Wednesday, April 20, 2011
قبل فتره رحت سيفورا ابي كريم اساسا وبودرة و بيس ..

خذيتهم مع حمايه وفرشة و حمره وقلوس ومحدد و ماسك وزبدة كاكاو ... الخ :\

ومن حصيلتي كان هالصبغ ..

شكله على الاظافر :
سعره :

بالكويت 3 بالنت ب5 دولار بالكويتي =1.380 :\ يعني يبعون دبل السعر :s

رايي :

بالنسبه لي اهو احلى صبغ اظافر سلفر جربته , بس عيبه حجمه نتفه جنه عينه :\ وان شاءالله احصل صبغ ذهبي سنع جربت اللي بسيفورا ماعجبني خفيف :\

14 comments:

Kawkawii said...

ياااااااااااي
تدرين كنت ادوره من مده
خاصه في منتدى كويتيات في وحده تبيعه اهناك بس اظن نفس سعرج فيمكن هي
..
حتى اليوم اتفقت وياها ان ابي كميه لي ولربعي
بس حسافه مثل ما قلتي صغير
ومافي الا سلفر :(
..
تستاهلين الزين يا ام الزين

شاي الضحى said...

اختربتي اختربتي قمتي تشترين ميك اب

هههههه

ذاك اليوم شفت الفلبينيه بالسبا حاطه فرينش بدل الابيض سلفر شكله حلو

رورو الشخبوطه said...

كاكاويه..

موجود بسيفورا ..

مو من وحده ..

وفي وايد الوان ..

بعد عمري مشكوره :*

رورو الشخبوطه said...

جايونه..

لا خخخ..

حق مناسبه ماحب استخدم مكياج الصالون ..

ولا حدي قلوس و حمره و اصباغ اظافر اذا تطورت كحله ملونه خخ..

هلصبغ كنت حاطته لما يتيلي اخر مره تذكرين :)

جربته قبل جم يوم ماشفتيه ؟؟

جيكي على بوست صبغ الاظافر الماسي بس مو عادي قلتر بس اقدر اسويه عادي ..

نزهاويه said...

يونس
بروح اشتريلي نفسه

عليج بالعافيه :*

amani said...

انا من قبل مده اخذت من

Zoya

نفس هاللون بس يلمع اكثر وحجمه زين مو نتفه
بس يحتاج توب كوت عشان ما يتشقق لانه يصير مثل ورق مذهب بس لون سلفر

المهم مادري شلون اشرحه بس والله عجيب الكل يسألني عنه

واحد ثاني اخذته من

OPI

كأنه قصدير لما يسود شويه يعني مو سلفر ابيض ناطع

من حطيته عبالهم مركبه اظافر حديد لووول هم ملفت للنظر حيل

بس شويه صعب اذا بغيت اشيله يطلع عيني على ما يطلع وبالاخير يترك اثر على الاظفر حتى لو حطيت حمايه من الاساس


وكل شي بالكويت ياخذون دبل

بس زين لقيت ماركه
essie
عند جوثن السالميه اب 3.250 او 3.750 مااذكر بالضبط لاني خميت كل الألوان
لانه بالصالونات زياده على سعره دينار

وحت زويا عند الوكيل تلقين الصبغ الواحد اب دينارين بس
وبالصالونات يزيدونه دينار وربع


على العموم حبيت ارشح لكم التوب كوت مال essie

عجيب ماشفت احلى منه .. قوي وينشف بسرعه ويضل محتفظ بلمعته 4 ايام ومايتقشر يصير الصبغ صلب كأنج حاطه اظافر تركيب بلاستيك بعد

يجنن لا يطوفج والله

الذهبي انا اخذت من ديور بس شويه صاير على برونز .. بس حبيته لونه شيك حيل وملفت للنظر مع انه شويه هادي مو لماع حيل

Anonymous said...

esadora السلفر مالهم وايد حلوو جربية بس اغلى سعر 5 جنة

رورو الشخبوطه said...

نزهاويه..

الله يعافيج يارب..

مشكوره :*

رورو الشخبوطه said...

اماني..

استانس على ردودج لاني من عشاق تفاصيل لتفاصيل ..

ما يخالف اسمهمو رقمهم ؟؟

بشوف شكلهم على اظافر بقوقل ..

صج زويا بدينارين؟؟ منو وكيله لانه مره لقيتهم بصالون ارخص كان مسوين عرض الواحد ب1,750 لا وتقول ربحانه فيه ..

انا مااهتم بالتوب كوت لانه عادة اغير الصبغ بشكل يومي واذ طولت فيه اكون حاطته بسبا يومين وامل :)

بس شكله حلو ماشاءالله..

هم اسمه او رقمه اذا ماعليج امر :)

ومشكوره :*

رورو الشخبوطه said...

غير معرف..

اي ايسادور زايدين اسعارهم

ماجربت اصباغهم

ان شاءالله بالمستقبل :)

خاتون said...

السلام عليكم...

نايس
تصدقين رورو لازم تسوين لج مشروع محل صبغ أظافر وأنت تيبين الأصباغ اللي مو موجودة بالكويت منها تآخذين اللي يعجبج ومنها بزنز هههههههههه

Anonymous said...

حلو ماشاءالله بس حلاته بدون لمعة
مشكورة :*

رورو الشخبوطه said...

خاتون..

وعليكم السلام والرحمه..

لو حظي حلو سويته خخخ..

رورو الشخبوطه said...

حنان..

هو ميزته بلمعته ..

والعفو ولو..
حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads