Saturday, April 7, 2012
الاسبوع اللي فات تريقنا انا واختي بهالمطعم ..


المنيو

واحلي شي ام كلثوم ع المفارش الورقية ..

صوره جماعية لريوقنا مصوره كلشي بروحه بس مالي خلق انزل وايد صور:/



-التوست والزبدة ضيافة من المطعم ماجسناها..
-بانيني دياي (طلبي) ماحبيته متروس بصل وخضرا (شلتهم) وطعم الماينيز طاقي ..
-اومليت (طلب اختي) استغربت بس حاطين هاش براون ١ ..
-بطاط علبو شيرينغ وخيرتنا بين ٣ انواع عادي وبهالبينو وجنه بمايونيز وكاتشب اخترت الهالبينو علبو اختي تحبه انصدمت انه في ماينيز واهي ماتاكله:( هم ماحبيته وطعم الماينيز طاغي..

وحلينا بالبودينغ لانه خاطري اذوقه:

هم ماحبيته :( الككاو والكراميل من فوق زين بس عقب كله نفس العصيده :/.
وخذيت ماكرون هم لانه ودي اجربه:

هم ماحبيته كليت ربع وحده وخليته :/

الاسعار:
احس مبالغ فيها صمونه ب٤ ونص وبطاط ب٤ الا ربع!!!
وغير انه الاكل طووووول ياله يابوه لنا عيزنا واحنا ننطر مع انه ماكان في احد غيرنا بالمطعم ..
تجربتي كانت فاشله للاسف والمفروض ماتتكرر لانه اختي تشمتت فيني لسنه جدام اهي اهي ..

6 comments:

نزهاويه said...

وي حسافه تجربتج مو ناجحه
بس عموما المطعم وايد حلو انا احبه

عندهم مكرون نص مارشملو و نص نوتيلا عجيبه لازم اطلبها و عندهم ميني بيرجرز حلوين
و الجوكليت بيتزا لذيذه

Anonymous said...

غريبة ما اعجبج
مطعمى المفضل :)

Anonymous said...

والله انا معاج بالراي فااشل الريوق وخاصه فرع الافنيوز الاكل مو لذيذ الخدمه حدها بطيئه وفاشله

رورو الشخبوطه said...

نزهاويه ..

اي للاسف :(

ماانتبه الا ع الميني برغر بالمنيوو ..

اذا صدف وجربته مره 2 باخذ هالاطباق ان شاءالله..

مرسي..

رورو الشخبوطه said...

غير معرف 1..

اهو مو غريبه لانه الناس اذواق 2 اختياراتي غير موفقه :(

وحياج الله..

رورو الشخبوطه said...

غير معرف 2..

للاسف اتمنى يعدلون هالشغلات لانها تنفر :\

وحياك\ج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads