Wednesday, June 6, 2012
من زمان كنت ناويه انزل بوست تقريبا من شهر ١١ لما شلته بس الكسل :/




وبما اني كسوله فالمفروض احط تقويم ولما كنت بالثانوية يعني ب٢٠٠٣ وشلت اول ضرس و الموعد ال٢ كان عرس بنت عمي فما رحت ، وتوالت الايام والاشهر والسنين وما راجعت طبيب الاسنان مره ٢ الا ب٢٠١٠ !
بس هالمره رحت خاص مالي خلق مواعيد وعبالة الحكومة ..
شفت اعلان عيادة فرجينا ورحت لها :




ودكتوري اهو د . خالد الكندري




وايد مرح وايده خفيفه ماشاءالله وشغله مضبوط ..

السبب اللي خلاني احط تقويم : ترتيب اسناني ..
مدة التقويم : سنة ونص تقريبا ..
ركبت الجهاز الدائم ب٢٩/٤/٢٠١٠ الى ٢٦ /١١/٢٠١١ ..
ام الجهاز المتحرك فمن يوم خلع الدائم لي ٢٦/مايو /٢٠١٢ البسه طول اليوم ماعدا وقت الاكل ، وعقب البسه طول عمري وقت النوم ..
والحلو فيه انه نوع المتطور اقصد المتحرك ..
هذا اهو كان شفاف :




اما بالنسبة للتكلفة ..
كلفني ١٢٠٠ ..
كل شهر ٥٠ ، واول موعد ٥٠ للاشعه والقياسات والسيور ..
عقب ١٠٠ للقواعد (٢موعد)..
وعقب ١٥٠ للتركيب الجهاز ..
و ٤٠ للتقويم المتحرك ..
وطبعا هالتكاليف غير شامله فتح الملف او خلع الاسنان ..

بالنسبة للالم :
اكثر شي عانيت منه السيور الاوليه اللي تكون مثبته باللثة واللي باخر جم شهر ومنوعه مره بالانياب كل نابين بسير اللي فوق مع اللي تحت فصدعت منهم او يننقطع بحلجي او يطير لما اركبه خصوصا اللي كان من الناب الي قاعدة ..
واما الجهاز ككل لا ماعورني عادي بس اول مره كليت صدعت وولي الحين مو متعوده اكل ع ضروسي اللي جدام ..

ميزة العيادة :
اسعارها زينه مره دفعت فلوس علبو علاج عصب بس الدكتور قال لاتكملين شلعي هالضرس حرام نفرط بالضروس الزينه ونعابل بالضرس التعبان وفلوس اللي دفعته ردت لي بس مو كاش خلوها لتكاليف الخلع ..
تقريبا كل شهرين يسون لي تنظيف ضروس ببلاش ( اللي لاحظته باجي العيادة مايسون هالشغله اختي ورفيجاتي حاطين بعيادات ٢ مايسون لهم هالشي )

وتقويم الشفاف لي الحين ماشفت احد غيري حاطه خخ ..
وتقويم ثابت دائم خفي ورا ضروسي ..

عيبها : وايد زحمة ماشاءالله فاذا طافني موعدي عادي يلطعوني شهر بس طبعا مع حنتي اخلي الموعد باجر !!
ومره باخر جم موعد تاخرت جم دقيقه لانه كان حزة صلاة مارضوا يدخلوني بس طبعا ماخليتهم !! تنحت وحنيت واستنفرت انا وامي فدخلوني بنات غيري مادخلوهم ..

- Posted using BlogPress from my iPhone

6 comments:

~أم حرّوبي~ said...

ويييه ذكرتيني بايام التقويم ..تدرين احيان انسى اني في يوم من الايام حطيت تقويم ..احيانا اشتاق له احس يعطيج لوك خخخخخ
بس الحمدلله

خلصنا ..انا الحين حاطه مثبت التقويم من داخل عشان يثبت مكان الاسنان

^^
يعطيج العافيه

Anonymous said...

اتمني اسوي تقويم بس ما تعرفين اذا التقويم الشفاف يكون
لحالات معينه يعني يكون بروز الاسنان بسيط او عادي ما تفرق
مشكوووووووووره

رورو الشخبوطه said...

ام حروبي..

انا من حطته وشاقه الحلج خخ..

اي حتى انا حاطة التقويم الثابت..

والله يعافيج يارب..

مرسي

رورو الشخبوطه said...

غير معرف..

ان شاءالله تحطينه..

التقويم الشفاف الثابت ماجربته بس اللي اعرفه انه مثل العادي بس فرق المادة فاتوقع ينفع للكل بس اهو اغلى من العادي..

العفووو ولو..

حياج الله..

Unknown said...

مرحبااا انا اول امس رحت العياده عيادة فيرجينيا و عند الدكتور خالد وحطلي السيور بس عندي تسوس لبعض الاسنان بس ما قالي عالجيهم حط السيور و خلاص انا سمعت قبل التقويم لازم اعالجهم عاد انا بعالج والسيور بحلجي و صج انا سالته دكتور احتاج خلع قال لا بس ضروس العقل الي فوق فيهم تسوس فاذا حشيتيهم وبالاساس صعب تنظيفهم فشلتهم

سؤال يصير اعالج السوس بعد تركيب القواعد

رورو الشخبوطه said...

اهلين

انا لما ركبت السيور كنت اعالج
ضروسي بس كان كلهم خلع لانه لازم اخلع 4 فشالوا المتسوسين عساس مااخسر ضروس الزينه ..

واللي اذكره انه لما حط السيور شافني مبلشه بحشوة ضرس فكلم الدكتور انه ماتكمل وتخلعه لانه مثل ماقلت لج فوق..

واتوقع يصير بس تاكدي من الدكتور ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads