Sunday, July 29, 2012
سويته مرتين اول مره بالفرن
وال٢ بالميكرويف

المقادير :
بطاط نايس احمر (مالح)
جبن شيدر كرافت
جبن موزريلا
جبن قلاص
كريمه حامضه
كريمه مخفوقه (كريمه الحمرا)
نص ملعقة شاي شكر
نص ملعقة شاي ثوم بودر
طماط وبصل وكزبره (انا ماحطيتهم)
الطريقه:
اللي سويته حطيت بطاط بالبايركس و حطيت عليه جبن موزريلا ومعاه بشرت جبن الشيدر .
خلطت مقادير الباجي للصلصة وصبيته فوقه
.
.ومثل ماقلت لكم فوق مره حطيتها بالفرن ومره بالميكرويف بالفرن احسن بوايد صج الخدامه نسته احترق شوي بس احلى من الميكريوف ذوب البطاط وحرق لهاتي ..
رايي:
المقادير حطيتها كامله فطلعت الصلصه واايد اكثر من لازم يومين استخدمتها ل٨ جياس بطاط وماخلصت تم في شويه بعد ..
فاذا بسويها مره ٢ بقلل الكميه وبحطها بالفرن ..
واللي اذكره رايي اخوي اعجبه..

وهالوصفه تعلمتها  من  @kuwaiiitya  بعد عمري ماقصرت من العام واهي مضبطتني باطباق سنعه وسهل وفنتق ولذيذه ماشاءالله :*

- Posted using BlogPress from my iPhone

2 comments:

Dear Romeo said...

طلعت طريقتي غير عنج
انا اذكر اخذتها من كويتيات بس غيرت فيها وايد، لأنها صاحبة الوصفه كانت حاطه وايد اضافات احس من عندها ماذكر موجوده بالبطاط مال المطعم
ماذكر شكثر بطاط استخدمت بس اهوا تقدرينه بالنظر و هم كمية السوس على حسب رغبتج
انا طريقتي احط البطاط بماعون بايركس و اضيف فوقه الصلصه اللي تتكون من كريمه كي دي دي و قفشه بودره ثوم و قفشه جبن كرافت ، و ارش عليه من فوق موزاريلا و شوية شيدر و اخلطه مع مكعبات طماط و بصل بس لازم يكونون صغاااااار حيل صغار
بس شنو السر!! لما ادخله الفرن ماحط كل السوس عشان لا يذبل البطاط و يصير لين، و اخليه بالفرن لين السوس يصير ثقيل و يقرمش البطاط
و بعدين وقت التقديم تردين تحطين فوقه السوس

إن شاء الله ناويه احط الطريقه مع الصور بالبلوق، اذا حطيتهم بقولج
و ترى الطعم يطلع وايد مقارب حق بطاط المطعم

سوري طولت بالتعليق

رورو الشخبوطه said...

هلا دير..

ان شاءالله ناطره تطبيقج , وطريقتج مكوناتها ابسط من هالطريقه ..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads