Monday, March 11, 2013
المفروض انزل هالبوست من زمان بس الكسل ومايفعل :\
 
هالبوست بمثابة بوست تكميلي لهذا البوست اضغط هنا
 
الكريم متوفر بدرجتين :
 
-الفاتح ,,
-المتوسط ..
خذيت الفاتح ..
-واللي استخدمته ومتوفر بالجمعيات  صنع بالمانيا
- الحجم  50 مل

-الفوائد مكتوب انه 5 في 1 :

-يوحد لون البشره ..

-يقلل العيوب والشوائب ..

-يعزز الاشراقه الصحيه ..

-يرطب 24 ساعه ..

-يحمي من اشعة الشمس الضارة بنسبة 15 SPF ..
 
 
*تجربتي *
 
الاستخدام :
 
استخدمه تقريبا بشكل يومي الصبح كبديل عن الفونديشن (كريم الاساس), و اخر فتره قمت احط فوقه بودر ..
 
القوام :
خفيف وفي لون مثل ماقلت فوق بدرجتين ونسبه ترطيب على الايد زين لانه ايدي ماشاءالله مافيها عيوب على الويه زوين بس افضل استخدمه مع المرطب مع انه الاغلب يقول اهو ترطيبه قوي بس انا لانه الجفاف بخدودي قوي فلازم مرطب ..
ومع انه جفاف بخدودي بنهاية الدوام احس يلمع صوبهم :\ حتى مع البودره ..
وفي ريحه ..
 
النتيجه :
 
كتعديل بالبشره ماشفت واهو بالنسبه لي مرطب بلون لا وترطيب بسيط بعد  وتغطيه خفيفه يعني مايغطي المسام او الحبوب او الالوان الغامج كاثار وغيره..
 
*رايي *
 
مثل ماقلت فوق ترطيبه بسيط و ماعدل بشرتي ولا فرقت علي منه مافكر اشتريه بس راح اكمل استخدمه ان شاءالله ليما اخلصه ، واللي حبيته فيه لونه فقط لاغير مقارب لبشرتي وتغير عن الكريمات الغامجه والتان اللي استخدمها دايما ..
 
سعره :
 
بكارفور سعره2.525
بمركز السلطان ب2.750..

3 comments:

GHADEER_BLOG said...

بوست حلو
انا جربت الدرجتين وخلطتهم مع بعض وجربته اكثر من مره
ماحبيته

كان المدح عليه جدا قوي بس صدمني مادري ليش
على اختي حلوو بس علي كلش لا

رورو الشخبوطه said...

ميك اب ..

في بنات قبت بشرتهم منا بعد..

انا حسيته عادي الى اقل من عادي ..

وشكرا ع الاطراء والمشاركة..

وعاش من شافج..

Anonymous said...

كله كلام فأضي وجهي سار زي السفلت بتسخدام اللادوية وكلها كلام فأضي

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads