Monday, February 27, 2012

بعيد ميلاد اختي شاءت الاقدار انه نمر حديقة الشعب , خبري فيها اذا ماخاب ظني ب2004 ايام 4 ثانوي ..

تصدقون فرق علي الباب والتذكره خخ..

 لي الحين الدخله بنص بس زادوا ربع سعر الكرت ..

وصورت جم صوره للالعاب ..

هالعبيتين الاخطبوط و جبل الثلج اول لازم العبهم :\ مادري شعاجبني فيه خصوصا جبل الثلج تفتر ويفتر راسي فيها ..

 ولما كنت اصور جبال الثلج صارت هوشة بس مو معاي ولا جان حطيت  حرت الدوام فيهم خخ اللي صار اني صورت وقبيت واثناء القبه عرفت انه الريال معاه ولدين صغار ممنوع يدشون هاللعبه  حسب القانون لانه طولهم اقل من المطلوب  والعامل رافض يدخلهم والابو مصر فرفض العامل يشغل اللعبه وخلاها وراح ينادي الامن(معاه حق) بهالوقت الابو دخل عياله وقعدهم باللعبه وراح بيشغلها عابل فيها ماعرف :\ ليما يا الامن وكلموه ويالله اقتنع وطلع عياله استغفرالله :\

ونرد لالعابنا لعبت لعبتين :

الاول قليليبه وكانت فيلم انا خابره يوقفون اللعبه ونصعد مو نركض ونجلب بالباب وعقب نطب داخل !! حسيت اني بالمغاوير خخ..

ولعبنا الحصن وكانت كوميديا اكثر ..

اللعبه ترجخ ماي والحصان قعدت عليه جان ينزل قلت حشى انترتيكا مو رورو ولما اشتغلت اللعبه الحصن تصعد وتنزل الا حصاني انا واختي محلك سر الحمدالله طلعنا واهو صاغ سليم زين ماطبع فينا خخخ..

وكنت بقعد بعربة سندريلا اللي نزلت صورتها بالانستغرام بس كان الكرسي مبطط وجنه فيه ماي بعد فهونت :(

ملاحظة : اغلب اذا مو كل العاب حليه (رايح لونها) واللي الكراسي مشققه والخ الخ ليش هالاهمال !!!!!!!!!!!!!!

2 comments:

Anonymous said...

مالت عليهم
مادام الدخلة ب 750 والناس داشة وطالعة، قطوا فلوسكم على تصليح الالعاب
والله الديرة فاشلة بهالمجال
جان زين يسوون ديزني لاند عندنا ويشيلون الشعب والترفيهية

حنان

رورو الشخبوطه said...

لا الدخله بنص بس ربع للكرت سوا داش شخص ولا ١٠ بنفس الكرت وصح المفروض صيانة دورية وتجديد ملينا العال نفسها من كنت بالمتوسطة ماتغيرت واي لو يسون ديزني بعيد خخخ
ومشكوره ع الرد

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads