Friday, April 20, 2012
بعد شهر وشي ان شاءالله بشيل الريتيرنر وخاطري اسوي ابتسامة هولييود بس محد مشجعني عليها غير اختي ومااعرف دكاتره سنعين :\

المهم حاليا افكر بتبيض ضروسي كحل مؤقت ع مااعاج لثتي وع ما القا دكتور سنع ..


ابي بياض شاهق خخ مو العادي ابي لي ابتسمت الناس عيونهم تدمع ويتصددون  من بريق صفت اللولو :)

عندي هالتبيض المنزلي استخدمته مره وماعجبني طريقته تحطينه بالقالب ع كل ضرس نقطه يعل قلب قوامه جل ماينزل بسرعه وصعب اسوي نقط جربته مره  بس وهم اهو 4 ابر كل ابره اسبوع تكفي انا من اول يوم نص الابره مخلصتها خخ ..
ابي شي غيره اسهل ..

مابي تبيض ليزر مو صحي ولا اللزقات تاثر ع الضروس مو ناقصني واستخدمت معاجين مااستفدت واختي تقول هم مو زين !!

الحل الوحيد التبيض المنزلي ابي 1 سنع بس مو اللي فوق غيره..

جربتوا شي يسوى ؟؟؟؟

16 comments:

Anonymous said...

ابتسامه هوليود عند دكتور طارق بو رزق عيادة اسنان بس مكلفه بعض الشي اللي اهيا استخدام اللومينيرز و الفينيرز

تبين شي يبيض و بياض الحلو مو اللي اشكرة مو طبيعي عندهم قوالب منزليه من نفس العياده حلوين و عموما الاطباء ينصحون بالقوالب المنزليه دايما

Anonymous said...

اختي تبين الصراحه منتجات التبييض الموجوده في الصيدليات
او الجميعيات كلها تجاريه و ماتفي بالغرض و الهدف منها الربح
فالنتيحه محدوده و ليست مضمونه و حتى عند التبييض يجب الاستمرار
على المنتج مدى الحياه و صرف مبالغ من النقود !!

افضل حل هو التبييض عن طريق اخصائيين عيادة اسنان ذات
سمعه حسنه و ان شاء الله تكون النتيجه مرضيه و مضمونه :)

وياليت اضافه خيار التنبيه لورود رد على التعليق !

رورو الشخبوطه said...

هلا غير معرف..

اي هذا اللي مو متشعه له وهالسوالف كل دكاتره يسونها وعياده اسنان اغلى من غيرها ..

ابي بياض ناصع خخ والقوالب المنزليه عندهم اي ماركة اعتقد مثل اللي انا استخدمتهم :(

وشكرا ع الرد :)

رورو الشخبوطه said...

هلا q8marronglace..

اي مافي شي مضمون ودائم والاغلب يبيله استمرار ..

اي انا ابي عياده اضمن وعياده اسنان اللي سمعته اغلى من غيره واللي شفته انه امكانيتها مثل الموجود ..

مافهمت شنو قصدج بس بجاوب ع اللي طرى علي اهو موجود هالخيار OpenID مكتوب انه للور بيرس وفي هالخيار Name/URL هم ينفع..

وحياج الله ..

وشكرا ع الرد..

Anonymous said...

انا حطيت لومينير عند دكتور فاشل 1600 دينار الله وكييلج حاطلي طابوق مو لومينير قص علي الحرامي ولا تهنيت بهالضروس اسبوع وشلته بعياده ثانيه لان عشتو يقولي بيرفكت وكل من يشووف ضروسي يقولي شمهببه بضروسج صارت تخرع ودازه لي جدام وعويه بعد حسبي الله ونعم الوكيل فيه وقالي بيردلي فلوسي ويشيله عقب قالي لا انا ماقلت اني برد فلوسج ولا راح اشيله المصيبه انه دكتور كويتي
كل مااتذكر قلبي يعورني على بالي بتصير ضروسي لولو صارت سيراميك
حسبي الله ونعم الوكيل الله لا يوفقه من دكتور جذاب حرامي

ساره النومس said...

وحدة بتويتر قبل اسبوعين كتبت وصفات والحمدلله سجلتهم خل افيدج معاي ...

تقول :
نطحن قطعة خبز محترقة ونحط عليها نص ملعقة عسل وننظف الاسنان فيها عدل . وتبين النتيجة

طريقة ثانية : قشر البرتقال تفركين فيها اسنانج .


طريقة ثالثة : خلط ملعقة ليمون مع ملعقة كبيرة ملح وتفركين فيها الاماكن الصفرا باسنانج .

طريقة رابعة : استخدام قطعة قماش نظيفة ونحط ليها ليمون وتفركين فيها اسنانج

خامسا : حطي شوي عسل مع المعجون الي تستخدمينه بالفرشة وفرشي اسنانج فيهم .

وان شاء الله راح اطبق هالشي انا بعد

ساره النومس said...

بالنسبة للعيادات الحين في تنافس شديد بالعيادات بسوالف التبييض ةالتنظيف

اسنان يمدحونها بس غالية

رورو الشخبوطه said...

غير معرف..

الله يعينج ..

هذا اي دكتور ؟؟

ومشكوره ع الرد..

رورو الشخبوطه said...

طموحة ..

مشكوره ع الوصفات..

بعد يمدحون الفراوله يقولون تبيض..

http://www.q8yat.com/27635363-post20.html

بس ماجربته ..

ذكرتيني فيها بس شكلي بطبق العسل مدام متوفر ..

وبالنسبه للعيادات صاجه طالعين بكثره من جذي محتاره مابي اتهور ابي شي مضمون مجرب ..

مشكوره ..

LadyB_Q8 said...

Jarbay go smile, they sell it at Bayan dental a7san shay jarabta o
7r9ay you clean ur teeth at the dentist marrah kell 6 ash.her ra7 tla7'6een farg wayed !

i-FOUND said...

ا سايتهم شوفيه http://www.3dwhite.com/

رورو الشخبوطه said...

ليدي بي..

مو متوفر بمكان غير بيان ؟؟

و التنظيف حريصه عليه من سنتين اشوه وناويه اسويه الشهر الياي ان شاءالله..

مرسي..

رورو الشخبوطه said...

اي فوند..

قصدج عن كرست ؟؟

اللصقات مابيهمم والمعجون جربتيه ؟؟

ومرسي

arstatics said...

مافى افضل من السواك من وجهى نظرى ... بس استمرى عليه
دا اصح حاجه .. بس بياخد بعض الوقت

Ken Adams said...

اه والله فعلا مافيش افضل من السواك
لا كن فى بعض الحالات لازم تستشير طبيب ولا تكثر من عمليات التبيض من الاسنان لانها مع التكرار تضعف الاسنان

Anonymous said...

أنا انضحكم تستخدمو معجون سموكرز الي لونه ازرق مافي افضل منه للتبييض

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads