Monday, August 22, 2011
احلى شي بتايلند كريماتهم خمطت لين قالت الجنطة بس وكليتها بالشحن و بحزت ترتيب قشي ماكفوا جناطي :\

المهم جنطة 25 كيلو 3\4 كريمات وصابون .. الخ من سوالف البيوتي..

استخدمت جزء بسيط منهم مع انه صارلي شهرين راده فيبيلي جرد قوي وكورس بيوتي اقوى ..

من اللي خلصتهم صابون لوكس وماحصلت نفسها بالكويت :\

خذيت نوعين :
الاول :bar soap


وال2 : Body Wash


رايي فيهم:

الصابونه ماحبيتها كلش وايد تنشف , الغسول ينشف بس مو كثرها وبالنسبه لي احسن منها والحلو فيه انه فيه منه اكثر من 4 احجام اللي خذيتهم الحجم الصغير للسفر واشوه ماخمطت وايد الا من الغسول , الصابونه اكتفيت بوحده ..

وهم احس ينظف عدل بس انا عمري مااستخدمته بروحه كل استخدمه مع الصابون الافريقي..

10 comments:

i-Found said...

احلى شي انه عندهم احجام صغيره كلش حق السفر انا كنت اخمط كريمات بوند حق الويه الحجم الصغير مال السفر حدهم اينعمون ويصفون الويه

Now or Never said...

لا تشترين من لوكس تنشف الايد لانه فيها عطور

اي شي عطري مو اورجناك يسبب جفاف للبشرة هذا غير الحساسية مع الوقت


تهبل تايلاند وبضايعها :)

Dear Romeo said...

والله يحق لج تخمطين، مو كل يوم تحصلين هالشي
مادري ليش بالكويت مافي وايد خرابيط جذي
الواحد يتحسف لي خذا له من بره الديره شي و طلع زين و خلص و ما حصله هني

Made n Q8 said...

يعطييج العافية

الصابونه للحين ماجربتها وترى الصابونه لقيت منها عند بو 100

والشور جل واايد عجبني تحسين صج في نسبه كريم ماينشف

رورو الشخبوطه said...

فوند..

اي تشوق احجمهم وبوند شفته بس ماخذيت منه :(

رورو الشخبوطه said...

ناو..

اي ان تجنب المعطر عموما واحب الطبيعي بس لابد نخمط شغلات 2 :\

حدها عجيبه :)

رورو الشخبوطه said...

رميو..

حلو التخمط بس ع سنع مو مثل للي سويناه :\

رورو الشخبوطه said...

مدمد..

الله يعافيج يارب..

وامبلى البودي وش ينشف بس مو كثر الصابونه..

purpleyah said...

هلا شخبوطه

انا العام سرت تايلند وخميت من الصوابين والللوشنز حق الجسم ولين يومج باجي اغلبهم لاني ما حبيت ريحتهم حسيت ريحة فلبينيات فعطيتهم الشغالات فالحين يوم بسير عرفت بالضبط اللي اخذه واللي ما اخسر بيزاتي عليه واذكر قريت موضوع حق وحده تمدح نسكافيه ٣ في ١ اللي ينحف وخميت ما اذكر كم يمكن ٣٠ كيس ويوم جربته عقب ما رديت بوظبي يلوع بالجبد مول ما عيبني بس اختي وايد عيبها جان اعطيها اياه ٫٫٫٫ شو بعد ٫٫٫ عيبتني سوالف واتسون ٫٫٫ جهاز كوري حق الويه بالذبذبات وكان غالي على الف درهم تقريبا واااايد عيبني بس لين يومج هذا ما استخدمته بس مستانسه انه عندي :)

رورو الشخبوطه said...

اهلين بربل..

مثل حالتي ن لي لحين ماجست اغلبهم :\

في محل اسمه عند فناتق اكيد تعرفينه اسمهbeauty buffet

وفي جمعيه بالسنترال ورد الدور ال7 فيه شغلات حلوه للبيوتي والسبا حبيتها .
واتسون صيدليه مثل بوتس صح ؟

جني دشيتها :\

انا عجبتني هدومهم بس مقساتهم غريبه
: \

وتروحين وتردين بالسلامه .

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads