Wednesday, December 26, 2012
لما كنت صغيره يعني ايام التعش ماكنت اعترف بالبلاشر :\ لانه خدودي خلقه حمر فكنت احط كريم اساس عساس اغطي لونه وعقب الجامعه ومع الاهتمام ببشرتي الحمدالله خف لونهم  بالاحرى راح  ومو بس جذي لما كنت اتمكيج لحفلة تخرجي للجامعه خلصت قلتا لاختي الجوز شرايج ؟؟جان تقول ويهج جنه مريضه حطي بلاشر حطيته قالت اي جذي زين ومع هبتي بالمكياج وقعت بغرامه ..
 
ووايد انواع جربتهم من بنات الدوام بس هذا اللي حبيته وطبعا اغلبهم حبوه معاي << مكياجنا سبيل حتى مديرتي استخدمته خخ..
 
 عندي 3 منه سويتلكم سواتشز ع الورق اوضح من ايدي ..
 
هاللون رفيجتي تقول جنه مال شانيل ..
 
 
 
رقمه 04..(مو واضح بالصوره)
 
بالنسبه لسعره :
اذا مخاب ظني 2.500 هالحروه لانه شاريته من 2009 بس يديد مااستخدمته الا هالفتره  ومن معرض العطور..
 
رايي:
 
الوانه حلوه وثابت يتم ماشاءالله وسعره رخيص بس توني جيكت بسايتهم مالقيت هالنوع :( والاهم مادري وين متوفره هالماركه قالولي بالبهبهاني ورفيجتي تقول اول كانت تحصلها باولادنا يبيله اشوفهم ..

لانه @dallyplume شوقتني ع حمرهم ومساعه احوس بسايتهم لقيت عندهم انواع واشكال من كحل لون << ان شاءالله احصلها...
 

وعلى فكره اهي ماركة ايطاليه مو شغل بوهناد :)

وهذا سايت الماركة Link

4 comments:

NewQ8 Bride said...

وين يبانعون ؟؟؟ امبيه انا ويهي كله اتوهق فيه اذا حطيت ميكب وايد شكلي مادري شلون و اذا خفيف شكلي مريضه

رورو الشخبوطه said...

نيو ..

مثل ماقلت بالبوست مادري والله بدور اذا حصلت اقولج ان شاءالله ..

جربي الخفيف بس حطي الوان :) بسكون وسط يعني اذا عادي عندج حطي حمر حمره او فوشي وايلاينر او بس ماسكرا..

او حطي شدو خفيف بس لونه حلو تركواز غستقي بنفسجي وحره طبيعيه بيعطي اضاءه للويه حلوه ..

Dally said...

يهبلون صج الاول يشابه بلاشر من شانيل
حبيتهم وترى تذكرت قبل يمكن 5 او 6 سنين اول شي استخدمته من هالبراند بلاشر مشمشي كنت احب لونه الطبيعي خاصه للصبح
المشكله انا ادماني عالحمر والبلاشرات ومن وراج شكله راح يزيد عدد البلاشرات عندي لووول
البراند موجود ف قطر ف اسوار السد وكاريزما ف اغلب مجمعات الدوحه ...

رورو الشخبوطه said...

داللي..

اي انا صايره احب البلاشرات والحمرا من زمان احبها ن كنت ياهل :)

وحلو محل كاريزما حبيته ..

انا عيزت ادورها مو محصلتها عندنا بشوف بهبهاني وان شاءالله احصلها..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads