Saturday, August 13, 2011
هالطبق ماكنت مخططه له كلش العصر دزيت لبنت عمي ماتقصر معاي ومبتلش بحنتي خخ قلت لها ابي اطباق سهل وفنتق صورت لي جم وصفه من ضمنهم هذي ..

والوصفات كانت من كتاب المطبخ المميز لـ اسماء الحجي ام شهد ..


المقادير :

-توست ..
-جبن كيري (اهو الحشوه وطبعا ماتتقيدون فيها تقدرون تحشونها باي شي تبون اي نوع جبن , لحم مفروم ,دياي, خضار,مرتديلا ..الخ).
-بيض ..
-بقسماط ..
-جبن سائل = جبن قلاص..

الطريقة:

-نرق التوست ونقطعه بشكل دائري باستخدام القطاعه الدائريه او حتى اقلاص يفي بالغرض اهو اللي استخدمته مادري اذا عندنا قطاعه او لا :\
ملاحظة : لازم يكون التوست اللي قطعناه عدد زوجي لانه بنستخدم كل قطعتين بكبة 1 ..

-نحط الحشوه اللي نبيها وندهن الاطراف بالجبن السائل لانه بنثبت فيها القطعه ال2 من التوست ونضغط على لاطراف عشان ماتتبطل الكبه ..

- نحطها بالبيض وعقب نغطيها بالقسماط و نقليها..

وهني وعافيه :)

رايي المتذوقين :

العجينه كطعم حلوه بس الحشوه  البعض ماعجبتهم
:( اخوي واختي مايحبون الكيري ..
تقيمم ابوي جيد جدا :)
اتوقع بتكون الذ مع جبن الشيدر والهلبينو..

3 comments:

fatma said...

احنا نحشيها بدياي مسحب وبصل جربيها وايد لذيذة

Made n Q8 said...

ونااسه شكله يقرمش

Anonymous said...

ماشاءالله شكلها حلوة واللي محليها جبن كيري بعد
يعطيج العافية على الوصفة

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads