شخبوطة كويتيه: مناديل طارده للناموس -Mosquito Repellent Wipes

Monday, April 30, 2012

مناديل طارده للناموس -Mosquito Repellent Wipes

9:58 PM

من العام لاحظت انه البق يتسلط علي من بد الكل بالكويت مايقصر فيني بمكانين ولا 3 مره وحده (مره بنص يبهتي اختي استلمتني كل كلمه وال2 انتي ودوار البدع اللي بيبهتج خخ) وحتى بتايلند بس هناك يتليعن بحزة النوم اقوم خدي وارم ولا صبعي ,,

يوم اليمعه رد لي لما بلش وتعبت منه تذكرت انه عندي كلينكس يوخره ..

هذا اهو ..

اللي ريحني انه مكتوب مكوناته مواد طبيعيه ..

اللي خوفني :

1-انه الحامل مايصير تستخدمه ..

ملاحظة : لقراءه باقي التفاصيل اضغط ع صوره تتكبر ..

2- لما استخدمته شفت لونه قلب محومر حسبالي لون بيجامتي (ينث ) امم بالعربي شنو امم يتسرب 1!! عقب اكتشفت انه صبغ اظافري اللي راح :\

هذا صوره الكلينكس استخدمته بعد نص ساعه كاسيتون (مزيل صبغ الاظافر) والصراحه مبدائيا حبيته عجيب يوخر بسرعه ونتيجة حلو ومايجفف الظفر واهو الكلينكس نفسه ما ينشف بسرعه ..

يعني اذا ماراح استخدمه كطارد للبق باستخدم كاسيتون :)

وبالنسبه لوين حصلته؟

لقيته بالسوق الحر بمطار دبي ..

اما سعره :

ماذكره لانه مخمطه وايد و مو انا اللي دافعه بس اذكر انه رخيص ..

Labels: beauty, اظافر, تايلند, تجربة, صحة

2 comments:

Dalola said...: شفته امس باللولو دبي وسعره بال20 درهم تقريبا ما تشجعت له الصراحة

http://dedicatedforever.blogspot.com/; May 5, 2012 at 6:21 PM
Dalola said...: شفته امس باللولو دبي وسعره بال20 درهم تقريبا ما تشجعت له الصراحة

http://dedicatedforever.blogspot.com/; May 5, 2012 at 6:21 PM

مناديل طارده للناموس -Mosquito Repellent Wipes

2 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads