Tuesday, November 27, 2012
 
السلام ..
 
انا باختصار كنت مااحب انزل ايميلات الدعايات عموما عقب قمت انزل اللي عاجبني منهم بس لييييييييييييييين صار لي اكثر من موقف معاهم خلاني اقول بس ستوب ماراح انزل عن شي انا مو مجربته اول شي بلوقي لي ساحتي الخاصه والحره اكتب فيها رايي بدون اي مجامله ..
 
اللي عاجبه هلا فيه والمكان مكانه واللي مو عاجبه هم حياه الله بس انسوا اني اجامل عجبني بقول ماعجبني هم بقول مو يعني هديه ولا عشان بلوقي ينشهر برتوتيك اجامل لا حشى عساه مانشهر بهالطريقه ..
 
بلوقي ع قدي حابته جذي مرتاحه فيه جذي ضايقوني وايد مشاريع اي من جذي قررت من جم شهر ماااانزل بوست نهائيا عن اعلان لاي مكان بدون لا اجربه مو القصد هديه الله ماكثر الهدايا والدعوات اللي رديتها ..
 
بس حبيت اقول هالشغله كنت قايلتها بالانستغرام قبل رمضان والحين اعيدها للي مو متابعني هناك ..
 
مو بس عشان غثوني هم بالاعلانات احس مافي تميز ببلوقي والمواضيع بتكون متكرره عكس التجارب الشخصيه لو كلنا نكتب عن نفس المنتج مستحيل تكون بوستاتنا متكرره كل بوست بيكون له طابعه الخاص وروح صاحب المدونه..
 
اعذروني بس هذا اريح شي لي ولكم ..
 
والله لايوريكم طناقري :)
 
والحاااااااضر يعلم الغايب .. 
 
وموفقين يارب..

4 comments:

NewQ8 Bride said...

والله هذا الكلام الصح و مشالله عليچ احس صج انچ محافظة على شكل خاص حق بلوقچ ، انا مشكلتي استحي :( و هالشي غلط صج احس ماكو مصداقية و بالعكس مشالله بلوقچ متميز و استمري

رورو الشخبوطه said...

نيو برايد..

هلا حبيبتي..

مشكوره ع التاييد..

بس انتي هم تقولين راييج صج بالتجربه وماتجاملين انا قايله لج رايي فيج وببلوقج بالصج ..

حبيبتي والله شكرا ن ذوقج..

AKKOON said...

عين العقل اختي ^^ ،

يعني مرات في ناس يبون اعلان و الشغله ألي اهم يسونها مو حلوه

فالواحد مو معقوله يقص على روحه ويكتب عن شي مو مقتنع فيه اساسا ،


يالله شهر وابطل المدونه مالتي ، بتسوين اعلان غصب مقتنعه مو مقعتنه هههههههههههه … اضحك معاج

رورو الشخبوطه said...

AKKOON..

مو سالفة شغلهم مو حلو في ناس توهقج وتحطج بمواقف بايخه :/

صج كششتني منهم ..

وشكرا ع التاييد..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads