شخبوطة كويتيه: تجربتي لبعض منتجات كلينك ..

Monday, April 18, 2011

تجربتي لبعض منتجات كلينك ..

9:51 PM

قبل فتره طويله شريت مجموعة من منتجات كلينك واستخدمتهم على فترات متقطعه ..

بس اول فتره استمرت تقريبا شهر ..

من مجموعة Redness Solutions ..

خذيت ..

(1)

الغسول..

اسمه :Clinique Redness Solutions Soothing Cleanser

كان زين مو وااو وقوامة كريمي..

(2)

تونر - تونيك ..

اسمه : Mild Clarifying Lotion

ماحبيته حار على البشره احس يحرق ويهي :\

(3)

كريم الحماية ..

اسمه : Redness Solutions Daily Protective Base Spf 15

-نسبه حمايته شويه بس مش بطااله ..

-قوامة صعب ينفرد على البشره مع انه استخدمه عقب مرطب بس مو من المجموعة بعد شوي بكلمكم عنه ان شاءالله..

-فيه لون اخضر لانه معروف الاخضر يغطي ويخفي البقع الحمره ولون الاحمر بالبشره , وكل مااحطه يقولون لي ويهج حلو :)

(4)

كريم الليل ..

اسمه :Clinique Redness Solutions Daily Relief Cream

عادي جدا موذاك الزود :\ وهم كنت استخدمه عقب المرطب ..

خطوات الاستخدام :

كانت (غسول-تونر-مرطب -لصبح كريم حماية \ بالليل كريم الليل)..

منتجات 2 ..

(1)

الكريم المرطب ..

مو متاكده من الصوره بس اذكر شكله كان جذي ..

اهو حلو مثل الجل كنت احطه واحس بانتعاش بااااارد يونس , بس بسرعه تمتصه البشره لدرجة لما بحط حمايه يبيلي عضلات عشان اتدهن فيها لانه مثل ماقلت لكم عنها فوق قوامه الكريمي غثيث :\

اختي جربته معاي وحبته واهو اول شي خلصناه :)

وخذت منه مره 2 بس الظاهر مغيرينه او احنا مخربطين لانه مو مثل العلبه في وايد جنه المهم ما ناسبها :\..

(2)

كريم العين ..

اسمه :All About Eyes

ترطيبه حلو بس مااحس فرقت علي هالاتي :\

(3)

سنفره..

7day scrub cream

هذي ماشريتها عطوني اياها هدية ..

زوينه خفيفه بس لانه بشري حساسه مايصير استخدمها الا مره بالاسبوع ..

الاسعار ..

اذكر التوتل شي و70 تقريبا 76 ..

يعني اسعارها مناسبه ..

رايي ككل :

-اكثر شي حبيته بهالماركة الهدايا عطوني حمره وبلاشر وشدو وماسكرا حريت اختي جان يعطونها وحده بعد خخ وسنفره وفرشه وجنطة مكياج هذا اللي اذكره :)

وهم عطوني تنظيف بشره بس مارحت لهم عادي روح الحين عقب سنتين ولا يشوتوني :\ خخخ..(ميزه 1)

-عموما زينه المنتجات بس شويه عباله لانه وايد خطوات بس اول شهر كنت اقعد مبجر عشان استخدمهم :)

- مدة صلاحيته طويلة سنتين كلهم ماعدا كريم العين جنه (ميزة 2)

اللي ضحكني كنت بشتري كريم للمسام شريت كل هذول لما قلت ابيه قالوا مخلص خخ ولي الحين ماشريته :\ جربتوه يسوى ؟؟

Labels: beauty, makeup, تجربة

6 comments:

نون النساء said...: اتهقين الكريم اللي بالصورة الثالثة
ينفع صج؟؟
انا ويهي يقلب ألوان فوشي على احمر على مادري شنو إذا حاشتني الشمس
أو أي مكان حار ويطلع فيني بقع حمرة

اشتريت من أتاشي مجموعة البشرة الحساسة انصحتني فيه الخبيرة
خفف اشوي البقع بس ليما الحين ماتروح

:/; April 18, 2011 at 10:01 PM
maha said...: مو جنه ٧٠ واجد

انا مره رحتلهم عطوني التونك هديه الصراحه حلو وحاااار
انا حبيته لان بشرتي دهنيه; April 18, 2011 at 10:07 PM
رورو الشخبوطه said...: نون..

مم تجربتي البسيطه له حسيت نه مؤقت تاثيره ..

مثل حالتي :\

جربي تاخذين سامبلز منهم وشوفي اذا يوالمونج و لا ..; April 19, 2011 at 11:10 PM
رورو الشخبوطه said...: مها..

امم 70 مناسب ل6كريمات وتنظيف بشره وهدية تسوى :); April 19, 2011 at 11:11 PM
Ra-1 said...: آنا أستخدم الوردي الي حطيتي صورته
وايد حلو أحبه :); April 20, 2011 at 11:41 AM
رورو الشخبوطه said...: Ra,,

اي ويد اللي يحبونه :)

وحياج ..; April 21, 2011 at 9:15 PM

تجربتي لبعض منتجات كلينك ..

6 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads