Monday, August 12, 2013
 
اول امس رحت مع اختي الصغيره نتغدا بهالمطعم وهالمطعم من سنين ودي اجربه من كنت ب23 وقلت بخليه لعيد ميلادي 24 بس ماله كتب وبرمضان كنت بتفطر فيه بس مادليته واذن :\ هالمره افتريت عدل واشوه لقيته ..
وموحافظه اسمه عشان اسال عنه اسميه المطعم الايطالي المقلوب خخ..
وصلنا
 
وفي قعدات خارجيو وداخليه..
 شوفوا اسمي منور بالصوره خخ..
 
المهم اخترنا الخارجيه لانه اشرح ..
 هذا المنيو ماشاءالله متروس من مالذا وطاب واطباق غريبه انا شفت اول جم صفحه واخترت جم طبق وماكملت المنيو عشان مااتهور :\
 
هذي الضيافه
 
وهذا اول طبق عباره عن قطع لحم وعليها صلصة وفوقه بطاط ..
 
وبيتزا ببروني هالصورتين من تصوير اختي الصغيره..
وهالطبق ربيان بالقسماط وعليه صلصه لذيييييذ برد المطعم عشان ماشاءالله ..
 
 
وهذي الفاتوره فيها اسماء الاطباق و اسعارهم ..
رايي :
 
الخدمة زينه ..
 
الاسعار مناسبه ..
 
الاكل اكثر من زين واطباق وايد ومتنوعه مثل ماقلت فوق ماشفت كل المنيو وبرد مره 2 عشان اجرب اطباق يديده وارد اطلب طبق الربيان مره 2 ان شاءالله ..
 
عنوانه :
Al Bidaa - Tel: 22 26 31 12
Al Hamra Luxury Center - Tel: 22 27 02 75
Grand Avenues - SoKu - Tel: 22 20 08 82

1 comments:

Anonymous said...

حمدي ربج ما رحتيله برمضان زحمه ومافي الا جم موظف يشتغل
تفطرت فيه قبل العيد بيوم اناديهم محد معبرني ابي ماي بفطر ما يابولي الماي الا الساعه 7
والاكل الساعه 8 يالله يابوه لنا ولا فوق هذا ناسيين جم طلب

الصج ينقال اكلهم لذيذ مجربته من قبل بس ما كثر ما تنرفزت يومها
ما حسيت بطعم الاكل

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads