Sunday, March 18, 2012
اغلبنا يعرف هالكبل اسيل عمران فنانه سعوديه (مغنيه والحين اتجهت للتمثيل بعد ) واعتقد بدايتها بنجم الخليج ع قناة دبي , اما خالد الشاعر فهو مذيع بحريني بدايته عتقد ببرنامج ع قناة وناسه وحاليا يقدم برنامج صباح الخير ياعرب ع شاشة الـ mbc وله محاولات تلحين ’ بالاضافه لاشتراكهم برنامج الواقع هو وهي جزء الاول اللي انعرض العام ع قناة mbc..

الاسبوع اللي فات شفت اعلان لعدد اليديد من مجلة زهرة الخليج وابرز العناوين عن طلاقهم وصورتهم ع الغلاف ..

توقعت كالعاده انه المانشيت يكون للفت الانتباه يعني مجرد اختيار اكثر عبارة تثيروتشد الانتباه (بحكم تخصصي سابقا) او كاغلب المقابلات تكون مقلب موصج ..

بالصدفه حصلت المجله عند رفيجتي بالدوام فقريت الخبر وصورت لكم مقتطفات منه شدت انتباهي (للامانه الفكريه وحقوق النشر مانشرته كله)..



قصدي عن سوال اسيل عن عبارات الحب والغزل ..

رد خالد عن سبب طلاقهم ..

 تعليقي الطلاق لعبة !!!

يتحجى عن كلام ناس اذا كان متزوجين ومايتقابلونا اشهر فبيطلع عليهم كلام

اهني يسالونه عن الانجاب اذا كان سبب للطلاق..

وانصدمت من هالجمله اتخيل اسيل نجمه مو زوجه وام اطفال !!

رده اناني شنو البنيه لعبه !! مابيها اطلقها ابيها اردها !!
 عجبتني اسالت الصحفي بالصميم لانه ردوده مو منطقيه ولا عقلانيه..

وهني يساله عن اذا السن وعدم نضج سبب للطلاق , وهم عن انه طلاقهم تمثليه ..
 وانصدمت قلت مطلقين وصورهم جذي شايلها .. الخ ..
بس هالصوره من تقويم عرفت انها قديم لانه شالته ايام هي وهو وهم غيرت ستايلها مع جويل (توقعت ردت للقديم )

وعموما الصحفي سألهم اذا طلاق تمثليه وانه اهما صغار انا اتوقع اي لانه اهما من بداية زواجهم وكلشي ينشرونه بالاعلام عرسهم /اجهاضها/ برنامج واقع عن حياتهم عرضوا فيه تفاصيل مالها داعي !! , وبالسنه لسنه اتوقع بعدهم مانضجوا ع هالتصريحات :\

يمكن يكون كل هذا رغبه بالشهرة والتكسب الاعلامي بس مو جذي عاد !!

ملاحظة :التصوير ضيم ادري بس ع طاير صورت ولمشاهدة الصور بشكل اوضح اضغط عليها تتكبر..

3 comments:

Kawkawii said...

توني ادري من بوستج ان تطلقوا .. شفت غلاف المجله بس ما ركزت على العناوين .. احنا ما عندنا حق نتقد حياتهم
لكن الصراحه مثل ما قلتي "لعبه وتمثيليه"
اصلا الحياه الشخصيه من اسمها شخصيه اذا طلعت برى اختربت .. بس همهم يقلدون الغرب في سوالف الريالتي شوز
كفرصه للربح والشهره اذا ما نعرضت عليهم اعمال تلفزيونيه وغيره
..
ولا شوفي الاجانب .. كل يوم طالع حد جديد يسوي برنامج ريالتي عن عمره
>_>"

Anonymous said...

شوفي اختي والله احسها من قرائتي للخبر انها لعبة من لعبهم مجرد شو ..انا ما طلقت بس انفصلت ..
انا ابي ارتاح وبنرجع لبعض ..
كلها لعبة اذا طفا نورهم شوي ..
فرقعوا لهم خبر ..

Anonymous said...

واااي عقب ماعورتني عيووني وخلصت

جان اقرا اخر شي اضغط عالصورة تتكبر!! :/

والله ماهقيتهم يتطلقون مادري ليش


Kuwiiitya

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads