Tuesday, April 12, 2011

بيوم 10 فبراير 2011 مرتني جايونه الدوام وعطتني اول هديه بعيد ميلادي :)

وايد استانست فيها وبشكلها حلو ماشاءالله ..


كان فيها اكثر من شغله ..

منهم هالكابون ..

انا كتبت عليه رورو خخخ ..

عاد رحت له هالشهر اجربه ..

وكانت مختارتلي ..

Luxe it منييكير وبديكير ..

مكان الانتظار ..

واحلى شي فيه هالتحفه حبيتها :)

تميت انطر لي عقب موعدي ب9 دقايق رحت للرسبشن اسالها متى دوري :\ انصدمت حسبالها بلشوا فيني :\ من اولها دايخين مبلشين بوحده غيري لما دروا خلوها ويولي خخ انصدمت :\

الاصباغ ..

جزء من المكان ..

اخترت هاللون من زويا اسمه gilda

مو ستايلي مو وايد احب لماعي كان ودي جرب شانيل بس ماشفت الا دجتين وماعجبوني ..
وهذا كنت بجربه على ظفر واقرر لانه حطيته بتويتر واختي قالت انه جنه مال سيلانيه رايحة عرس خخخ بس الاخت الفاضله مارضت تغيره خخ ..

النتيجة :
زين مش بطال << قصدي عن الوان ..

راايي..

مثل ماقلت وايد حبيت الهديه من الى اهي مو متوقعه واول هديه وشي احبه ومكان يديد وشكلها راقي وايد استانست لما شفتها ماقصرتي جايونه ايبها لبنتج :* ان شاءالله..

بس بقول رايي بالسبا اهو عادي مع انه غالي مو رخيص بس ماكو دلع ولا حظت شي اذا يايه بقفت فاوتشر مايدلعوني كثر اللي يايين عادي :\
الستاف اللي شفته اللي سولي 2 ومالت الاستقبال دايخين ..

عصبت عليهم خخ ..

مو بس جذي وايد يقرقون طول مايشتغلون هذره:\ صدعوني !

نتيجة الايد زينه واخيرأ جربت الاظافر راوند سكوير ...

اما الريول النتيجة ضيم مع انه قبل لا تبلش كانت ريولي زينه احسن من كل مره وهم زدت معالجة الجفاف اللي طلعت كريم اساسا عندي مثله :\

بديكير + معالجة جفاف = المفروض النتيجة ريول زبدة :\

اللي صار انه ريولي لو مسويته بالبيت جان احسن

قلت للي سوت لي :\

قالت اي عادي لازم تين نكست ويك ونكمل ؟؟

قلت نطرين عيل ,عسى ماشر شغلكم بالاقساط :\

كلمت اللي سوت ايدي قالت مره 2 انا اسويلج احسن من فلانه وبلا بلا بلا <<< قلت بلشنا ..

ماكنت بدفع الدينارين لانه مايستاهلون :\ بس قلت خذوهم مع جم دعوه خخ لانه كلمت مالت الاستقبال ماهمها بس تبي الفلوس :\

طبعا ماقدرت اسكت كتبت رايي لهم بالفيس بوك باختصار انه كرهت عمري :\

ردوا علي يبون يعرفون سالفه قلت لهم عاد مايندرا وصلهم او لا لانه ماشفت منهم اي رد عقب (هلحجي قبل اسبوع تقريبا) ..

واحلى شي انه موجود بالافينيوز..

اقين مشكوره جايونه وماقصرتي ..

16 comments:

Sweet Revenge said...

مساءالخير
رورو
اوافقج الراي الصراحة
مرة رحت تخيلي وحدة ماسكة ايدي ووحدة ماسكة ريولي "مااحب هالحركة"
ويشتغلون بسرعة يبون يخلصون وبس
قلت لها راوند سكوير سوتلي راوند
والشغل كان حدة تعبان
المكان حلو بس شغلهم ما يخليج تكررين التجربة
للحين عندي نيلتيني
ونيل ات احسن شي

oyoon al maha said...

شخبوطة ، جربي بوبل سبا في برج جاسم وربي عجيب

شاي الضحى said...

لووول قاعده اقول ما اذكر اني كاتبه رورو

جربته مرتين وكان شغلهم وايد زين

الظاهر اول ما افتحوا كانوا زينين وبعدها من الزحمه صار شغلهم عالسريع

والمفروض ما يدفعونج !!! شكو تقولج زياده بعد هديه وتدفعين ما يصير

انا هالايام كله اروح اصبغ بليلي اند دي بدينار هههههه

هالشهر تطورت طافج ما تدرين شمسويه باظافري ههههه

عليج بالعافيه الهديه

نزهاويه said...

يقولون السبا الثاني اللي بالافينيوز احسن من هذا
اللي اهوا 24 مادري شنو:p

انا احب بابلز اللي بـ برج جاسم
شغلهم حلو و نظيف و مو سريعين يسوولج على الراحه ;)

Sumitha said...

tht pink is really adorable..love it on your nails :)

خاتون said...

السلام عليكم

أنا تصدقين ساعات تمر
أيام ما أدري عن أيدي
خخخخخخخخ
مودعة الأنوثة بس
لمن أدخل مدونتج أتحمس
بس اليوم صار غبار
فباجر باذن الله بروح
أرقع بحالي وبصبغ بس كلها جم ساعة وبأمسحه عشان الصلاة ههههه بس بصور اظافري عن الحسافة ههههههه

عليج بالعافية حبيبتي
بس طيحتي حظهم عدل
*_^موفقة

her said...

kel 3am wentay b5ear :) w 3aleach bel 3afya sweety...
ana knt katba post awal ma jarabt el mukan le2ana el spa 7ada elmukan 7elo w mafe methla bel q8 bs el staff kelish not professional 7aram ga3ed y5arboon 3al mukan:/

رورو الشخبوطه said...

سويت..

مساء النور..

اي صاجه حسيت بسرعه خلصت :\

بحطهم بلستتي وبجربهم ان شاءالله..

رورو الشخبوطه said...

عيون..

اي جربته عجيب لي الحين اهو بالنسبه لي التوب 1 ..

رورو الشخبوطه said...

جايونه..

اي انا كتبته خخخ..


سكتي تعقد من القفت فاوتشر لازم يطلعون لي شي ادفع له :\

خخ انا اصبغ بالمناسبات بصالون بوطقه ببلاش :)

شمسويه ؟؟

انا قاعده اشوف صور واطبق خخ..

يعافيج يارب..

مشكوره..

رورو الشخبوطه said...

نزهاويه..

اي مجربته احسن من هذا النتيجة ..

ومنزله عنه الشهر اللي فات :)

وبابلز عجيب حبيته اهو التوب ون من اللي جربتهم :)

رورو الشخبوطه said...

Sumitha

مشكوره..

كنت بقولج انه نفس اخر واحد منزلته بس ماقدرت ارد تنح :(

رورو الشخبوطه said...

خاتون..

وعليكم السلام والرحمه..

رحتي ولا لا؟؟

خخ روحي بوقت مناسبه او تقدرين تحللين الصبغ ..

يعافيج يارب..

مشكوره..

لا وي هذا الصج وانا قايله لهم مو اللي جاملتهم بويهم وطبيت فيهم من وراهم ..

واجمعين يارب..

رورو الشخبوطه said...

هير..

وانتي بخير والله يعافيج يارب..

اهو الحلو فيه انه بالافنيو..

Anonymous said...

هاي
ماشاءالله تبارك ايدينج حلوه ماشاءالله تبارك الله الوردي يجنن على ايدج امانه شنو اسم المرطب التي تستخدمينه بليييييييييييييييييييييز لاتكونين نحيسه بليز:)

رورو الشخبوطه said...

غير معروف ..

هايات..

مشكوره عيونج الحلوه..

مو ذكره بالضبط لانه حاليا مو ملتزمه بشي معين لايدي ..

وجربت كثر شي ..

N7 من بوتس هو مرطب وحمايه استخدمه لويهي وايدي ..

وحطيت عن اخر صابونه استخدمتها لايدي سكن وايت ..

بس حزتها جد مو ذاكره..

تابعي بلوقي حط كلشي استخدمه :)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads