Tuesday, January 10, 2012
امس اكتشفت انه صار عندي نقص بالاسيتون ماكو الا 2 سائل ماحبهم عباله وكلينكس مايوخر عدل ..

فرحت المنصور بجرب اخر نوع عندهم وماجربته لقيت منه اكثر من نوع ..

خذيت هذا ..

 متوفر منه نوعين :

-وردي اللي بالصورة (بدون ايستون)
-ازرق (باسيتون)وتقول الحجيه انه اقوى من الوردي بس ماخذيته لاني ماحب ريحة الاسيتون ..

وفي منه حجمين:
-travel size  سعره ب750 فلس
-وفي حجم كبير بحدود 2.500 تقريبا مو متاكدة ..

فكرته مثل اللي من سيفورا ..


غرشة فيها اسفنجة اتدخلين صبعج فيها وتحركينه ويروح الصبغ (يعني جنه قفشه تحوسين فيها جاي خخخ)

تجربتي +رايي :

انا جربته الاثنينه الاول Calicoتوني شاريته ويبته معاي الدوام (عشان يجربونه البنات) وال2 اللي من سيفورا جربته بالدوام ..

وبعد تجربة البنات وتجربتي لاثنين :

كلهم نفس المفعول بس يميز الاول انه ارخص(لانه سعر اللي بسيفورا  ب3,500 تقريبا ) وعلى كلام البنات ريحته اخف (مع اني ماخذه الوردي اللي بدون اسيتون بس هم فيه ريحة ) .

ككل حبيته مريح :)

9 comments:

Anonymous said...

ween 9ayer elman9oor ?

نزهاويه said...

اكو عند بوتس
نفس مال سيفورا
عندي اياه بس ما جربته

purpleyah said...

ما ادري ليش يوم اجرب مزيل المناكير من الهاي اند ما يعيبني وما يشل المناكير مثل الاسيتون مال الدكان من الخاطر يشل المناكير بسرعه انتي شو تحسين بين الاسيتون العادي وهذيل اي الاحسن؟

رورو الشخبوطه said...

غير معرف..

له اكثر من فرع..

بسرداب الشايع ..

اللي اعرفه 2 بالجهرا
(منارمول ,الخيمة مول)

موجود بالفراونية يقولون بالعربيد بلازا..

والبنات يقولون موجود بسيتي سنتر السالمية بس ماشفته ..

رورو الشخبوطه said...

نز نز..

صح شفته بس ماجربته واغلى من اللي بالمنصور جنه..

وانتي صديقتي بالتكود..

رورو الشخبوطه said...

purpleyah

انا عكسج ماحب الاسيتون العادي واحب البادز وهم هذا حبيته اريح من الاسيتون العادي ونوعا ما ريحته اخف ..

hanan said...

نفس مالي اللي كتبت عنه قبل
بس ترا على فكرة يسود محيط الاظافر وانا ما لاحطت هالشي الا لما قالت لي امي

المنصور لهم فرع بالبيرق يم سنتر بوينت وفرع بسرداب الشايع

______

شلونج وشخبارج؟
انمسحت مدونتي بالغلط ومن القهر مابي ارد اسوي وحدة ثانية :(

رورو الشخبوطه said...

اهلين حنان..

وي صج :\

ومشكوره ع اضافة الاماكن..

الحمدالله انتي شمسويه ؟؟ عاش من شافج


امبيه شلون ؟؟

وفقدتج من غير شر..

حنان said...

بخير الله يسلمج
:)

بالغلط انمسحت لأنها كانت مرتبطة مع برفايلي على الياهو جنه

يا الله الحمدلله
مالت عليهم ما نبهوني ان المدونة مرتبطة

ما تفقدين غالي ان شاءالله

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads