Sunday, August 21, 2011
هذا 3 طبق سويته يوم الخميس وهم علمتني طريقته @kuwaiiitya

بسرعه بسرعه سويتها ع طول من الجدر لي بطونا خخ ولانه اذن فما اهتميت بالتزيين ,واني اسوي خلال نص ساعه 3 اطباق يعتبر انجاز بالنسبة لي ماشاءالله طبعا اختي ماقصرت وساعدتني ..

المقادير :
-معكرونيه
-صلصة المعكرونية الجاهزه من العلالي ..
-كريم حمره
-تباسكو
-موزاريلا

الطريقه باسلوبها:

-سلقي الباستا وخلطي هالمكونات عالنار : علبة صلصة المعكرونية بالزيتون والمشروم جاهزة ١ كريمة حمرا رشتين تباسكو
وعقب ضيفيلهم الباستا وخلطيهم وضيفي شوي جبن مع الخلط صفيها بالبايركس وفوقها موزاريلا بس هذي حلاتها قبل الفطور بشوي تسوينها عشان ماتنشف..

اراء المتذوقين :

انا ماحب البنك باستا بس ذقتها وكانت زينه بس حسيت شوي ماصخه فزدتها جبن موزاريلا  البودر  ,وغلطت اني ماحطيت ملح شويه مع الصلصه مع انها قالت لي و انه ماكثرت الجبن بس هالغلطتين بسهالات رقعتهم :) , واهلي عجبتهم ماذكر رايهم بالضبط بس خلصوها عقب السحور كان في شويه بس ..
وحبيت انها سهله :)

والحين ودي اتعلم شلون ازين الاطباق :)

12 comments:

Kuwaiiitya said...

عليكم بألف عافية (:

Made n Q8 said...

علييكم بالعافية

يسلموو الايادي

~أم حرّوبي~ said...

بالعافيه على قلوبكم ^^

i-Found said...

تسلم ايدج وعليكم بالعافيه وااي شهيتيني بمالت جوكليت بار

iMaGiNaTiOn said...

طبعته علشان اسويه

purpleyah said...

هلا شخبوطه

شو هي الكريمه الحمرا؟ انا اعشق الباستا ادمان عندي للباستا
تسلمين على هالوصفه بس خبريني شو هي الكريمه الحمرا

رورو الشخبوطه said...

كويتيه ..

الله يعافيج يارب..

ومشكوره ع الوصفات :)

رورو الشخبوطه said...

مدمد..

الله يعافيج ويسلمج يارب..

مرسي..

رورو الشخبوطه said...

ام حروبي..

الله يعافيج..

مشكوره..

رورو الشخبوطه said...

فوند..

الله يسلمج ويعافيج يارب..

شهوة العافيه لاغلب يمدحها ..

رورو الشخبوطه said...

هلا اخوي iMaGiNaTiOn

ان شاءالله تسويها وتعجبك :)

رورو الشخبوطه said...

اهلين بربل ..

اهي منتج من كي دي دي ..

هذا صورته اهي لونها اابيض بس احنا نسميها حمرا لانه قوطيها القديم لونه احمر :)

http://www.lakii.net/images/Dec06/umaziz_huwH1Q.jpg

والمراعي نزلوا منتج شبيه فيها..

http://www.andalusiaexpress.com/images/AlMarai_WhippingCreamPremium500ml.jpg

ويمكن في شركات 2 منزل منها بس هذيل اللي جربتهم مكتوب عليهم كريمة الخفق ..

بس اللي كي دي دي حجمها من 250 مل و المراعي 500 مل ..


والله يسلمج يارب..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads