Tuesday, January 3, 2012
اذا لاحظتوا قلت بوستاتي البيوتي لانه قلت تجاربي :( بس ناويه ارد بقوة ان شاءالله ..

قبل فتره جربت منتجين

الاول :White Night Body Cream



كريم تفتيح ليلي ..

استخدمته اكثر من مره تقريبا خلصت اكثر من نص العلبه بس ماحبيت ترطيبه , نوعه خفيف وبسرعة تمتصه البشرة وبنفس الوقت ماجنج متدهنه البشرة تكون باهته مو رطبه ونظره :\

بالنسبه لي اهم شي الترطيب لمنع الجفاف اللي ممكن يتحول مع الوقت لبقع غامجه وسواد (وهذا ترطيبه مو شي فماحبيته)

وكتفتيح ماستخدمته بانتظام عساس احكم ..

وشريت معاه :

صابونته



ماحب استخدم الصابون العاديه لجسمي متعبة السائل اريح واحسن سواء كنتيجة او استخدم..

فخليتها لايدي ونتيجتها كانت انه جففت ايدي بشكل كبير وكملت مع البرد  قرحت :(

خذيتهم من تايلند من محل beauty buffet

10 comments:

Abd-alrhman said...

السلام عليكم

طبعا انا مادري وش الطبخه
بس قلت غصب اسوي رد لج

شسمونه ع القوه ان شاء الله
وان شاء الله يكون افضل من قبل

بتوفيق ^_^
كنت هنا

fionkafied said...

لا تستعملين هالاشياء مالت تايلند ما يندرى عنها شفيها .. من فتره كنت اشوف مسلسل حق جسيكا سمبسون راحت تايلند وتعرفت على وحده تايلنديه هالأشياء مالت التبيض اللي عندهم الحمدالله والشكر سوى لها نفس البرص على جسمها

جربي كريم الليل مال
jergens
بتحصلينه في الجمعيات وايد زين
او جربي ال
bio-oil
موجود في بوتس

هاي المسلسل اللي اقولج عنه
http://fionkafied.blogspot.com/2011/12/price-of-beauty.html

Anonymous said...

هاااااي تبين نصيحتي حق ايدج شوفي في كريم اسمه لونا مال مصر وااااايد عجيب وفي جمعيات يبعونه جني شفته بالفيحاء بس أنا أخذه من مصر وهم في كريم اسمه يوريا كريم هذا تحصلينه بمراكز الجلديه الحكوميه والله عجيب أصلا أهو متخصص حق الجفاف والتقرحات وماتشوفين شر و

رورو الشخبوطه said...

اخوي عبدالرحمن ..

وعليكم السلام..

الله يقويك خخ..

شكرا..

واجمعين يارب:)

رورو الشخبوطه said...

فيونكا..

واي يما ..

عاد تارسه جنطة كل كريمات منهم !!

بي اويل كل ماقول بجربه اهون :\ والجرجنز جربت منه جم كريم حلوين ماشاءالله ..

شكل المسلسل حلو..

ومشكوره ع الرد..

رورو الشخبوطه said...

غير معرف..

شكرا ع النصيحه لونا جربته بس لريولي وبجرب يوريا ان شاءالله ..

Made n Q8 said...

ناطرين بوستات العنايد بالايد :)

purpleyah said...

هلا رورو

هالكريم يحتوي علي الفا هيدروكسي اسد وهو يشتغل علي ترطيب البشره من الداخل وبعد فيه نسبة تقشير بسيطه عشان جذيه ما حسيتي بفايدته هالنوع من الاسيدات يبين وياج علي المدى البعيد

رورو الشخبوطه said...

مدمد..

ماعندي :\ خخ

رورو الشخبوطه said...

اهلين purpleyah..

يبيله استمرار بس انا مليت منه..

ومشكوره ع معلومة

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads