Monday, November 28, 2011
اكره شي بالبرد السباحة ساعه يالله اتسبح واذا دشيت ماقدر اسكر الماي خخ ..

بس مع الفوطة السحرية ماقمت احاتي البرد خصوصا انه داري بعيده عن الحمام وانتوا بكرامة ..

اهي حسب ماهو مكتوب عليها (المنشفة السحرية ناعمة وسريعة التجفيف صحية للجلد والشعر ).

ومتوفر باغلب الالوان والاحجام والاشكال (عادي كبار وصغار ارواب كامله او نص .. الخ وفي للجسم ونوع للشعر )..

تجربتي:

اليوم اول مره اجربها :

وعندي 2  وحده كبيره للجسم و وال2 مخصص للشعر :

نفس اللي مكتوب عليها ناعمه وبسرعه تمتص الماي << هذا بالنسبة للمخصص للجسم اما اللي للشعر زينه بس مو وااو عاديه جدا,من جذي حبيت مالت الجسم اكثر..

وهم فيها ميزه 2 حجمها كبير و بنفس الوقت ماتاخذ حيز كبير بالتخزين مثل الفوط العادية ,مفيده اللي يكودون مثلي ودارهم تمشي من القش وللسفر هم نكود (هوس التكود)فيبيله شي ماياخذ مساحة ..

حصلتها :
بقطر بدوحة بارك , بس مدمد لقتها بمعارض الصينين اللي تصير بارض المعارض الاستهلاكي والهدايا وغيرهم ..

سعرهم :

مثل العاديين ع 50 ريال جنه امم تقريبا مو متاكده بحدود ال3 د.ك ..

5 comments:

captain khalid said...

اي .. هاي الفوط عندنا نحن فعلا تجفف بسرعة واااااايد زينة وتوفر مكان نفس ما قلتي ..

نحن خدينها من القرية العالمية ^^

تحياتي لج

star said...

لووول ضحكتيني على سالفتج ويا السبوح

انا مجربة الفوطة هاذي من زماااااان من سنين بس كانت بس حق الشعر علشان ينشف بسرعة قبل السشوار

الي ما عجبني فيها أنها اتسوي مثل استاتيكا حق الشعر وتخشنه ويتكسر ما أدري
حسيتها تضر شعري أكثر من أنها تفيده

رورو الشخبوطه said...

كابتن ..

خاطري اروح القرية العالمية وان شاءالله بمرها قريب..

حياك الله..

رورو الشخبوطه said...

ستار..

انا توني عرفتها بس دريت عقب انها موجوده من زمان..

مالت الشعر ماحبيتها مو مثل مالت الجسم..

انا شوشتي انفشت عسى مو منها خخ..

وحياج الله..

Made n Q8 said...

ايي حتى انا حبيتها

فكتني من سالفه تعالي نشفي نفسج بالفوطه،هذي بس تلبسينها وتنشف لج الجسم من الماي

خذيتهم من المعرض الاستهلاكي الروب الواحد على 5 kd

والفوطه الحجم الكبير على 3 اذا ماخاب ظني

ومالت الشعر من زمان مااذكر والله


و يعطييج العافية

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads