Monday, September 19, 2011
جربت صابون مغربي .. صابون تونسي ..والعام عرفت نوع يديد اهو الصابون الافريقي  وقريت بسايتات مختلفه عن فوايده واللي جربته اهما نوعين منه:

الاول : الصلب ..


سعره :4 ..
رايي:
جربته جم مره لجسمي ماحبيته لانه ماحب الصابون الصلب للجسم استصعب استخدامه وارتاح للسائل اكثر وعيبه ينشف الجسم ..

الثاني : السائل

سعره :6
رايي :
توني مخلصته حبيته اكثر من الصلب لانه ماينشف الجسم مثله , وقوامه مو سائل مثل شور جل وشامبو لا بمستوى الصابون المغربي ومره استخدمته كخلطة مع صابون مغربي وحنه وليمون كان زين وميزة الصابون حتى لو بروحه ينظف عدل :)


وطلبت المنتجات من التاجره غراس وهذا سايتها

7 comments:

star said...

انا شريت الصابون الثاني الي كأنه جيل من المعرض ولي الحين عندي ما خلص استخدمه بين فترة وفترة صج وايد فيه رغوة بس عيبه ريحته

maha said...

انا ودي من زماان اشتري من غرااس

بس الاسعار ماتسوى الصراحه من اسعار امازون

نفس المنتجات بفرووق خياليه

لو تنزل شوي افكر اشتري من عندهم

اما الصابون الصلب الصراحه ودي فيه احب اللي ينشف الجسم
بعد ها ارطب على كيفي عشان اظمن النظافه

بالعافيه عليج

Made n Q8 said...

عليج بالعافية
الصابونه جربتها تنشف يبيلها كريم عقب بس زينه يعني

السائل حلو ماينشف بس هم احط عقبه كريم

رورو الشخبوطه said...

ستار..

اي ال2 احلى , تقدرين تسخدمينه بنص السبوح واخر شي تستخدمين جل شور تحبين ريحته..

وحياج :)

رورو الشخبوطه said...

مها..

بس اهي مقارنة بباجي التاجرات تعتبر تقريبا الارخص ..

جربي تطلبين ن امازون..

عكسي مااحب شي ينشف الجسم ..

والله يعافيج ..

مشكوره..

رورو الشخبوطه said...

مدمد..

اهو بجميع الاحوال لازم ترطيب عقب السبوح بس هم حلاته شي ماينشف..

والله يعافيج يارب..

purpleyah said...

هيه هالصابون على كثر ما سووا عليه ضجه فاليوتيوب اشتريته من سنه ولا عيبني رغم انهم يقولون انه زين للي فيه اكزيما بس ما اتخيل لانه ينشف

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads