Tuesday, July 30, 2013
قبل جم يوم  شفت كاتلوجهم واستانست انه بيبيطل عند ..
 
هالمحل من الماركات الماليزيه واعتقد مو متاكده انه هذا اول فرع له بالكويت ..
 
 رحت له يومين ورا بعض..
 
بس ماصورت وايد ..
 
 
ماصورت الاالجواتي وانتوا بكرامه ..
 
 
والكولكشن المتوفر اهو اللي بالسايت اشوه مو ستوكاتهم :)
 
هذا رابط الموقع هني
 
بالنسبه للاسعار:
 
الجناط من شي و20 د لي جريب ال90 د << هذا اللي شفتهم ..
 
الجواتي وانتي بكرامة اغلبه بالتعش اقل من 20 د..
 
والميداليات ب5 د..
 
اما مكانه ..
 
مجمع اوتاد - فوق - بالتوسعه - جبال كافيه بزه ومكان بست اليوسفي قبل جنه .. (سالوا اي احد يدليكم استغرب عند كل بوابه في نفس الرسبشن / الاستقبال والبنات يروحون ويقولون ماندل !  وينه ماشفنه اي سالوهم بيدلونكم مايقصرون)
 
 
Saturday, July 27, 2013
من اخر المحلات اللي بطلت عندنا بالجهرا تقريبا ببداية رمضان وصج احنا بحاجة للجمعيات لانه جمعيتنا ضيم و مركز التوفير اللي تبع مركز سلطان يبجي :\ وكارفور كان اكسبرس يعني صغير وفاضي وهم سكروه بس سيتي سنتر غير مبدائيا شرح ومرتب وكبير ماشاءالله ..
 
واهو يعتبر الفرع ال4 عقب اللي بشويخ والسالميه والضجيج ..
 
 
ومن الشغلات اللي بتكون فيه ..
مطاعم ومحلات ..
 
 
وهذي من المحلات اللي بطلت :) اهم شي دايسو حبي ..
 
واللي ماحبيته في صوب الاكل الجاهز اللي ينباع مولوخيه ونودلز وعيش وهالسوالف مثل البوفيه المصغر (مطعم ) ويبيع بالكيلو الاكل اغلبه شكله بايت و خذيت ملوخيه طعمها الله يزيد النعمه استغفرالله ..
 
موجود :
 
بسليل ..
 
 
وهذا موقعه الالكتروني : link
 
Monday, July 22, 2013
انا كجهراويه وافتخر صج مهجنه بس احلى تزاوج الحضارات الكويتيه خخ المهم استثقل الطلعه برا الجهرا والحمدالله كلشي قاموا ايبونه لنا و احنا كجهراويين نستاهل من يتعنى لنا ..
 
المهم امس كنا بماكس انا وخواتي وبطلعتنا مرينا الصيدليه ..
 
عاد شفت منتج من منتجات كورف جان اسال نزلتوها جان تقول ايي قلت بس هذا ؟ قالت لا الستاند موجود بس ماطلعنا جان ادرعم ورا الرف واصوره خخ ..
 
كاهو ..
 
وهذا بوستي السابق عنه (هني) وبنزل عن تجاربي عقب ان شاءالله ..
 
وين موجود ؟؟
 
بصيدلية الغانم بمجمع الصحاري (اللي فيه ماكس )
تدرون شنو احلى شي لما تيكم نقصه او هديه خاطركم فيها بدون لايدري الشخص اللي يابها انكم تبونها ..
 
هذا اللي صار لي مع هالماسكرا كان خاطري فيها وايد قريت مدح عنها ..
 
انه من اول مره تكثف وتبين الرموش جنها تركيب ..
 
بس مادري وين موجوده بالكويت اللي اعرفه انها بدبي فام غزغز رفيجتي الانستغراميه سالتني تبين شي من دبي قلت لا ماحب اوصي بس خواتي اشقهم شق بالتوصي والهدايا لستات طولي الله وكيلكم خخ..
المهم واهي هناك شفتها بالانستغرام بس مو اول مره لا كنت شايفتها من قبل قلت الله ابيها بس ابت مرؤتي وماوصيتها :\
 
لما يابت لي صوغه ولا موجود الماسكرا خخ استانست ..
 
وي جنه طولتها خخ المهم نبلش البوست ..
 
بالدوام اتحلطم ابي ماسكرا سنعه مابي احط مليون ماسكرا جان جارتي بالمكتب تقولي بسويلج مينشن عاد سوت لي ع هذي قلت عندي خخ شكله البوست ماراح يبلش ..
 
هالكلام والصوره  منقولين  من تاجره تبيعهم بالكويت هذا اكاونتها fajeralkuwait  << هذا للي يبونها بالكويت
 
ماسكارا السيلكون لتطويل وتكثيف الرموش بشكل مبهر وتعطي العين حجم اوسع واكبر تغنيكم عن تركيب الرموش لون الماسكارا اسود الي يختلف بينهم مفعول الماسكارا ..
ملاحظه : الماسكارا تجميليه وليست علاجيه
 الوردي : تطويل الرموش
 الاصفر : تكثيف الرموش
الازرق : ضد الماي 
 
ماركة : ليتشر 
 
السعر : 4 دنانير للنوع الواحد  
 
 للطلب عبر المسجات او الواتس اب فقط 69333113
 
تحصلونها بدبي اعتقد بالسوق الصيني بس مو متاكده ..
 
واخيرا بقول تجربتي خخ..
 
اللي جربتها الصفرا ..
 
رايي فيها :
 
عاديه انا رموشي خفاف عموما الشعره ناعمه وخفيفه :( اللي حبيت فيها راسها حلو لاطراف العين ..
ونتيجتها احسن اذا استخدامتها مع ماسكرا 2 تبين الرموش اكثر ..
 
شكرا ام غزغز :*
تذكرون قبل فتره نزلت لكم عن مشروع سعودي اللي يطبعون ع خدود البنات مادري العيوز المارشيملو وع الشكر هذا البوست هني ..
 
وانا احوس بالانستغرام لقيت اكاونت يشوق في وايد فناتق منها المارشيملو مو نفسه او تقليده بس نفس الفكره ع اسامي او هابي فيس ..
 
 
 
 مارشميلو الاسماء
٣٠ حبه مغلفه = ٥ دك
١٠٠ حبه مغلفه = ١٦ دك
 
وهم عندها قند او شكر ..
 سكر الاسماء
٣٥ حبه = ٤.٥٠٠ دك
          


المفروض البوست لي هني ويخلص بس ماقدرت ماشاءالله في شغلات تشوق وغصب وقفت طلعت من الاكاونت بكبره خخ عشان اوقف ..
           
 سله النقصه
مزينه بالورد الفوشي الطبيعي
بالاضافه الى ٤ قراش :
الكبيره ١ : بسكويت الدارسين
الكبيره ٢ ؛ بسكويت اليانسون
والقرشتين الاصغار فيهم ميني قرص عقيلي ( يمكن اختيار اي لونين )
الكميه محدوده
 
 
 
 
بسكويت الاظرف
حاليا متوفر بألوان جديده :
الاخضر
الاصفر
الازرق
الوردي الغامج
العلبه تضم ٣٢ ظرف
وكل ظرف يحتوي على قطعه واحده من البسكويت ( الطلب يكون قبل يوم او اكثر )
السعر = ١٢ دك 
 
 
ماشاءالله عندها وايد شغلات تشوق هذا جزء بسيط منها  ع قولتهم لمشاهدة المزيد هذا اكاونتها بالانستغرام  :
 
 

 للطلب واتس اب :
99591018

Sunday, July 21, 2013
كنت معزومه ع الافتتاح بس الدعوه يت لي ع اساس انه الصبح 11ونص تقريبا بس الافتتاح كان 9.30 بالليل بيوم 16 - يوليو ..

المهم مارحت له اشوه ولا جان خخ ابروحي احوس عند الباب ..

وامس كنت بالافنيو فمريته ..

هالفرع يعتبر الاكبر بالكويت ..

ولانه كنا مستعيلين وهم في ناس فصورت جم صوره ع الطاير ..


 تقريبا فيه كل الماركات اللي بسنتر بوينت سبلاش و جونير ولايف ستايل ... الخ ..

وفي ركن كبير لهوم سنتر ..

وشو اكسبرس موجود هذا ساعات احصل عنده جواتي لوقطه ورخيص قبل سنتين خذيت منه بوت ب8 جنه وايد سالوني عنه بس حسافه سكروا اللي بالجهرا ..
اشوه فتحوه بالافنيو وهم موجود بالري بسطرت ماكس ..

وهذا الركن الوحيد اللي صورته اهو صوب المكياج في اغلب ماركاتهم مثل لوريال وايزدورا ونوبا ..الخ ..
 
ماشاءالله شرح وكبير المره اليايه بروح له ع رواق وماخلي شبر فيه خخ ..
 
اكاونتهم بالانستغرام :landmarkq8@
 
وشكرا ع الدعوه ..
 
تحديث :
 
نسيت اكتب مكانه :\
 
اهو بالسرداب بسوق الذهب تحت كافيه ومحل الكاكاو دي براند
Friday, July 19, 2013
امس وصلتني هديه مفاجاءه من ندى بيوتي :)
 
وناسه احلى شي المفاجات 2 هديه تيني بدون لا اعطيهم عنواني بس هالمره يت لي مع طلب اختي ..
 
والهديه اهي مجموعة ندى للشفايف ..
 
يعني لغرامي البراتم ..
 
 
تحتوي ع 3 شغلات :
1- سنفرة : من مكوناتها شمع النحل الطبيعي وزبدة الكاكاو والشيا الطبيعية و نكهة التوت بالاضافه الى الزيوت والمكونات الاخرى ..
 
طريقة استخدامها : اخذ جزء بسيط منها ووضعيها ع الشفاه بحركة دائريه سريعه لمدة 5 دقايق او بفرشاة اسنان ناعمة ثم اغسليها بالماء وتستخدم مرتين باليوم ..
ونتيجته اهو نعومه من اول مره ..
 
2- مرطب الكولاجين : يحتوي ع زبدة الكاكاو و الكولاجين والزيوت والفيتامينات منها فيتامين e ..
 
طريقة الاستخدام : ضعيه طول اليوم وخاصه قبل النوم بعد استخدام السنفره ومع مساج دائري يساعد ع امتلاء الشفايف واعطائها شكل طبيعي جذاب ..
 
3-زبدة الشفايف : من مكوناتها زبدة الكاكاو والشيا الطبيعية و نكهة التوت بالاضافه الى الزيوت الطبيعية ..
تعالج التشققات ويعطيها لمعان و صحة ونعومة ..
 
وان شاءالله ابلش استخدمها اليوم وتفيدني وعقب انزلكم بوست بتجربتي ..
 
اكاونتها بالانستغرام: @nada_beauty 
 
واتس اب : 99499758
 
شكرا ندى :*
 
قبل شهر وشي رفيجتي يابتلي هالماسكرا نقصه لانها جربتها وعجبتها ..
 
 
رايي فيها ..
 
زينه بس عيبها وايد تتكتل وتلزق الرموش..
 
 وجيكوا على صور  اللي مستخدمينها بقوقل كتبوا عنوان البوست بقوقل (ysl shocking mascara) وشوفوا تجارب البنات ..
 
مشكوره صديقتي :*

Tuesday, July 16, 2013





توني ادري انه بودي شوب يسوي اصدار او لاين بالاحرى تغليف خاص لرمضان..
حبيت الفكره ..
ينفع قرقيعان :p
 
تحديث :
 
الاسعار :
اللي شفته الهلال اللي فيه زبدة ككاو حجمه عنون وسعره ب5 ..
والنجمه ب10 ..
 

- Posted using BlogPress from my iPhone
Sunday, July 14, 2013
اختي الصغيره تحب تسوي حلو ويوم الخميس كانت رفيقتي بالجمعيه فجيلنا لاطباقي وقلت لها اخذي اغراض لاطباقج ولانه مو بالها شي خمطنا جم نوع ككاو منهم المارس ..
 
وسوينا منهم طبقين سهلين ..
 
الاول: كرات الكورن فليكس ..
 
 
المقادير ..
 
نص قالب الزبده ..
3 ككاو مارس..
وكورون فليكس حسب الرغبه ..
 
الطريقة :
 
نذوب الككاو مع الزبده بحمام ماي دافي ..
وعقب نحط الكورن فليكس فيه ونكوره ..
 
رايي :
حبيته حااالي ..
 
الثاني : كيك ..
 
المقادير :
 
3 مارس
قيمر
كيك ككاو سارلي كيك ..
وللتزين اي ككاو تحبونه احنا حطينا مالتيزر - ارو- ام اند امز ..
 
الطريقه ..
 
نذوب الككاو بحمام ماي دافي عقب نضيف القيمر له  ونخلطهم..
نقصص الكيك ونصفه بالصحن وعقب نحط عليه خلطة الككاو ونزينه باللي نبيه ..
وعادي تاكلونه ع طول اذا تحبون الحلو حار ..
 
رايي :
 
هم والله زين وسهل ..
 
تسلم ايد خيتو :)
Saturday, July 13, 2013
قبل جم يوم وصلتني نقصه من marchelas_touch  لتجربة نكهاتهم اليديده المخصصه لرمضان وهذا عقب ماطلبوا من متابعينهم ترشيح ناس يثقون بذوقهم وانا بنت عمي رشحتني وحدي استانست خخ والحمدالله تم اختياري واختاروا هنوف البلهان ..
 
لما شفت الجيس من بعيد بيد المندوب قلت الله ورد حقي خخ اتغشمر مع رفيجتي لانه كل مايمر ورد انقول لنا ويطلع لا بس هالمره طلع صح خخ ..
 
وهذا عقب ماطلعت الاغراض من الجيس ..
 
واسمي الجميل :)
 
وهذي النكهات :
 
اهما 3 الاول رهش وال2 قمر دين وال3 تمر بالدايجستف ..
 
رايي :
 
حبييييت الرهش لدرجة اني قرمت كل الموجودين عساس محد ياكلهم غيري خخ ..
 
ووايد حبيت طريق التغليف والتنسيق صج ذربه ماشاءالله وبالضبط مثل مااحب ..
 
مشكورين ع الاختيار وع النقصه اكرمكم الله وشكرا بنت عمو ع الترشيح :*
 
للطلب :
من9-2 ظهراً ومن5-10 مساءاً
الطلب قبلها بيوم
مسج او وتساب على الرقم 55490003
انستغرام : marchelas_touch 
 
Saturday, July 6, 2013
قبل يومين دزولي مكياجي ايميل باجدد منتجاتهم  وشفت الايميل اول ماقعدت من النوم وكنت دايخه قريت برونز ورديت نمت اليوم ذكرته لما شفت اخر عروضهم بالانستغرام ..
 
جيكت ولا منتجات عن التان والبرونز غرامي ..
 
واهي مجموعة 22K Glowing Bronzing Powder
 
مكونه من 3 منتجات وتتميز حسب ماهو مذكور تمزج بين  مضادات الأكسدة وترطيب البشرة والخصائص الوقائية الموجودة في فيتامين A وزيت الجوجوبا ما يجعل من هذه المجموعة فعّالة وصحية على السواء:
 
(1)
22K Glowing Matte Baked Bronzing Powder
 
 سواء كنت ترغبين في تكميل مكياجك المألوف مع طلّة برونزية او إضافة بعض الإغراء على روتينك المعتاد، إليك بودرة للتسمير رفيعة الصنع باللون الداكن المطفأ اللمعة، تضفي على البشرة لوناً برونزياً خفيفاً وشفافاً للحصول على سمرة طبيعية من دون أن تسبّب اللمعان للبشرة. وهي مثالية ايضاً لخلق تأثير كفافي طبيعي.
 
(2)
22K Glowing Shimmer Baked Bronzing Powder
 
 
 المستحضر المثالي اذا كنت تريدين إضافة لمسة من الإغراء على طلّتك. تمنحك هذه البودرة المسمّرة أقصى درجات توهّج السمرة الصحية مع لمعة خفيفة التأثير! ضعي البودرة برفق على أجزاء الوجه التي تعمل الشمس على تسميرها بشكل طبيعي.
 
 
(3)
22K Glowing Sparkling Baked Bronzing Powder
 
 تضيف هذه البودرة الفاتنة والطبيعية كلياً رشّة من التلألؤ على الوجه والجسم.  وزّعيها على كامل الوجه، العنق والصدر، اليدين والرجلين – وفي أي جزء من الجسم تريدينه أن يتلألأ!
 
تجد علبة مستحضرات التسمير هذه رفيقها المثالي في فرشاةKabuki من مجموعة Girl’s Tools!
 
وهذي اخر عروضه :
 
 
 
يبيله امره اشوف اليديد والعرض يشوقون ماشاءالله ..



 
بالانستغرام : @Mikyajy1

 
t

والسايت :LINK
Wednesday, July 3, 2013
 
بالويك اند كنا انا واختي الجوز بالمارينا ورحنا نصلي ..
 
واستانست انه تعدل الوضع بالمصلى وصار حده مرتب ..
 
بس اللي صدمني التنانير اللي موفريننها للصلاة ..
 
هذي نماذج بسيطه منها ..
 ااولة متقطعه وال2 مقطنين !!
والعامله قاعده تتمكيج بالحمام وانتوا بكرامه :\
 
ليش جذي ؟؟
 
 
الحمرا اهو واحد من مطاعم الشيراتون الموجودين بغراند الافنيو..
 
قبل جم اسبوع عزمتنا اختي الكبيره ع الريوق فيه ..
 
 هذي طاولتنا ..
 
وريوقه عباره عن بوفيه بتشكيله كبيره وواسعه ومنوعه من الاكلات العالميه ع قولته فرنسي -تركي-هندي .. الخ وشرقي ..
 
هذي مفتطفات بسيطه من البوفيه..
 
 
وعندهم شغلات يسونها لكم خاصه عل الطلب مثل الفول وجنه الفلافل بعد واومليت والصاج ..
 
 
من الشغلات اللي كانت ع طاولتنا ..
 
فول و بان كيك وفرنش توست و كنافه وصمون ..
 
طبقي ..
 
الاسعار واوقات العمل :
 
رايي:
 
البوفيه مثل ماقلت فوق منوع كلشي فيه تقريبا ماشاءالله ...
الخدمة كانت ممتازه ..
 
واكرمج الله اختي :*
Tuesday, July 2, 2013
 
غرامي البيتزا وقريت وايد يمدحون هالبيتزا بالانستغرام قلت اذوقها يعني اذوقها وكل مره اتكيسل اروح السوق اخذها قبل جم يوم صادف رحت شرق جان اخذ لي 1 ..
 
واهي متوفره باكثر من نوع واكثر من حجم الدائري البيتزا الكامله او مثلثه كشريحه وحده ..
 
انا اخترت شريحة وحده من الببروني ..
 كحجم تعتبر كبيره وعجينتها رقيقه مو سميكه ..
 
وطريقتها :
توقعت انه نسويها عادي بالميكريوف تسخين ان كثر دقيقه طلع لا لازم فرن يتسخن فتره وبدرجة معينه وعقب نحطها لمده جم دقيقه ..
 
سعرها :
ب1,250 د.ك..


 
رايي :
 
ماحبيتها ..
طعمها اشكرا مو فريش جنه بيتزا هت بايته بالثلاجه ومسخنينها (مايندرا اذا احنا مو مطبقين طريقتها عدل ! مااعرف للفرن عطيت الخدامه تسويها )..
 
وهذا شي 2هم مو حلو فيها اهو الدهن :\
 
موجوده :
بمركز سلطان \سوق شرق- يم قسم الخضار ..
 
قبل اسابيع لقيت ستاندها برد تاغ الري وقالت لي دور الاسبوع تنزل ومر اسبوع و2 و3 والاستاند يصفر لي الحين ..
 
امس سويت جوله بالري ولقيته بلايف ستايل (تبع لاند مارك )
 
استانست .. ركضت خخ قويه .. بس ماخمطت :(
 
 
اول شي لفت انتباهي الحب الحب البي بي كريم ..
 
متوفر بدرجتين :
جربتهم ولا وحده ناسبتني رقم 1 ارحم رقم 2 طلع ابلق اموولح اشهب كلش ماناسبني ..
 
وماخذيته :(
 
ومالقيت سعره ولا في احد عبرني جان سالته ..
 
وبس خذيت بيس للشدو شفت بالانستغرام يمدحونه وانا محتاجته ..
 
هذي صورته من النت ..
 
لي الحين ماجربته ..
 
وسعره:
 بدينار ونص بس ..
 
كنت ابي حمره منه شفتها بالانستغرام بس ماحصلتها :(
 
والاسعار :
القيت نظره سريعه وخاطفه << احم احم
كانت تقريبا تبلش من 950 فلس لي 1.950 د.ك ..
 

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads