Monday, January 9, 2012
كلما إروح أخذ مرضية يصير لي موقف أبيخ من اللي قبله وأغلبه مع الدكاترة ... 
 (1) 
مره دشيت عند الدكتور لقيت يأكل حب ويقط القشر على طاولة زين  ماحذفه بويهي ولما شافني قعد أيمع الحب
 !! 

(2)
 ومره رحت الدكتور هالحجي توه الشهر اللي فات أقوله دكتور معدتي تعورني
3مرات تيلي حاله غريبه أغلبها 
 حزت النوم قالي برد بس أخذي أدوية المعدة !!  
 
 (3)

وهم توه بعاشورا قعدت من النوم مو قادرة أمشي من العوار من ركبي وعقب وصل لي اخر ظهري ولا أقدر
 اجندس تعبت استغفرالله وخصوصا بالصلاة رحت أشرح  للدكتور توني بسم الله أقوله ريولي تعورني من ركبي
 لي ظهري قالي جم يوم مرضية تبين !!  
 
 (4)

ومره 2 ردلي عوار المعدة بأخر يوم بالسنة رحت الطبيب طلعلي واحد مطوع !
شرحت له سالني نايمة منقثة من الأكل قلت له لا قالي امبلى (هو معدتي ولا 
 
معدتك !! ) قلت متعشية قبل 8ونائمة جريب الوحده :/ قالي في حراره أو حارج قلت 
 
لا قال امبلى (استغفرالله غصب) قالي التزمي بهالدوية واذا ردت لج الأغراض تعالي
 
 نسويلج تحويل للمستشفى احتمال فيج جرثومة في المعدة :/ 
 
(5)
 
اليوم رحت الطبيب ولا اهو نفسه الدكتور<<مطوع (لا هلا ) قلت له أذني مسدودة 
 
ماإسمع شي فحصها بدفاشة اللي الحين تعورني :/ المهم قالي مإفيها شيء بنحولج 
 
للمستشفى (ماعنده إلا تحويل) يقيسون سمعج يعني 24سنة أسمع طبيعي فجاءة راح 
 
سمعي!! قلت له لما كان عمري 14أذني ال2نفس الحاله صار فيها وسولي قياس طلع
 
طبيعي وعقب سولي غسيل وارتحت ؛:/ قالي طيب الحمدالله ! 

و قلت له عن معدتي وانه 2 يوم انتكست مإسالني إذا خذيت أدويته قالي عادي يبنتي برد
 
واخذي أدوية مغص ، شنو أنا لعبة بيدك !! ولا فار تجارب !!
 
 
 
مصدر صورة هني

4 comments:

star said...

ما تشوفين شر أن شاء الله كسرتي خاطري :(
انزين انتي شرحي لهم الاعراض عدل كلها وحاولي ما تدخلين عند نفس الدكتور انا كله اسأل في المستوصف عن أسم الدكتور قبل لا أدخل ;)

نزهاويه said...

لووول شالدكاتره

مثل ماقالت ستار سألي عن اسم الدكاتره اللي بالمستوصف قبل لا تدخلين
انا كله اسوي جذي لان في دكاتره بمستوصفنا ما اواطنهم ما يفهمون :\

رورو الشخبوطه said...

ستار ..

الشر ماييج يارب..مشكوره

اي اشرح ساعات مايعطوني مجال هذي مو كل المواقف وساعات يعطيني طاف وساعات يالف اعراض غصب طيب يخليها فيني :\

احنا الكاتب دايخ وساعات مافي الا دكتور واحد..

رورو الشخبوطه said...

نزهاوية ..

اهو ساعات مافي لا دكتور والكاتب عندنا مايساعد غثيث :\

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads