Monday, October 1, 2012
من زمان كنت بكتب بوست عن التاكسي بس اللي بتايلند ( اليوم بكتب لكم عن تجاربنا مع التكاسي الماليزيه) :
 
 
الحمدالله هالسفره مااستخدمنا التكاسي وايد :
-بس اول ما وصلنا استخدمنا تاكسي المطار واهو مثل اغلب المطارات تكاسيها غاليه واهما كانوا موفرين اكثر من نوع سياره ( مرسيدس وسياره صغيره وباص صغير هذا اللي اذكرهم )
لما رحنا الكونتر مالهم بنحجز قلت لها وين بنروح وجم عددنا وعدد جناطنا عطتني سياره ب١٦٧ (احنا ٤ مع ٤ جناط) لما بنركب ولا سياره مرسيدس ! والدبه ماتكفي جناطنا:/ رحت كلمتها عطتنا باص صغير بنفس القيمه! انزين مدام السعر واحد ليش ماسالتينا ولا لانه خليجين بتنهبينا :/
طبعا السواق نفسيه اللي بالكونتر مالهم برا يناديهم ٢ مو راضيين ايوون ! (هذول سواق المرسيدس) ومحد ساعد اخوي بشيل الجناط!
اما مال الباص شال الجناط بس ودانا فندق اللي يمه سالته اتاكد نزرني (قطع) قلت بتاكد مامداني سالت لفيت الا رايح !
خدمه فاشله واسعار غاليه:/

التكاسي ٢:
عندهم التكاسي لونين في لونهم احمر وال٢ لونهم ازرق ( الحمر اغلب سيارتهم قديمه وعدادهم ارخص يبلش من ٣ رنجت)
اما الزرق السياره احدث بس اغلى العداد يبلش ب٦ رنجت..
طبعا نادرين اللي يرضون يشغلون العداد :/
بس احنا مانرضى نركب الا مع اللي يشغلون لانهم نهيبه اللي مشوار ٦ رنجت يحسبه ب٢٠!
والحمر من كثر ماهما قدم الدرايش تتبطل يدوي شوفوا (تاكسي الطيبين خخ)



وفي واحد ضحكنا سالنا بجم توصيل قال ٤١ انا حسبالي الرنجت عشان نكاسره فيه خخ طلع قيمه التاكس مال شوارعهم !
هذا غير اللي غصب بيودنكم جوله لمصانع ومحلات ورحل !
واللي ردينا معاه للمطار قال لنا احسن بدون عدد اخذ ١٥٠ واذا معاه يصك ال٥٠٠ رنجت طبعا شغلنا العداد ولا وصل ١٥٠!! ع فكره هذا دين :/
طبعا العداد للمطار له تسعيره جنه يبلش ب١٠ رنجت او ١١هالحروه ..
بس في منهم زينين مثل سايق شايب لما طلع حسبنا ٦ وكسور عادي قال مايبي الكسور بس عطيناه صج مبلغ بسيط بس زين منه احسن من ابو التاكس خخ ..

والبدائل اللي ستعنا فيها وفرت علينا ملاقة التاكسي المترو ، باص ، مشي ❤


- Posted using BlogPress from my iPhone

2 comments:

ماليزيا said...

شكرا عالتدوينه المهمه
فيه حركه استخدمها بماليزيا مع التكاسي
وهي اختار تاكسي يمشي بالغاز وليس البنزين
لان سعره بيكون رخيص
واستأجره اليوم كامل يطلع عليك ارخص

اتمنى اني افدتكم

رورو الشخبوطه said...

شكرا ع المعلومه اليديده ماكنت اعرفها ..

بس شلون نعرف؟؟

انا افضل حجز فندق موقعه ممتاز اريح في التنقل:)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads