شخبوطة كويتيه: اطباق اليوم (رول المرتديلا وكبة البيتزا )

Sunday, July 22, 2012

اطباق اليوم (رول المرتديلا وكبة البيتزا )

12:24 AM

امس طلعت لي جم وصفه من النت (سهله وبسيطه )من ضمنهم رولات المرتديلا ..

اهي الصغار اللي فوق ..

المقادير :

توست بدون الاطراف

مرتديلا

جبن شرايح

بيض

بقسماط

جبن قلاص عشان نثبت الاطراف فيه ..

الطريقه :

نفرد التوست بالفراده

نحط على التوست شريحه مرتديلا وفوقها شريحه جبن ونلفها

ونغمسها بالببيض بعدين بالقسماط ونقليها

بيكون شكلها جذي بايخ , بس لما نقصها تصير مثل اللي فوق وايد احلى ..

وحلات معاها صلصات تغميس ع كتر انا حطيت كاتشب تقدرون تحطون خردل \ماينيز \ صلصة سيزر وغيره ..

والحشوه هم تقدرون تحطون بدال المرتديلا ’ ديج رومي (تيركي) , او اي حشوه ناعمه مثل المسحب او نقانق مبشوره الخ ..

وبالنسبه لكبة البيتزا طريقتها نزلتها لكم العام هني بس غيرت الحشوة لي حشوة البيتزا المعتاده اللي قلت لكم عنها ( صلصة بيتزا جاهز مع زينو والفطر من العلالي و جبن مبشور و نقانق) << فكرة الكبه بيتزا ماخذتها من بيرو..

link الوصفات ..

ورايي :

فيهم زينين مو وااووخصوصا كبة البيتزا لانه حطينها بالفرن مو قلي اتوقع لو قلي الذ ..

وشكرا اخيتي اللي ساعدتني بلف الرولات وسفلت فيني بعد خخ..

Labels: اكل, مطبخ رورو :)

2 comments:

~أم حرّوبي~ said...: كنت بسوي اليوم نفس اللي سويتيه بس سنتدوتشات دياي بس قلت باجر بسويهم
يعطيج العافيه ^^; July 22, 2012 at 12:52 AM
رورو الشخبوطه said...: ام حروبي..

ان شاءالله لي جربتي بالدياي قوليلي..

الله يعافيج يارب..; July 22, 2012 at 10:34 AM

اطباق اليوم (رول المرتديلا وكبة البيتزا )

2 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads