Saturday, November 24, 2012
 
 
ذاك اليوم تقريبا الاسبوع اللي فات كنا انا واختي نتمشى بالافنيو ولاهيين بالسوالف ماوعينا الا هاللي راز ويه معانا ..
اهو: مساء الخير ..
احنا : @@ @@
والافكار تاخذنا وتيبنا جنه تنقال جذي ( انا حسبالي هدومي انشقت :/ واختي حسبالها لاني اشتطيت بالسوالف فحسي عالي واهو بيقولي قصريه) وطبعا ماردينا عليه
اهو : جزاكم الله خير قاطعوا قاطعوا
احنا : @@ @@
وعلبو انه راح قلت لاختي كملي كملي مالج شغل فيه ( اهي كانت لافه ) بكمل ولا اهو واقف يطالعنا ويتبوسم !! يما ..

لفينا وحقرناه :/
 
عسى ماشر ؟؟ ماتوصل المواصيل فيهم انه حتى بالمجمعات يكلمونا ( بغض النظر عن توجهي ورايي وتوجههم ورايهم اتكلم كمبدأ مايصير الا اذا كانو ماخذين تصريح من هالمكان بخصوص حملة توعية خاصه او شي من هالقبيل)
 
حلاته قايلته انقاطع الدنمارك ! عشان يقدم استقالته من الدنيا خخخ
 
ملاحظة :الصوره منقوله من جريدة الكويتية هني

- Posted using BlogPress from my iPhone

4 comments:

AKKOON said...

زين مارحتي بأحد الايام نسيت اي يوم ، جان عطوج تي شيرت ازرق وخلوج تلبسينه غصب ^^"

سواء الشخص بيقاطع او بيشارك

مو حلوه تقط نفسك على الاوادم

رورو الشخبوطه said...

هلا اككوون ..

وي بالله صغير يقلقصوني فيه خخ..

هذا اهو السالفه ماتصير جذي وين قاعدين حطولكم كورنر واللي يبي ايروح لكم بالمجمع ..

Anonymous said...

هههه حلوة الدنمارك

Kuwaiiitya

رورو الشخبوطه said...

كويتية..

:D

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads