Friday, March 25, 2011
تقنية الفيش بديكير موجوده من زمان برا بس موخرا اشوفه وصلت للكويت وحاليا احس بلشت تنتشر بالصالونات والسبا ..

طبعا خاطري اجربها بس خايفه من شغلتين :

- انه يكون مضر مثل ماسمعت وانه يساهم بنقل الامراض :\ الله يكافينا شرها ..
-انه يعور ويجرح ..

وتوني سويت سيرج ولقيت معلومات عنه بس مالقيت شي عن المضار الا جزء بسيط :\ ..

وبكتب لكم الزبده ..

هالنوع طلع من شرق اسيا وفيه يستخدمون نوع معين من السمج اسمه ( الجارا روفا ) والمشهوره بـ ( الدكتورة السمكة ) .

مميزاتها:
اللي تقدر تتغذي على الجلد الميت وتوخره عن جسم الانسان (ماتحوش اليلد السليم) , ولانه اسنانها صغيره (وفي سايتات تقول ماعندها اسنان)  وعضتها صغيره تعطيج شعورا بالراحة والإسترخاء وهي علاج زين للي يعانون من أمراض جلدية بسيطة  مختلفة مثل (الصدفية، والأكزيما، كما تساعد في تنشيط الدورة الدموية وتنظيف الجلد وازالة البقع او الوحمات الصغيرة والاسترخاء وازالة التوتر والشعور بالسعادة.

وهالبديكير ما يحتاج شي الا انه تغسلين ريولج بالماي عدل  قبل لا تسوينه .

ومدته:

تقريبا من ربع الى  نص ساعه.

اما عيوبه:

  ويمكن لهذه الطريقة أن تنقل الأمراض، خاصة الخطيرة منها إذا ما لم تتم العناية بالشكل المطلوب، ولهذا السبب فإننا نحافظ جيدا على صحة الزبائن من خلال تنظيف الأحواض أولا بأول وتطهيرها وتغيير وفلترة الماء باستمرار عن طريق الأشعة فوق البنفسجية ثم يمر بفلاتر والعديد من المراحل التي تضمن تطهيره ونظافته، بالإضافة إلى أنه يتم فحص أقدام العملاء جيدا قبل دخولهم للأحواض فإذا كان هناك أي عميل لديه جرح او إصابة لا يسمح له بدخول الأحواض.(المصدر).

مصادر 2 هني و هني
عمركم جربتوه ؟؟

12 comments:

mazyona said...

هلا رورو
والله عمري ما جربته ولا أفكر
شكله يخرع أنا أخاف من نمله تمشي على ايدي وريلي تبيني أخلي سمج يآكلني

Amwaj said...

ما جربته ولا بجربه لأنه يخرع بصراحة

رورو الشخبوطه said...

اهلين مزيونه..

خخخخ ..

ماتوقع يعور مثل مستوى التفرك ..

رورو الشخبوطه said...

امواج..

يخرع شويه خصوصا بسالفه نقل الامرض ..

Anonymous said...

هاى شخبوطه انا جربته و ماانصح فيه سببلى حساسيه و التهاب فى الجلد
http://www.reuters.com/article/2011/03/02/us-uk-investigates-fish-idUSTRE7214MI20110302

Anonymous said...

FISH PEDICURE

جربته في مليزيا
الشغله البايخه اول شي انه يدلدغ :)
ثاني شي عقب ما تخلصون بتحسون بعوار باصابعكم ,, مثل ما يكون الجلد لين او طبقته رايحه فا اي شي يحوشه تحس بحرقه

نصيحه
واحنا نسوي مال السمج ولا يمر دكتور سعودي طبعا عرفنا عن نفسه
جان يقول ترا اللي قاعد تسوينه موزين (ماذكر ليش قال موزين ,,) والسبب انه احنا كنا نسويه باحواض وفيه فلاتر الدكتور يقول لازم يكون فيه مجرى ماي يعني نفس النهر او البحيره ,,

رورو الشخبوطه said...

غير معرف 1..

هايات..

وي سلامات ..

ومشكوره ع التنبيه..

رورو الشخبوطه said...

غير معرف 2..

يعني مو عملي بياذينا اول فتره:\

ولازم بنهر او مجرى طبيعي نظف بيصير اتوقع..

مشكوره .

SusHi said...

ما عمري جربته
و ماعتقد بجربه
احس يعوووور لووووول

Ra-1 said...

إي آنا جربته هالسنة في تايلند
عجيب :)

رورو الشخبوطه said...

SusHi

انا خفت من مضاره :\

رورو الشخبوطه said...

Ra..

صج بس الخوف من مضاره :(

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads