Wednesday, September 14, 2011

صارلي جم يوم استخدم هالمنتج ..

كنت ناسيته شاريته العام وحطته بدرج الكريمات وكنت ماخذه معاه فوم و تونر من نفس المجموعة وجربتهم اول ماشريتهم وماحبيتهم كلش نشف ويهي بشكل خايس وبشرتي تمت تحرقني و تحكني عقب يومين او 3 من الاستخدام ..
اما هذا حبيته :

- استخدمه سهل , طريقته مثل القلوس وفي راسين صوب يستخدم الصبح وال2 بالليل , وكنت احط على الدمل بس نقطة خفيفه..
-مفعوله وتاثيره سريع الدمامل الصغيره اختفت اما الكبيره عقب يومين تقريبا بلشت تخف بشكل كبير , استخدمته ع دمامل اللي بويهي ودمل برقبتي كان يعورني ماقدر احرك رقبتي من سبته بس لما حطيته عليها وايد ارتحت الحمدالله..
-حجمه مناسب صغير ينحط بجنطة عادي ..
-مدة صلاحيته 24 شهر يعني سنتين احب الكريمات اللي صلاحيتها تكون مدة طويله ..
-سعره رخيص مجربه كريمات نفس فكرته وجريب ال40 د.ك ومفعوله اقل من هذا ..

موجود :
ببوتس

سعره:

 ماذكرجم بالضبط بس بحدود الدينار - دينار وشي ..


الصوره عجيبه ماشاءالله وواضحة اوضح من تصوير بوتس منقوله من هني

8 comments:

maha said...

رورو مافهمت

هو حق شنو بالضبط ؟

رورو الشخبوطه said...

مها..

كاتبه انه استخدمته ع الدمامل..

lazy dazy said...

ثانكس على الرفيو ان شاء الله بروح اشتريه من بوتس واجربه

Anonymous said...

اها حلو هذا اشتري حق زوجي الدمامل ماذينه الحمدالله انا بشتري صافيه اخا عيالي يطلعون مثله ويع الدمامل لوعه

Made n Q8 said...

انا استخدم مال بودي شوب على جاي اخضر نفس فكرة الي حاطته انتي

يعطييج العافية

رورو الشخبوطه said...

ليزي..

ان شاءالله ماتحتاجين تجربينه:)

رورو الشخبوطه said...

غيرمعرف..

اذا متروس مو له..

هذا حق دمل و 2 اللي يطلعون فجاءه مو حق متروس المتروس له عنايه خاصة ومكثفه ..

رورو الشخبوطه said...

مدمد..

جربت اكثر من نوع وجربت من بودي شوب سنفرة الجاي الاخضر هم ماولمتني..

الله يعافيج يارب .

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads