Monday, April 4, 2011
توني كنت ادور بقوقل عن صبغ من سالي هانسن بقولكم عنه ..

جان ادش احوس بسايتهم ولقيت هالصفحة ..

(ضغطي على الصورة تتكبر)

الصفحه شنو اهي ؟؟

امم اهي بختصار تجاربين لصبغ وانتي بيتكم ومجابلها جهازج بدون لا تتعنين للسوق وتتبتلشين بمندوبة عبيطه او دعله ..

شلون تجربينه ؟؟

اهو حاط خيارات ..

اللي اهي :
1- طول اظافرج.
2- شكلهم ..
3- لون يلدج (الجلد)..
4-اللون اللي تبينه ..
5-تحددين ذ عندج مشكله تعانين منها مثل(ماعندج وقت تصبغين ,اظافرج قصار... الخ )
واخر شي حاطين الوان من تضغطين على لون اوتامتيكي يتغير لون الاظافر وتشوفين النتيجة  شلون  شكله على ايدج ..
وهم يبين عندج اي نوع متوفر منه الدرجة اللي اخترتيها ..

حبيت انه :
-الماركة مو متوفره عندنا فيفيدج اذ بتوصين احد او تطلبين من النت ..
-وحتى لو توفرت حلو اجرب قبل لا روح السوق خصوصا اذا اللي معاي كله مستعيلين :\
والخ الخ :)

رابط الصفحة (هون)

4 comments:

Anonymous said...

انا مثلج اب احط صبغ اظافر وايد بس المشكلة بالصلاة وجربت احط الاسلامي واشتريت كل الالوان بس مشكلته احطة واي ضربه تخربه .. وما اقدر احطة الا وقت معين ومن فرحتي كل يوم لون وشكل لان عندي تقريبا كل ما تتكلمين عنه من اللي يتشلخ ومن الورق السلفر واشياء كثيرة وانا اشوفج ما شاء الله تبارك الرحمن كلة مصبغة يدك ممكن تقولين لي اشلون اقدر احط واصلي والا انتي تحطين وتشيلين عدة مرات باليوم .. اتمنى تكونين فهمتي قصدي

رورو الشخبوطه said...

غير معرف..

صاجه مو عملي الاسلامي..

اصبغ مثلج باوقات معينه والساعات اللي مافيها صلاة مثل عقب العشا اذا عندي مناسبه او الصبح ساعات اتيدد واحط وساعات امسح قبل الصلاة هذا اذا لي خلق ..

وحياج الله..

Unknown said...

مشكوره حبيبتي بس رابط الموقع مايمشي وياي ماأدري ليش
أبي أجرب أنا مشكلتي أضافري قصار وأصابع أيدي مليانه شنو الصبغ اللي يناسبني برأيك؟

رورو الشخبوطه said...

بسام..

العفو ولو..

جربي مره 2 ذا ماضبط ..

دشي سايت سالي هانسن واختاري نيلز وعقب نيل سليكتور ..

كاهو رابط ..

http://www.sallyhansen.com/

جربي كل الون اللي تحبينها بس ابتعدي عن الغومج..

وحاولي تطولين اظافرج..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads