Sunday, September 16, 2012
لازالنا بسلانجو ولازلنا باليوم الاول :\
 
بهالسفره قعدنا بفندقين  هذا اهو الاول :
 
 
اهما فندقين يم بعض ونفس الاسم وجنهم واحد بعد بس واحد خمس نجوم واسمه ينتهي اعتقد بكلمة spa واحنا فندقنا 4 نجوم و اسمه ينتهي Resort..
 
ماصورت فيه وايد بس صورتين برا وصورت غرفة الاوتي :\
هالصوره من تصوير اختي لغرفتنا ..
 
حبيتها مريحه ونظيفه وكرفايه (السرير) كبير والحمام وانتوا بكرامه في هوز ع قولته (شطاف  مادري شفاط حلاته تطلع ولا وحده خخ) ماصورته :\  وهالشي مو متوفر بكل فنادقهم غريبه ديرة مسلمين ومايهتمون بتوفير هالشغله بالفنادق :\
 
وفي بالفندق غرفة اوتي مره رحنا كوينا فيها ماكو غيرنا فاسمتعنا فيها ..
 
 
احلى شي الاوتي الوردي :)
 
ومن مميزات الفندق انه بمثابه مدينه (فندقين + مجمع + مدينة العاب )
 
 
هذا المجمع كتبت عنه بوست قبل لقراته اضغط هنا ..
 
اما مدينة العاب ..
مارحت لها لانه اغلبها مائية بس اخوي واختي الصغيره راحوا لها يقولون كبيره بس ع كلشي ياخذون فلوس المفروض يكون في سعر خاص اذا مو مجانا دخول لسكان الفندقين ..
 
وهذا موضوع عنها باحد المنتديات (link)
 
وبين هالمرافق (المجمع + المدينه ) وبين الفنادق ممر تقريبا نفس طريقة الاتلانتس بدبي ..
 
سعره :
احنا اقامتنا فيه كانت ليلتين (غرفتين) كلفنا بحدود 2500 او 2600 رنجت بدون الضريبه وبدون تامين ..
 
رايي :
 
مثل ماقلت الغرف زينه ومريحه ونظيفه وفي هوز وانتوا بكرامه بالحمام , وكلشي فيه مجمع والعاب فوايد اريح واوفر من عنوة الطريج والتكاسي ..

وحجزنا كان من خلا موقع بوكينق صفحته (هني)

2 comments:

Anonymous said...

احم احم.. كاشخه بأول تعليق
بصراحة أحب كل شي ب
Sunway!
رحتله بشهر العسل وكانت غرفتنا تطل على المدينة المائية،
الحمدلله كان اختيار موفق، فعلاً حسيت إني غيرت جو وتسوقت حبتين

رورو الشخبوطه said...

غير معرف..

اي حلو ومريح ..

وجامع كلشي يمه صح ينفع للهني مون :)

عليج بالعافيه وان شاءالله ايامج كلها عسل..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads