Tuesday, June 19, 2012
الاغلب يعرف هالمحل واللي متخصص بمنتجات العناية بالبشرة والجسم والشعر (صابون ، سنفرات، كريمات...الخ) واللي يتابعوني يعرفون هوسي بهالسوالف..


بس هالمحل فيه عيبين :
الاول:
اسعار المبالغ فيها بالكويت مقارنة باسعاره بسايته الرسمي وبمحلاتهم برا يعني اللي عندهم ب٤ باوند بالكويت يصير ٤ دنانير يعني مجرد تغير العمله اما الرقم ثابت وكلنا نعرف انه الباوند نص يعني ٤ باوند =دينارين بس..
مره خذيت منه هديه سعرها تقريبا ٩ بالنت بالكويت تنباع ب١٨!!

العيب ال٢:
قاعدين ندفع الدبل تقريبا بدون لا نحصل مميزات تفرق عن اللي برا وتسوى وانه ندفع الفرق ..
اقصد التغليف اغلب منتجاتهم هذا تغليفها..

يلفونها بورقه عقب ماتكون مكشوفه قرن !
ولما بنستخدمه الورق مايكون عملي عشان نسكر مره ٢ لحمايتها من جونا الحلو..


مثلا هالصابونه اذا استخدمتها اسبوع زين دشيت الحمام وانتوا بكرامه حسبالي خلصتها بدون لا احس لانه حجمها صغر فجاءه !! اثر ذايبه و نصها بالقاع انقهرت ..كنت احبها..


هالديودنت ماجربته كلش بس كنت شاريته مع الصابونه السودا اللي فوق هم اخترب قبل لا استخدمه..

اما هالسنفره قصتها قصة هذي مغلفه بطريقه خاصه مو مثل المنتجات اللي تكلمت عنهم فوق ، تغليفها عباره عن قوطي بلاستيك وعليه ورقه ملزقه اذا بطلتيها ماتلزق مره ٢ ( مثل شكل قوطي الروب بس من تحت دائري)
طبعا تعقدت حسبالي سنفره عادي حاولت اطلعها بايدي مثل اي سنفره ماقدرت خفت ع اظافري وايد صلبه !! عقب لما طلعت من القوطي قلت اتفرك فيها مثل الصابونه وايد خشنه شلختني :/

ومره عطيت رفيجتي صابونة للشعر اعتقد ع حرفها هم ذابت!!

واللي اعرفه انه تغليفهم يكون هالطريقه للمحافظة ع البيئة حلو هالشي بس دوروا طريقه تحافظون فيها ع البيئة والمنتج بعد مثل اعادة تعبئة العلب مره ٢! ع اقل لدول الخليج بس احنا ندفع سعر مدوبل وجونا يختلف خلونا ندفع ع شي فرق وميزه ومنتج يتم ..
- Posted using BlogPress from my iPhone

6 comments:

memechii said...

بالعكس غرامي لش و تغليفهم جذي عشان يحمون البيئه هذا اكثر عاجبني فيهم و اسعارهم حييل زينه
و يبيعون حق صابونات و هل سوالف نفس علبه عنونه تشترينها عشان ماتذوب صابونتج .

رورو الشخبوطه said...

memechii

اي كتبت هالمعلومه بالبوست , واسعارهم مو غالي بس دبل برا !!

هالعلب موجوده بكل مكان حتي في بو اميه ..

بس المفروض تغليفهم يناسب بيئتنا انا مو ملزومه اشتري علب لكل منتج اخذ منهم !!

وهم كتبت بالبوست انه في حلول للمحافظه ع البيئة مثل اعادة التعبئة ..

وحياج الله..

Anonymous said...

اختي رورو..

صح كلام الاخت ميميجي اغلب منتجاتهم تتغلق بالهطريقة لحماية البيئة و احسن شي تسوينه انج تخزنينهم في جيس بلاستيك او ''sandwich bag''

بس عموما انا مع اني احب لش بلندن بس بالكويت ما اروحله كلش لوايد اسباب..

اولها السعر مثل ما قلتي ياخذون دبل!

و ثانيا الخدمه.. الموظفين بلندن يشرحون كل شي و مايخلونج تشترين شي بدون لا يعلمونج تستعملينه و يتاكدون انه يناسب بشرتج .. اما بالكويت بس يهمهم انج تشترين

و ثالثا الجو.. صح اغلب منتجاتهم تذوب بالكويت بس بره يتمون صلبين مع الجو البارد..

للاسف لش من اكثر المحلات الي ماتنفع انها تفتح بالكويت

Dear Romeo said...

اوافقج الراي
الواحد يتحسف على اللي شاريه ما يتهنى فيه بسبة طريقة التغليف

رورو الشخبوطه said...

غير معرف..
اي انا كتبت عن هالنقطة اللي اهي متعلقه بالتغليف وحماية البيئة بس في حلول ٢ بديله لحماية البيئة هم ذكرتها..
انا اول تجاربي ماكنت ادري انه راح يذوب وانه مو مناسب جونا حسبالي حاله حال اي منتج ٢..
وبالنسبه لتدبيل السعر ارضى فيه بحاله وحده انه منتجاتهم تكون مخصصه لنا احنا الخليجين اللي بيئتنا سوا اعادة فكرة التغليف او تضبيط المواد..
وسمعت انه برا مو بس ارخص هم في عروض وعروض قويه تسوى.
ينفع يكون محل شتوي :d

Anonymous said...

حبيبتي هذي اول ما تخلصين من الصابونه جيس نايلون وتحطينها بالثلاجه لانه جونا السونا العجيب ما ينفع لها

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads