Sunday, April 24, 2011
قبل فتره جايونه نزلت بوست عنه ..

وحبيت فكرة اني اسوي السلطة على كيفي لاني وااااااااااااااااااايد عسره بالاكل ماكل بصل ولا خضره بقدونس وجرجير وبروكلي وخواتهم ولابديان ولا ثوم ولازهره  والخ الخ !!

اللي اكله ويستخدم بالسلطة خيار وطماط وخس وبطاط وذرة وجزر جنه بس !

وحلاته منيوهم طويل طولي خخخ..

طلبت فتوش والصلصات بروحه ..

:(

سيزر اختيار رفيجتي ..



اسعاره :

فتوشي 1.750 د.ك (بس اسمه سو طلبك خخ خوش ترجمه)
سيزر1.950 د.ك


رايي :

ماعجبني فتوشي ناقصه دبس رمان احس وسماق يعني اللي بيطلب لازم يعطيها لمقادير مضبوطة !! وعيبها مقطع بحجم كبير وايد ..
ماكليت الا شويه ورزيت ويهي عند رفيجتي خخ سيزرها لذيذه حبيتها والدياي حلو ويتقطع بسرعه ..
على فكرة طلبها جاهز مو مثلي ..
ورفيجتي ال3 طلبت سلطة الجرجير جان تقول الحجيه شتبون فيها عطينها المقادير وضبطت اشوه ..
بس حبيته اكله نظيف وتقديمه للاكل حلو وناوين نجربه مره 2 يمكن باجر من كثر ماحبيناه :) والاكل راهي وسعره مناسب ..


عنوانه :

بنيد القار -خط فحيحيل ..

55335304

55339304

55338304

FB :LINK

وموجود بموقع طلبات (هني)

8 comments:

ibnalsor said...

لا ادري هل هي مصادفة
ام احساسي بان هالبنت طابخه طبخه
على القليله نستطعم صورتها
بس هالمره
الوصفة وطريقة العرض
تفتح النفس
عموما .. هذه البنت على بعضها
تفتح النفس
كلامها وكلامها وحرفها ومرحها
وحتى وصفها للاكل
تفتح شهية القراءة لها
رائعة

AM.SA.CHANNEL said...

شخبوطة لو سمحتي سويلي أوردر يوم بتين دبي من سيزر ههههههه
شكلها يبين لذيذ بس سلطتج موول ما تشهي يبين هههه ..

بس بالعافية عليكم ..

خاتون said...

عليكم بألف وستين مليون عافية

يبيلة نجرب السيزر سلاد *_^

تشكرات ^_^

Anonymous said...

بالعافية إن شاءالله :)

رورو الشخبوطه said...

اخوي ابن السور ..

شكرا ع الاطراء..

رورو الشخبوطه said...

شانيل..

ولا يهمج :)

اي كلش استغفرالله..

الله يعافيج يارب..

مشكوره..

رورو الشخبوطه said...

خاتون..

الله يعافيج يارب..

مشكوره..

رورو الشخبوطه said...

حنان ..

الله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads