Friday, August 12, 2011
اليوم سويت طبقين لاهلي الاول هذا اهو وكان من تاليفي (دامجة اكثر من طبق) ..


المقادير :

جيس توست ..
جبن قلاص..
قيمر..
جبن موزريلا ..
نقانق..
بطاط..
كريمه ..
ماجي ..

الطريقة :

-نشيل حواف التوست ونصفه كاول طبقه بالبايركس..
-نقص النقانق , ونقصص البطاط ونقليه ,و عقب نحطهم بطابي (مقلاة) ونحط معاه كريمه وشويه ماجي ونحركهم شوي ع نار هاديه.ولما يخلص نحطه ع التوست ويكون الطبقه الـ2 ..
-نغطي الحميسه بتوست وهذي اهي اخر طبقه..

الصلصة :
نخلط القيمر مع جبن القلاص ونصبهم فوق التوست و نرش عليه جبن موزريلا ..

رايي :

انا واختي زينه بس ثقيله ..

اخوي يقول ممتازه و الجبن يقصد الخلطة مضبوطة لا مالحة ولا ماصخة, وانه المكونات اللي فيها يحبها :)

احس اني انجزت :)

اللي يعرف اطبق سهل وفنتق يفيدني :)

16 comments:

AM.SA.CHANNEL said...

الصراحة شكلها تشهي و ياليتني ماعرفت الخلطة

لأني ما آكل جبن قلاص و لا أحب النقانق

بالعافية

خدمات البحث العلمي said...

الله شكله لذيذ

تسلم ايديك

رورو الشخبوطه said...

شانيل..

لا عادي مو شرط تتقيدين بالوصفة..

يعني الصلصة تقدرين تغيرينها و تغيرين الجبن لي جبن كيري او مثلثات مثلا ..
ماجربته بس اتوقع تنفع ..

والنقانق او الحشوه بكبرها تتغير حسب ذوق الشخص تقدرين تخلينها دياي , لحم مفروم , خضار ..

والله يعافيج يارب..

مشكوره..

رورو الشخبوطه said...

مبدعه..

الله يسلمج يارب..

مرسي..

~أم حرّوبي~ said...

تدرين كان فخاطري اشوف شي من طباخ ..ذكرتيني باكله سويتها الاشبوع اللي طاف وكلهم بالبيت حبوها يسمونها كرات بالبطاطا بالباشاميل
والدياي ^^

ويعطيج العافيه ^^

Made n Q8 said...

مشالله شغل عدل يسلموو الايادي

Ω Suki Candy Ω said...

يمي يمي عجيييبه الوصفة يا رورور هاذي الوصفة من تاليفج؟؟

اذا صج اسم الله عليج يبيله نسويها

i-Found said...

هني وعافيه

رورو الشخبوطه said...

ام حربرب..

بغثكم باطباقي خخخ..

حنا نسوي مثلها بس بالكريمه مايخالف تعطيني مقادير صلصة الباشميل؟

والله يعافيج يارب ..

مشكوره

رورو الشخبوطه said...

مدمد..

الله يسلمج يارب..

مرسي :*

رورو الشخبوطه said...

Tranquility

الله يسلمج مثل ماقلت دمجت طبقين مع بعض , بس بطريقتي انا وغيرت بالمقادير شوي ..


يعني مو من تاليفي 100%

ان شاءالله تجربينها وتعجبج ..

اسعدني تعليقج :*

رورو الشخبوطه said...

فوند..

الله يعافيج يارب..

مشكوره..

Anonymous said...

حلو ماشاءالله ووايد سهل بس لو مستبدلة القيمر بكريمة المراعي بيصير أحلى وأخف شوي

3.D3aijany said...

يعطيج العافية
ممكن توضحين اكثر ! يعني شنو الكمية والحجم من كل مقدار ؟

رورو الشخبوطه said...

حنان..

اي اهو ميزته انه سهل :)

رورو الشخبوطه said...

3.D3aijany

الله يعافيج يارب..

انا ماحددت لانه هالمقادير حسب حجم البايركس وحسب الذوق والرغبة ..

جيس توست ..تقريبا 12 قطعه 6 فوق و6 تحت..

جبن قلاص..كرافت صغير
(لانه نحب المالح ذ متبين ملح غير النوع)
قيمر..كبير كي دي دي هم 1

جبن موزريلا ..ماذكر شكثر :\

نقانق..جيس كامل وماثبت ع اسمه

بطاط..تقريبا حبتين وسط
كريمه ..هم حطيته بحيث تكون مغطيه الحميسه وشويه ازيد..

ماجي نتفه صغيره ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads