هالطقم بعد ..
 
وهالعطور يديد عندهم كتبت عنهم هني وهم مشمولين بالخصم ..
 
كان سعرهم ب4.500 د ك..
 
اللي شوقر صارت 2.200 د.ك ..
 
والككاو صارت ب 1.200 د.ك ..
 


بالانستغرام : @Mikyajy1

t

والسايت :LINK
 

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads